Josh. 10:40 - Bhaibheri Rakachena muChindau

⁴⁰ Ndizvo Joshua wakabaya vanhu veshe vokumitunhu, nokubani, nomubani, nevemubandanda nemadzimambo ayo eshe; aazi kusiya naumwe echipona, asi wakavapedza veshe kuuraya avo vaifema, kudai ngezvaakapanga Mambo Mwari, Mwari waIsuraeri.

Josh. 10:40 Iomraidhean Croise

1 Madzi. 15:29

Naapo aitwa mambo, wakauraya veshe vemhatso yaJerobhoamu; aazi kusiya naumwe kumhatso yaJerobhoamu waifema, metsa aiparadza, kudai ngeizwi raMambo Mwari, raakaereketa kubudikidza ngomuranda wake Ahija muShiro,

Neh. 9:24

Ndizvo mibarirwana yakapoteramwo ikagara nhaka yenyika, newe wakanyisa vagari vomunyika iyo pamberi pavo, vaKhenani, wakavapira munyara dzavo, pamwepo nemadzimambo avo nevanhu venyika, kuti vaite kwevari kudai ngezvevaida.

Nduyo 9:17

Vakashata vanozoenda kuSheori, madzinza eshe anoriyarwa Mwari.

EKISEDHUSI 34:12

Ngwara kuti usazoita chitenderano nevagari venyika younoenda kweiri, kuti chisazoita murau pakati pako.

Zvi. 13:17

NaMosi wakavatuma kuti vaende koonengera nyika yeKhenani, wakati kwavari, “Kwirai muende muNegebhi, mukwire padera penyika yemitunhu.

Dhuto. 1:7

Kunukukai zvino muhambe kuenda kumutunhu wevaAmori nokundau dzeshe dziri pasinde, Arabha, nyika yezvimitunhu, Shefera, Negebhi, nokumhiri kworuandhle, kunyika yevaKhenani neRebhanoni, metsa kumukova mukuru, rwizi Yufratesi.

Dhuto. 2:34

Takatora madhorobha eshe ngouwo mukuwo, takapedza kuuraya veshe vamuna nevakadzi nevana vemadhorobha eshe. Atizi kusiya noumwe echipona.

Dhuto. 7:24

Naye unozopa madzimambo avo munyara dzenyu, munozodzima mazina avo kubva pashi pomudenga; akuzoapo nomunhu noumwe unozokona kuema pamberi penyu, metsa muvapedze.

Josh. 10:35

Vakaritora ngeiro zuva, vorovoribaya ngokupinza kweshoti, nevanhu veshe vaiya umwo wakavapedza yaamho ngeiro zuva, kudai ndizvo zveshe zvaaiya akaita kunaRakhishi.

Josh. 10:37

Vakaritora, vakaribaya ngokupinza kweshoti, namambo waro, madhorobha aro eshe, nevanhu veshe vaiya umwo; aazi kusiya naumwe echipona, kudai ndizvo zveshe zvaaiya akaita muEgironi; asi wakaripedza yaamho, nevanhu veshe vaiya mukati mwaro.

Josh. 10:39

Wakarinyisa, namambo waro, nemadhorobha aro eshe; vakavauraya ngokupinza kweshoti, vakapedza yaamho veshe vaiya umwo; aazi kusiya umwe echipona; kudai ngezvaaiya akaita kunaHebroni, nokudai ngezvaakaita kunaRibhina namambo waro, ngokudaro wakaitazve muDhebhiri nokunamambo waro.

Josh. 11:16

Ndizvo Joshua wakanyisa nyika iyo yeshe, nyika yemitunhu, nenyika yeshe yokubani, nenyika yeshe yeGosheni, nemabani, nemabandanda, nenyika yemitunhu yaIsuraeri, nemabani ayo,

Josh. 12:8

kunyika yemitunhu, mundau yakaterama, mumabani, mubandanda nomushango, munyika dzokubani, dzevaHiti, dzevaAmori, dzevaKhenani, dzevaPherizi, dzevaHivhi nedzevaJebhusi:

Josh. 18:21

Zvino madhorobha edzinza revana vaBhenjamini kudai ngokuteererana kwemhuri dzavo aiya Jerikho, Bhethihogira, Emekezizi,

Josh. 6:17

Dhorobha nazvo zveshe zviri mukati mwaro, zvinozopirwa kunaMambo Mwari, zviparadzwe. Kwega Rahabhi chifebi unozopona, iye navo veshe vari mumhatso naye, ngokuti wakafisha vanengeri avo vakatumwa.

Josh. 8:2

Newe unozoita kunedhorobha iri reAi namambo waro, kudai ngezvewakaita kuneJerikho namambo waro; kwega zvakachakatwa zvaro, nezvifuyo zvaro, munozozvitora kuita zvakachakatwa zvenyu. Ndizvo emesa vanohwarira ngesure kwedhorobha.”

Josh. 8:27

Dzega n'ombe nezviro zvakachakatwa zveiro dhorobha, vaIsuraeri vakazvitora, kudai ngeizwi raMambo Mwari raakapanga Joshua.

Josh. 9:24

Vakapingura Joshua vechiti, “Ngokuti ngegwinyiso kwakaronzerwa kuvaranda vako kuti Mambo Mwari, Mwari wako wakapanga Mosi muranda wake kuti unozomupa nyika yeshe, nokuuraya vagari vayo veshe kubva pamberi penyu; ndizvo ngokudaro taiya nokutya kukurutu ngendaa yokupona kwedu ngepamsoro penyu, ndizvo takaita ichi chiro.