Josh. 10:39 - Bhaibheri Rakachena muChindau

³⁹ Wakarinyisa, namambo waro, nemadhorobha aro eshe; vakavauraya ngokupinza kweshoti, vakapedza yaamho veshe vaiya umwo; aazi kusiya umwe echipona; kudai ngezvaaiya akaita kunaHebroni, nokudai ngezvaakaita kunaRibhina namambo waro, ngokudaro wakaitazve muDhebhiri nokunamambo waro.

Josh. 10:39 Iomraidhean Croise

2 Madzi. 10:11

Ndizvo Jehu wakauraya veshe vakasara vemhatso yaAhabhi muJezireeri, vakuru vake veshe, vangani vake, nevapristi vake, metsa pasisina naumwe unopona.

Obh. 1:18

Mhatso yaJakobe inozoita muriro, mhatso yaJosefa murazvu, mhatso yaIsau mahlanga; vachavapisha nokuvapedza; akuzoapo unosara wemhatso yaIsau; ngokuti Mambo Mwari waereketa.

Dhuto. 3:3

Ndizvo Mambo Mwari, Mwari wedu wakapawo Ogi mambo weBhashani munyara dzedu nevanhu vake veshe. Takavauraya veshe metsa akuzi kusara nomunhu noumwe.

Josh. 10:33

Zvino Horamu mambo weGeza wakauya kudetsera Rakhishi; naJoshua wakamubaya nevanhu vake, metsa aazi kusiya naumwe echipona.

Josh. 10:37

Vakaritora, vakaribaya ngokupinza kweshoti, namambo waro, madhorobha aro eshe, nevanhu veshe vaiya umwo; aazi kusiya naumwe echipona, kudai ndizvo zveshe zvaaiya akaita muEgironi; asi wakaripedza yaamho, nevanhu veshe vaiya mukati mwaro.

Josh. 10:38

Zvino Joshua wakahwirira nevaIsuraeri veshe naye Dhebhiri; vakarwa naro.

Josh. 10:40

Ndizvo Joshua wakabaya vanhu veshe vokumitunhu, nokubani, nomubani, nevemubandanda nemadzimambo ayo eshe; aazi kusiya naumwe echipona, asi wakavapedza veshe kuuraya avo vaifema, kudai ngezvaakapanga Mambo Mwari, Mwari waIsuraeri.

Josh. 11:8

NaMambo Mwari wakavapira munyara dzevaIsuraeri, avo vakavauraya nokuvarumbirira metsa vakaguma Sidhoni guru, nokuMisirefothimaimu, nokumabani eMizipha ngokumabvazuva. Vakavauraya, metsa kusina naumwe waipona.

Josh. 12:13

mambo weDhebhiri, umwe, mambo weGedha, umwe,

1 Sam. 15:3

Enda zvino urwise Amareki, nokuparadza yaamho zveshe zvevanazvo; usakungurira naumwe, asi uraya veshe, vamuna nevakadzi, vana, chiya nevachabva kubarwa, n'ombe nemakwai, makamera nezvimbongora.’ ”

1 Sam. 15:8

Wakatora Agagi mambo wevaAmareki echizwa asi wakauraya vanhu veshe ngeshoti.