Josh. 10:2 - Bhaibheri Rakachena muChindau

² vakatya kakurutu, ngokuti Gibheoni raiya dhorobha guru, riri rimwe remadhorobha oumambo, raiya guru kupinda Ai, nevamuna varo veshe vaiya ngwazi.

Josh. 10:2 Iomraidhean Croise

2 Sam. 12:26

Zvino Joabhi wakarwa neRabha revana vaAmoni, wakatora dhorobha roumambo.

Mazwi 10:24

Icho chaanotya wakashata chinozouya padera pake, asi chidisiso chowakarurama chinozopuwa kwaari.

Dhuto. 11:25

Akuzoapo munhu unozokona kuema pamberi penyu, ngokuti Mambo Mwari, Mwari wenyu unozoisa nheruso yenyu nokutyisa kwenyu padera penyika dzeshe dzomunozotsika, kudai ngezvaakaronza kwomuri.

Dhuto. 2:25

Ngeiri zuva ndinozotanga kuisa kukaruka kwenyu nokutyisa kwenyu padera penyika dzeshe dziri pashi pedenga reshe; naapo pevanozozwa mbiri ndimwi, navo vanozohuta nokukakaseka ngendaa yeimwimwi.”

Dhuto. 28:10

Vanhu veshe vomunyika vanozoona kuti imwimwi munodaidzwa ngezina raMambo Mwari; navo vanozomutya.

Vahebheru 10:27

asi kwasara kugarira mukutya kutongwa, nomuriro uno ushungu unozopedza magaa.

Vahebheru 10:31

Ichi chiro chinotyisa kuwira munyara dzaMwari unopona.

Josh. 2:24

Navo vakati kunaJoshua, “Ngegwinyiso Mambo Mwari wapa nyika yeshe munyara dzedu; zve, vagari veshe venyika vanopera simba ngokutya pamberi pedu.”

Josh. 9:24

Vakapingura Joshua vechiti, “Ngokuti ngegwinyiso kwakaronzerwa kuvaranda vako kuti Mambo Mwari, Mwari wako wakapanga Mosi muranda wake kuti unozomupa nyika yeshe, nokuuraya vagari vayo veshe kubva pamberi penyu; ndizvo ngokudaro taiya nokutya kukurutu ngendaa yokupona kwedu ngepamsoro penyu, ndizvo takaita ichi chiro.

Josh. 9:3

Asi apo vagari veGibheoni vaiya vazwa izvo zvaakaita Joshua kuneJerikho naAi,

1 Sam. 27:5

Zvino Dhavhidha wakati kunaAkhishi, “Kudai zvino ndaona nyasha mukuona kwako, ngavandipe ndau munerimwe remadhorobha emunyika muno, kuti ndigaremwo; ngokuti ngenyi muranda wako echigara newe mudhorobha roumambo muno?”