Josh. 1:9 - Bhaibheri Rakachena muChindau

⁹ Andizi kukupanga here? Ita wakagwinya, unase kushinga; usatya, usakaruka, ngokuti Mambo Mwari, Mwari wako unewe kundau dzeshe dzounozoenda.”

Josh. 1:9 Iomraidhean Croise

Gen. 28:15

Wona, ndinewe, ndinozokungwarira kundau dzeshe dzounozoenda, ndinozokuunzazve munyika ino; ngokuti andizokusii metsa ndaita icho chendakaereketa ndicho kwouri.”

Gen. 39:2

Mambo Mwari waindoiya naJosefa, naye waiya munhu unomuchena; waigara mumhatso yamambo wake muEgipite.

Gen. 39:3

Mambo wake wakaona kuti Mambo Mwari waiya naye, nokuti Mambo Mwari wakaita kuti zveshe zvaakaita zvibudirire munyara dzake.

2 Sam. 13:28

Zvino Abhusaromu wakapanga varanda vake echiti, “Ringisisai zvino apo mwoyo waAmunoni aradza ngevhini, naapo ndinozoti kwomuri, ‘Bayai Amunoni,’ naapo muurayenyi. Musatya; ngokuti andinipi here ndamupanga? Itai vanoshinga ngwazi.”

1 MaKro. 28:20

Dhavhidha wakatizve kunaSoromoni mukororo wake, “Gwinya, ushinge, uite. Usatya, usapera simba; ngokuti Mambo Mwari, Mwari wangu, unewe. Iye aazokukoreresi, nokuti kukusiya, metsa upedze mushando weshe wokushandira mhatso yaMambo Mwari.

2 MaKro. 15:7

Asi imwimwi, itai vakagwinya! Nyara dzenyu dzisapera simba, ngokuti mishando yenyu inozoripirwa.”

Nduyo 46:7

Mambo Mwari wehondo unesu; Mwari waJakobe ibako redu. Selah.

Isa. 41:10

usatya, ngokuti ndinewe; usaita maharura, ngokuti ndiri Mwari wako; ndinozokugwinyisa, ndinozokudetsera, ndinozokubata ngenyara yangu inonyisa yokumudyo.

Isa. 43:1

Asi zvino, izvi ndizvo zvinoronza Mambo Mwari uwo wakakusika, O Jakobe, uwo wakakurura, O Isuraeri: “Usatya, ngokuti ndakuripira; ndakudaidza ngezina, uri wangu.

Isa. 43:5

Usatya, ngokuti ndinewe; ndinozounza mibarirwana yako kubva kumabvazuva, nokubva kumabirirazuva ndinozomuunganidza.

Isa. 8:12

“Musati idumba, zveshe zvavanozoronza vanhu ava kuti idumba; musatya zvevanotya, nokuti kukaruka.

Dha. 10:19

Wakati, “O munhu unodikanwa kakurutu, usatya; kunyarara ngakua kwouri. Ita wakagwinya nounesimba.” Naapo aereketa kwendiri, ndakagwinyiswa, ndikati, “Mambo wangu ngaaerekete; ngokuti wandigwinyisa.”

Hag. 2:4

Asi zvino gwinya, O Zerubhabheri, unoronza Mambo Mwari; gwinya, O Joshua, mukororo waJehozadhaki, mupristi mukuru; mugwinye, imwimwi mweshe vanhu venyika, unoronza Mambo Mwari; mushande, ngokuti ndinemwi, unoronza Mambo Mwari wehondo,

Hag. 2:5

kudai ngechigondiso chendakatenderana nemwi apo mwakabuda kubva muEgipite. Mweya wangu unogara pakati penyu; musatya.

Zvak. 4:19

Asi Petro naJohani vechipingura vakati kwavari, “Kuti kwakanaka mukuona kwaMwari kupurutana kwomuri kunokupurutana kunaMwari, gurai imwimwi;

Dhuto. 1:21

Wonai, Mambo Mwari, Mwari wenyu waisa nyika pamberi penyu; kwirai muigare, kudai ngezvaakaronza Mambo Mwari, Mwari wemadzibaba enyu, wakamugondisa; musatya nokuti kupera simba.”

Dhuto. 20:1

Naapo munozobuda kuenda koorwa namagaa enyu, mwechizoona mahachi nengoro, nevanhu vakawanda kupinda imwimwi, musazovatya; ngokuti Mambo Mwari, Mwari wenyu unemwi, uwo wakamubudisa kubva kunyika yeEgipite.

Dhuto. 31:23

Zvino Mambo Mwari wakapanga Joshua mukororo waNuni echiti, “Ita wakagwinya, ushinge, ngokuti ndiwe unozopotedza vaIsuraeri munyika yendakapika kupa kwavari; neni ndinozoa newe.”

Dhuto. 31:28

Ndiunganidzirenyi vakuru veshe vemadzinza enyu, nenduna dzenyu kuti ndierekete mazwi aya munzee dzavo, ndidaidze denga nenyika kuita chapupu ndivo.

Josh. 1:10

Ndizvo Joshua wakapanga vatungamiriri vevanhu echiti,

Josh. 1:17

Kudai ngezvetakamupurutana Mosi ngezviro zveshe, ndizvo tinozokupurutanawo. Kwega kuti Mambo Mwari, Mwari wako aanewe, kudai ngezvaaia naMosi!

Josh. 1:18

Kunyazwi ndiani unozomukira mipango yako, asikapurutani mazwi ako eshe ounomupanga, unozourawa. Kwega ita wakagwinya, ushinge.”

Josh. 10:25

Joshua wakati kwavari, “Musatya, nokuti kupera simba, itai vane simba, mushinge; ngokuti ichi ndicho chaanozoita Mambo Mwari kumagaa enyu eshe anorwisana nemwi.”

Josh. 10:8

Mambo Mwari wakati kunaJoshua, “Usavatya, ngokuti ndavapa munyara dzako; akuna nomunhu naumwe unozokona kuema pamberi pako.”

Josh. 3:7

Mambo Mwari wakati kunaJoshua, “Nyamashi ndinozotanga kukukudza mukuona kwevanhu veshe vaIsuraeri, kuti vazie kuti ndinozoa newe kudai ngezvendaiya naMosi.

Josh. 6:27

Ndizvo Mambo Mwari waiya naJoshua; nembiri yake yakaziikana mukati mwenyika yeshe.

Josh. 8:1

Mambo Mwari wakati kunaJoshua, “Usatya, usapera simbazve; tora vanhu veshe vehondo uende navo, umiruke ukwire Ai. Ringira ndapa munyara yako mambo weAi, nevanhu vake, nedhorobha rake, nenyika yake.

Vato. 6:14

Zvino Mambo Mwari wakakunukukira kwaari akati, “Enda neiri simba rako, newe unozoponesa Isuraeri kubva munyara dzevaMidhiani. Andini here ndakutuma?”

1 Sam. 10:7

Zvino apo zvioniso izvi zvaitika kwouri, ita kunyazwi chinosisira kuitwa, ngokuti Mwari unewe.