Josh. 1:8 - Bhaibheri Rakachena muChindau

⁸ Iri bhuku remipango risazobva pamuromo wako; asi unozopinimidza ndiro masikati nousiku, kuti ungwarire zveshe zvakanyorwa mukati mwaro. Ngokuti ngokudaro unozopfumiswa munjira yako, naapo unozonasa kubudirira.

Josh. 1:8 Iomraidhean Croise

Gen. 24:63

NaIsaka wakabuda koopinimidza mumunda madeekoni, wakamirudza madziso ake, akaringira, wona, makamera aiuya.

2 MaKro. 26:5

Wakadziemesera pachake kutsvaka Mwari ngemazuva aZekharia, uwo wakamupanga ngokutya Mwari; nomukuwo weshe waakamutsvaka Mambo Mwari, Mwari wakamufumisa.

Nduyo 119:11

Ndafisha izwi rako mumwoyo mwangu, kuti ndisakushaishira.

Nduyo 119:15

Ndinozopinimidza ngemipango yako, madziso angu aringisise njira dzako.

Nduyo 119:97

A, kudanyi kwendinoita mupango wako! Uri mumupinimidzo wangu zuva reshe.

Nduyo 119:99

Ndinokuzwisisa kunopinda vadzidzisi vangu veshe, ngokuti zvapupu zvako ndikwo kupinimidza kwangu.

Nduyo 19:14

Mazwi omuromo wangu nokupinimidza kwomwoyo wangu ngazviashirike mukuona kwako, A Mambo Mwari, buwe rangu nomuripiri wangu. KuneMutungamiriri woKuemba. Nduyo yaDhavhidha.

Nduyo 40:10

Andizi kufisha kururama kwako kunoponesa mumwoyo mwangu, ndakateketesa ugondeki hwako noruponeso rwako; andizi kufisha nyasha dzako dzinorudo nokugondeka kwako mumushongano mukuru.

Mazwi 3:1

Mwana wangu, usariyarwa kudzidzisa kwangu, asi mwoyo wako ngaungwarire mipango yangu;

Isa. 59:21

“Kudai ndini,” unoronza Mambo Mwari, “Ichi ndicho chitenderano changu navo: mweya wangu uwo uri padera pako, nemazwi angu endakaisa mumuromo wako, azvizobvi kumuromo wako, nokuti kubva kumiromo yevana vako, nokuti kubva kumiromo yevana vevana vako, kubvira zvinopano mhera nariini,” unoronza Mambo Mwari.

Mateu 12:35

Munhu wakanaka kubva kuupfumi hwakanaka hwomwoyo wake wakanaka unobudisa zvakanaka. Nomunhu wakashata kubva kuupfumi hwakashata unobudisa zvakashata.

Mateu 28:20

mwechivadzidzisa kungwarira zviro zveshe zvendakamupanga; penyai, ndinemwi mazuva eshe metsa kuguma kwenyika.”

Mateu 7:21

“Andivopi veshe vanoti kwendiri, ‘Mambo, Mambo’, vanozopinda muumambo hwomudenga, asi iye unoita kuda kwaBaba angu vari mudenga.

Mateu 7:24

“Ndizvo kunyazwi ndiani unozwa mazwi angu aya nokuaita, unoedzaniswa nomunhu wakangwara, uwo wakaaka mhatso yake padera poruware.

Ruka 11:28

Asi iye wakati, “Eya, kakurutu vanomuchena avo vanorizwa izwi raMwari vechiringwarira!”

Johani 13:17

Kudai mwechizia izvi zviro, munomuchena kudai mwechizviita.

Johani 14:21

Uwo unemipango yangu echiingwarira, uwo ndiye unondida; nouwo unondida unodiwa ndiBaba angu, neni ndinozomuda nokudzionisa pachangu kwaari.”

Vaefesu 4:29

Musatendera kuti kuereketa kwakashata kubude mumiromo yenyu, asi kwega kwakanaka kunoaka, kudai ngezvinotamika, kuti kupe nyasha kwavari vanokuzwa.

Dhuto. 29:8

Takatora nyika yavo, tikaipa kuita nhaka kuvaRubheni, nokuvaGadhi, nokurupande rwedzinza raManase.

Dhuto. 29:9

Ndizvo nasai kungwarira mazwi echitenderano ichi, kuti mubudirire kwezviri zveshe zvomunoita.

Dhuto. 30:14

Haiwa, izwi iri riri pasinde penyu, riri mumuromo mwenyu, nomumwoyo mwenyu kuti muriite.

Dhuto. 31:11

apo vaIsuraeri veshe vanozouya kuoneka pamberi paMambo Mwari, Mwari wavo, mundau yaanozotsanangura, munozodzidza mipango iyi pamberi pevaIsuraeri veshe mukuzwa kwavo.

Dhuto. 31:24

Apo Mosi aiya apedza kunyora mazwi emipango iyi mubhuku, metsa kumagumo,

Dhuto. 5:1

NaMosi wakadaidza vaIsuraeri veshe, akati kwavari: “Izwai, imwimwi vaIsuraeri, zviemeso nezvitongero, zvendinoereketa munzee dzenyu nyamashi, kuti muzvidzidze, nokuzvingwarira nokuzviita kakurutu.

Dhuto. 5:29

A kudai kungaapo mukati mwavo mwoyo wokunditya, nokungwarira mukuwo weshe mipango yangu yeshe, kuti zvinake kwavari, nokuvana vavo kunoti mhera nariini!

Dhuto. 5:32

Ndizvo munozongwarira kuita kudai ngezvaakamupanga Mambo Mwari, Mwari wenyu; musazopauka kuenda kumudyo nokuti kumuoshwe.

Vakorose 3:16

Izwi raKristu ngarigare mukati mwenyu ngokuwandisa, mwechidzidzisana nokupangana umwe noumweni muungwaru hweshe; mwechibonga mumwoyo yenyu embai nduyo, ngoma nengoma dzoMweya kunaMwari.

Josh. 1:7

Kwega ita wakagwinya, ushinge kakurutu, kuti ungwarire kuita yeshe mipango, yaakapanga Mosi muranda wangu usapauka kubva kweiri kuenda kumudyo nokuti kumuoshwe, kuti ubudirire kundau dzeshe dzounoenda.

Josh. 8:34

Ngesure kwazvo zveshe wakadzidza mazwi eshe emipango, zvifumiso nezvituko, kudai ndizvo zveshe zvakanyorwa mubhuku remipango.

Chakapangijihwa 22:14

Vanomuchena avo vanosuka zvokusimira zvavo, kuti vawe nesimba rokuuya kumuti wokupona nokupotera ngepamisiwo mudhorobha.