Josh. 1:7 - Bhaibheri Rakachena muChindau

⁷ Kwega ita wakagwinya, ushinge kakurutu, kuti ungwarire kuita yeshe mipango, yaakapanga Mosi muranda wangu usapauka kubva kweiri kuenda kumudyo nokuti kumuoshwe, kuti ubudirire kundau dzeshe dzounoenda.

Josh. 1:7 Iomraidhean Croise

1 Madzi. 2:2

“Ndinoenda njira yenyika yeshe. Ndizvo ita wakagwinya, ushinge, uonise kuti uri mwamuna,

1 Madzi. 2:3

ungwarire kupanga kwaMambo Mwari, Mwari wako, uhambe ngenjira dzake, ungwarire zviemeso zvake, mipango yake, zvitongero zvake, zvapupu zvake, kudai ngezvezvakanyorwa muzvironzo zvaMosi, kuti uite unobudirira kuneizvo zveshe zvounozoita, nokundau dzeshe dzounozohamba.

2 Madzi. 22:2

Wakaita zvakanaka mukuona kwaMambo Mwari, akahamba ngenjira dzeshe dzababa ake Dhavhidha, asikazi kupaukira kuenda kumudyo nokuti kumuoshwe.

1 MaKro. 22:13

Zvino unozobudirira kudai wechizongwarira kuita zviemeso nemipango izvo zvaakapanga Mambo Mwari kunaMosi, ngendaa yevana vaIsuraeri. Ita wakagwinya, ushinge. Usatya; usapera simba.

2 MaKro. 15:7

Asi imwimwi, itai vakagwinya! Nyara dzenyu dzisapera simba, ngokuti mishando yenyu inozoripirwa.”

2 MaKro. 26:5

Wakadziemesera pachake kutsvaka Mwari ngemazuva aZekharia, uwo wakamupanga ngokutya Mwari; nomukuwo weshe waakamutsvaka Mambo Mwari, Mwari wakamufumisa.

Jobe 1:8

Mambo Mwari wakati kunaSathani, “Wakambokarakadza here ngomuranda wangu Jobe, kuti akuna naumwe wakadai ndiye panyika, munhu wakaperera nokururama, unotya Mwari, nokufuratira kubva kunezvakashata?”

Nduyo 80:19

Tiunzezve, A Mambo Mwari, Mwari wehondo; hope yako ngaijeke, kuti isusu tiponeswe. KuneMutungamiriri woKuemba. Nduyo yaAsafi.

Mazwi 4:27

Usakunukukira kumudyo nokuti kumuoshwe; dusa tsoka dzako kubva mukushata.

Mazwi 8:20

Ndinohamba munjira yokururama, pakati penjira dzokutonga kwakanaka,

Dha. 10:19

Wakati, “O munhu unodikanwa kakurutu, usatya; kunyarara ngakua kwouri. Ita wakagwinya nounesimba.” Naapo aereketa kwendiri, ndakagwinyiswa, ndikati, “Mambo wangu ngaaerekete; ngokuti wandigwinyisa.”

Zvi. 27:23

naye wakaisa nyara dzake padera pake, wakamugadza, kudai ngezvaakapanga Mambo Mwari kubudikidza ngenyara yaMosi.

Dhuto. 11:8

Ndizvo munozongwarira mipango yeshe yendinomupanga ngeiri zuva, kuti muite vanesimba, nokupotera umwo mugare nhaka yenyika apo pomunoedza kooigara,

Dhuto. 12:32

Munosisira kungwarira cheshe chendinomupanga; musazotutsira kwechiri, nokuti kudusa kuchitsonza.

Dhuto. 28:14

Musazopauka kubva kunerimwe remazwi mazhinji endinomupanga, kuenda kumudyo nokuti kuenda kumuoshwe, kuti muteere zvimwari kuzvishandira.

Dhuto. 29:8

Takatora nyika yavo, tikaipa kuita nhaka kuvaRubheni, nokuvaGadhi, nokurupande rwedzinza raManase.

Dhuto. 29:9

Ndizvo nasai kungwarira mazwi echitenderano ichi, kuti mubudirire kwezviri zveshe zvomunoita.

Dhuto. 31:7

Zvino Mosi wakadaidza Joshua, akati kwaari mukuona kwevaIsuraeri veshe, “Ita wakagwinya, ushinge, ngokuti ndiwe unozoenda naava vanhu kunyika yaakapika ndiyo Mambo Mwari kunemadzibaba avo kuipa kwavari, newe unozoita kuti vagare nhaka yayo.

Dhuto. 4:2

Amuzotutsiri kumazwi ao endinomupanga, zve, amuzodusi chiro kutsonza kubva kwaari, asi mungwarire mipango yaMambo Mwari, Mwari wenyu, yendinomupanga.

Dhuto. 5:32

Ndizvo munozongwarira kuita kudai ngezvaakamupanga Mambo Mwari, Mwari wenyu; musazopauka kuenda kumudyo nokuti kumuoshwe.

Josh. 1:1

Zvino ngesure kwokufa kwaMosi muranda waMambo Mwari, Mambo Mwari wakaereketa kunaJoshua mukororo waNuni, mudetseri waMosi echiti,

Josh. 1:8

Iri bhuku remipango risazobva pamuromo wako; asi unozopinimidza ndiro masikati nousiku, kuti ungwarire zveshe zvakanyorwa mukati mwaro. Ngokuti ngokudaro unozopfumiswa munjira yako, naapo unozonasa kubudirira.

Josh. 1:9

Andizi kukupanga here? Ita wakagwinya, unase kushinga; usatya, usakaruka, ngokuti Mambo Mwari, Mwari wako unewe kundau dzeshe dzounozoenda.”

Josh. 11:15

Kudai ngezvaakapanga Mambo Mwari kunomuranda wake Mosi, ndizvo Mosi wakapanga Joshua, ndizvo Joshua wakaita; aazi kusiya chiro nachimwe chisikazi kuitwa cheizvo zveshe zvaakapanga Mambo Mwari kunaMosi.

Josh. 23:6

Ndizvo itai vanoshinga kakurutu kuti mungwarire nokuita zveshe zvakanyorwa mubhuku rezvironzo zvaMosi, kuti musazopauka kubva kwezviri kuenda kumudyo nokuti kumuoshwe,