Josh. 1:6 - Bhaibheri Rakachena muChindau

⁶ Ita wakagwinya newakashinga; ngokuti ndiwe unozokoanisira ava vanhu nyika kuita nhaka, yendakapika ndiyo kumadzibaba avo kuti ndinozovapa.

Josh. 1:6 Iomraidhean Croise

Gen. 12:7

Zvino Mambo Mwari wakaoneka kunaAbrama, akati, “Ndinozopa iyi nyika kune mibarirwana yako.” Naapo wakaakira Mambo Mwari arita, uwo wakaoneka kwaari.

Gen. 26:3

Ita chigarandimo munyika iyi, neni ndinozoapo newe, ndinozokufumisa; ngokuti ndinozopa idzi nyika dzeshe kwouri nokumibarirwana yako, ndinozogwinyisa mhiko yendakapika kunaAbrahama baba ako.

2 Sam. 10:12

Shingai, ngatigwinye, tirwire vanhu vedu nemadhorobha aMwari wedu; naMambo Mwari ngaamuitire icho chinooneka chakanaka kwaari.”

1 Madzi. 2:2

“Ndinoenda njira yenyika yeshe. Ndizvo ita wakagwinya, ushinge, uonise kuti uri mwamuna,

1 MaKro. 22:13

Zvino unozobudirira kudai wechizongwarira kuita zviemeso nemipango izvo zvaakapanga Mambo Mwari kunaMosi, ngendaa yevana vaIsuraeri. Ita wakagwinya, ushinge. Usatya; usapera simba.

1 MaKro. 28:10

Ngwara zvinopano, ngokuti Mambo Mwari wakatsanangura iwewe kuti umuakire mhatso ndau yakachena; gwinya, uite.”

1 MaKro. 28:20

Dhavhidha wakatizve kunaSoromoni mukororo wake, “Gwinya, ushinge, uite. Usatya, usapera simba; ngokuti Mambo Mwari, Mwari wangu, unewe. Iye aazokukoreresi, nokuti kukusiya, metsa upedze mushando weshe wokushandira mhatso yaMambo Mwari.

2 MaKro. 15:7

Asi imwimwi, itai vakagwinya! Nyara dzenyu dzisapera simba, ngokuti mishando yenyu inozoripirwa.”

2 MaKro. 20:11

Ringira njira yevanotiunzidzira ndiyo, vauya kootidzinga, kuti tibve munhaka yako, yowakatipa kuita nhaka yedu.

2 MaKro. 20:7

Auzi here, A Mwari wedu, kudzinga vanhu venyika iyi kubva pamberi pevanhu vako Isuraeri, newe ukaipa kumibarirwana yeshamwari yako Abrahama mhera nariini?

Nduyo 27:14

Garira Mambo Mwari; uite wakagwinya, nomwoyo wako ngaushinge; garira Mambo Mwari. Nduyo yaDhavhidha.

Dha. 10:19

Wakati, “O munhu unodikanwa kakurutu, usatya; kunyarara ngakua kwouri. Ita wakagwinya nounesimba.” Naapo aereketa kwendiri, ndakagwinyiswa, ndikati, “Mambo wangu ngaaerekete; ngokuti wandigwinyisa.”

Hag. 2:4

Asi zvino gwinya, O Zerubhabheri, unoronza Mambo Mwari; gwinya, O Joshua, mukororo waJehozadhaki, mupristi mukuru; mugwinye, imwimwi mweshe vanhu venyika, unoronza Mambo Mwari; mushande, ngokuti ndinemwi, unoronza Mambo Mwari wehondo,

Zek. 8:9

“Izvi ndizvo zvinoronza Mambo Mwari wehondo: Nyara dzenyu ngadzigwinye, imwimwi mwazwa mazwi aya ngemiromo yevaprofeti, avo vaiyapo apo pakaradzikwa madzeyo okuakisa temperi, mhatso yaMambo Mwari wehondo.

Zvi. 26:53

“Nyika inozokoaniswa kuneava kuita nhaka yavo kudai ngouwandu hwemazina.

Zvi. 33:53

Munozotora nyika yavo, mugaremwo, ngokuti ndakaipa kwomuri kuti iite nhaka yenyu.

1 VaK. 16:13

Rindai, gwinyai kuema mukugonda kwenyu, itai vakashinga, muite vakagwinya.

Vaefesu 6:10

Pakugumisira, itai vakagwinya munaMambo nomukugwinya kwesimba rake.

Dhuto. 1:21

Wonai, Mambo Mwari, Mwari wenyu waisa nyika pamberi penyu; kwirai muigare, kudai ngezvaakaronza Mambo Mwari, Mwari wemadzibaba enyu, wakamugondisa; musatya nokuti kupera simba.”

Dhuto. 1:8

Wonai, ndaisa nyika pamberi penyu. Poterai kweiri mutore nhaka yenyika iyo yaakapika ndiyo Mambo Mwari kumadzibaba enyu, Abrahama, Isaka naJakobe, kupa kwavari nokunemibarirwana yavo ngesure kwavo.’ ”

Dhuto. 11:8

Ndizvo munozongwarira mipango yeshe yendinomupanga ngeiri zuva, kuti muite vanesimba, nokupotera umwo mugare nhaka yenyika apo pomunoedza kooigara,

Dhuto. 31:23

Zvino Mambo Mwari wakapanga Joshua mukororo waNuni echiti, “Ita wakagwinya, ushinge, ngokuti ndiwe unozopotedza vaIsuraeri munyika yendakapika kupa kwavari; neni ndinozoa newe.”

2 Tim. 2:1

Iwewe zvino mwana wangu, ita wakagwinya munyasha dziri muna Kristu Jesu,

Josh. 1:18

Kunyazwi ndiani unozomukira mipango yako, asikapurutani mazwi ako eshe ounomupanga, unozourawa. Kwega ita wakagwinya, ushinge.”

Josh. 1:7

Kwega ita wakagwinya, ushinge kakurutu, kuti ungwarire kuita yeshe mipango, yaakapanga Mosi muranda wangu usapauka kubva kweiri kuenda kumudyo nokuti kumuoshwe, kuti ubudirire kundau dzeshe dzounoenda.

Josh. 1:9

Andizi kukupanga here? Ita wakagwinya, unase kushinga; usatya, usakaruka, ngokuti Mambo Mwari, Mwari wako unewe kundau dzeshe dzounozoenda.”

Josh. 10:25

Joshua wakati kwavari, “Musatya, nokuti kupera simba, itai vane simba, mushinge; ngokuti ichi ndicho chaanozoita Mambo Mwari kumagaa enyu eshe anorwisana nemwi.”

Josh. 13:6

veshe vagari venyika dzemitunhu kubvira Rebhanoni metsa kuguma Misirefothimaimu, nevaSidhoni veshe. Ndinozovadzinga pachangu kubva pamberi pevaIsuraeri; asi kwega koanisira vaIsuraeri iyo nyika ngemabhigidha kuti vaigare nhaka kudai ngezvendakakupanga.

Josh. 18:3

Ndizvo Joshua wakati kuvaIsuraeri, “Munodzirekeredza mukuwo wakaitawani musikaendi koogara nhaka yenyika yaakamupa Mambo Mwari, Mwari wemadzibaba enyu?

Josh. 21:43

NaMambo Mwari wakapa vaIsuraeri nyika yeshe yaakapika ndiyo kuvapa kumadzinza avo; navo vakaita nhaka, vakagara mukati mwayo.

Josh. 5:6

Ngokuti vaIsuraeri vakahamba makore makumi marongomuna mushango, metsa dzinza reshe varwi vehondo vapera kufa, avo vakabuda kubva Egipite, ngokuti avazi kupurutana izwi raMambo Mwari; avo vaakapika kwevari Mambo Mwari kuti aazovapangidzi nyika, yaakapika Mambo Mwari kumadzibaba avo kuti unozoipa kwetiri, nyika inoerera mukaka nouchi.

1 Sam. 4:9

Itai vakagwinya, muite kudai ngengwazi, imwimwi vaFiristia, kuti musazoita hloko kuvaHebheru kudai ngezvevakaita kwomuri; itai kudai ngengwazi murwe.”