Josh. 1:5 - Bhaibheri Rakachena muChindau

⁵ Akuna nomunhu unozokona kuema pamberi pako eshe mazuva okupona kwako. Kudai ngezvendaiya naMosi, ngokudaro ndinozoa newe; andizokukoreresi, nokuti kukusiya.

Josh. 1:5 Iomraidhean Croise

Gen. 39:2

Mambo Mwari waindoiya naJosefa, naye waiya munhu unomuchena; waigara mumhatso yamambo wake muEgipite.

1 Madzi. 1:37

Mambo Mwari kudai ngezvaaiya namakosi wangu mambo, ngaadarowo kunaSoromoni, aite kuti dendemaro rake rikure kupinda dendemaro ramakosi wangu mambo Dhavhidha.”

1 Madzi. 11:38

Kudai wechizopurutana zveshe zvendinokupanga, kuhamba ngenjira dzangu, wechiita izvo zvakarurama mukuona kwangu, wechingwarira zviemeso zvangu nemipango yangu, kudai ngezvaakaita Dhavhidha muranda wangu; ndinozoa newe, ndikuakire mhatso yakagwinya, kudai ngezvendakaakira Dhavhidha, ndinozopa Isuraeri kwouri.

1 Madzi. 6:13

Ndinozogara pakati pevana vaIsuraeri, andizovasiyi vanhu vangu Isuraeri.”

1 Madzi. 8:57

Mambo Mwari, Mwari wedu, ngaagare nesu kudai ngezvaaigara namadzibaba edu; haiwa kuti atisiye, nokuti kutirekera,

1 MaKro. 28:20

Dhavhidha wakatizve kunaSoromoni mukororo wake, “Gwinya, ushinge, uite. Usatya, usapera simba; ngokuti Mambo Mwari, Mwari wangu, unewe. Iye aazokukoreresi, nokuti kukusiya, metsa upedze mushando weshe wokushandira mhatso yaMambo Mwari.

Nduyo 46:11

Mambo Mwari wehondo unesu; Mwari waJakobe ibako redu. Selah. KuneMutungamiriri woKuemba. Nduyo yeVakororo vaKhora.

EKISEDHUSI 3:12

Wakati, “Ngegwinyiso ndinozoa newe; neichi chinozoita chioniso kwouri kuti ndini ndakutuma; naapo wabudisa vanhu kubva muEgipite, munozodira Mwari padera pomutunhu uyu.”

Isa. 42:16

Ndinozohambisa mapofu ngepato revasikazii; ndinozovatungamirira ngenjira dzevasikazi kuzia. Ndinozoita kuti chidima chiite kujeka pamberi pavo, ndau dzisikazi kuserera kuti dziserere. Ndinozoita izvi zviro kwevari, andizovasii akadi.

Jer. 1:8

Usatye hope dzavo, ngokuti inini ndinewe kukununura,” unoronza Mambo Mwari.

Dha. 11:16

Asi uwo unouya koorwa naye unozoita kudai ngokuda kwake, akuna naumwe unozoemesedzana naye.Unozotora nhaka yendau yakanaka munyika yeshe inowa pashi pesimba rake.

Mateu 28:20

mwechivadzidzisa kungwarira zviro zveshe zvendakamupanga; penyai, ndinemwi mazuva eshe metsa kuguma kwenyika.”

Varoma 8:31

Ndizvo tinozotiyi kuneizvi? Kudai Mwari echitirwira, ndiani unozorwisana nesu?

Varoma 8:37

Haiwa, muizvi zveshe tiri vanopinda vanyisi kubudikidza ndiye uwo wakatida.

Dhuto. 20:1

Naapo munozobuda kuenda koorwa namagaa enyu, mwechizoona mahachi nengoro, nevanhu vakawanda kupinda imwimwi, musazovatya; ngokuti Mambo Mwari, Mwari wenyu unemwi, uwo wakamubudisa kubva kunyika yeEgipite.

Dhuto. 20:4

Ngokuti Mambo Mwari, Mwari wenyu ndiye unohamba nemwi, kuti amurwire magaa enyu, amuite kuti munyise.”

Dhuto. 31:23

Zvino Mambo Mwari wakapanga Joshua mukororo waNuni echiti, “Ita wakagwinya, ushinge, ngokuti ndiwe unozopotedza vaIsuraeri munyika yendakapika kupa kwavari; neni ndinozoa newe.”

Dhuto. 4:31

Ngokuti Mambo Mwari, Mwari wenyu, ndiMwari unenyasha, aazomusii, nokuti kumuuraya, nokuti kuriyarwa chitenderano chemadzibaba enyu chaakapika kwavari.

Dhuto. 7:24

Naye unozopa madzimambo avo munyara dzenyu, munozodzima mazina avo kubva pashi pomudenga; akuzoapo nomunhu noumwe unozokona kuema pamberi penyu, metsa muvapedze.

2 Tim. 4:17

Asi Mambo wakandiemerera, akandigwinyisa, kuti kubudikidza ndini mashoko ateketeswe yaamho nemadzinza eshe amazwe. Neni ndakapokonyorwa kubva pamuromo wemhondoro.

Vahebheru 13:5

Kupona kwenyu ngakuite kusikakariri mare, itai vanogutiswa ngeizvo zvomunazvo; ngokuti wakati, “Anditongokurekeri nokuti kukusiya.”

Josh. 1:17

Kudai ngezvetakamupurutana Mosi ngezviro zveshe, ndizvo tinozokupurutanawo. Kwega kuti Mambo Mwari, Mwari wako aanewe, kudai ngezvaaia naMosi!

Josh. 1:9

Andizi kukupanga here? Ita wakagwinya, unase kushinga; usatya, usakaruka, ngokuti Mambo Mwari, Mwari wako unewe kundau dzeshe dzounozoenda.”

Josh. 10:8

Mambo Mwari wakati kunaJoshua, “Usavatya, ngokuti ndavapa munyara dzako; akuna nomunhu naumwe unozokona kuema pamberi pako.”

Josh. 21:44

NaMambo Mwari wakavapa kuzorora kundau dzeshe dzinotendenedza, kudai ndizvo zveshe zvaakapika kumadzibaba avo; inga kusina munhu wemagaa avo waikona kuema pamberi pavo; Mambo Mwari wakapa eshe magaa avo munyara dzavo.

Josh. 3:7

Mambo Mwari wakati kunaJoshua, “Nyamashi ndinozotanga kukukudza mukuona kwevanhu veshe vaIsuraeri, kuti vazie kuti ndinozoa newe kudai ngezvendaiya naMosi.

Josh. 6:27

Ndizvo Mambo Mwari waiya naJoshua; nembiri yake yakaziikana mukati mwenyika yeshe.

Vato. 2:18

Peshe Mambo Mwari paakaemesa vatongi, Mambo Mwari waiyapo nomutongi uwo, wakavaponesa kubva munyara dzemagaa avo mazuva eshe ouwo mutongi; ngokuti zvakamukunukusa Mambo Mwari ngendaa yokugomera kwavo ngendaa yeavo vakavatambudza nokuvanesa.

Vato. 6:16

Asi Mambo Mwari wakati kwaari, “Ngegwinyiso ndinozoa newe, newe unozouraya vaMidhiani kudai ngomunhu umwe.”

1 Sam. 10:7

Zvino apo zvioniso izvi zvaitika kwouri, ita kunyazwi chinosisira kuitwa, ngokuti Mwari unewe.