Josh. 1:17 - Bhaibheri Rakachena muChindau

¹⁷ Kudai ngezvetakamupurutana Mosi ngezviro zveshe, ndizvo tinozokupurutanawo. Kwega kuti Mambo Mwari, Mwari wako aanewe, kudai ngezvaaia naMosi!

Josh. 1:17 Iomraidhean Croise

2 Sam. 14:17

Murandakadzi wako wakapinimidza akati, ‘Izwi ramakosi wangu mambo rinozondizorodza;’ ngokuti makosi wangu mambo wakadai ngengirosi yaMwari, unokona kuparadzanisa pakati pezvakanaka nezvakashata. Mambo Mwari, Mwari wako ngaagare newe.”

1 Madzi. 1:37

Mambo Mwari kudai ngezvaaiya namakosi wangu mambo, ngaadarowo kunaSoromoni, aite kuti dendemaro rake rikure kupinda dendemaro ramakosi wangu mambo Dhavhidha.”

1 MaKro. 28:20

Dhavhidha wakatizve kunaSoromoni mukororo wake, “Gwinya, ushinge, uite. Usatya, usapera simba; ngokuti Mambo Mwari, Mwari wangu, unewe. Iye aazokukoreresi, nokuti kukusiya, metsa upedze mushando weshe wokushandira mhatso yaMambo Mwari.

Nduyo 20:1

Mambo Mwari ngaakupingure ngezuva rokutambudzika! Zina raMwari waJakobe ngarikungwarire!

Nduyo 20:4

Ngaakupe zvidisiso zvomwoyo wako, azadzise urongwa hwako hweshe.

Nduyo 20:9

Ipai kunyisa kunamambo, Mambo Mwari; tipingurenyi apo toodaidza. KuneMutungamiriri woKuemba. Nduyo yaDhavhidha.

Zvi. 27:18

Ndizvo Mambo Mwari wakati kunaMosi, “Tora Joshua mukororo waNuni, munhu uwo unomweya, uise nyara yako padera pake.

Zvi. 27:20

Unozomupa rupande rwesimba rako, kuti mbungano yeshe yevana vaIsuraeri imupurutane.

Mateu 21:9

Nembungano yaihamba pamberi pake, neiyo yaiteera ngesure, yakadaidzira yechiti, “Hosana kuMukororo waDhavhidha! Unomuchena uwo unouya ngezina raMambo! Hosana mudengadenga!”

Dhuto. 34:9

Joshua mukororo waNuni wakazadzwa ngomweya woungwaru, ngokuti Mosi waiya akaisa nyara dzake padera pake; nevaIsuraeri vakamupurutana, vakaita kudai ngezvaakapanga Mambo Mwari kunaMosi.

Josh. 1:16

Navo vakapingura Joshua vechiti, “Zveshe zvewatipanga, tinozozviita, kunyazwi ngepari pounozotituma tinozoenda.

Josh. 1:18

Kunyazwi ndiani unozomukira mipango yako, asikapurutani mazwi ako eshe ounomupanga, unozourawa. Kwega ita wakagwinya, ushinge.”

Josh. 1:5

Akuna nomunhu unozokona kuema pamberi pako eshe mazuva okupona kwako. Kudai ngezvendaiya naMosi, ngokudaro ndinozoa newe; andizokukoreresi, nokuti kukusiya.

Josh. 1:9

Andizi kukupanga here? Ita wakagwinya, unase kushinga; usatya, usakaruka, ngokuti Mambo Mwari, Mwari wako unewe kundau dzeshe dzounozoenda.”

Josh. 4:14

Ngeiro zuva Mambo Mwari wakakudza Joshua mukuona kwevaIsuraeri veshe; navo vakamuremeredza kudai ngezvevakaremeredza Mosi, mazuva eshe okupona kwake.

1 Sam. 17:37

Dhavhidha wakatizve, “Mambo Mwari uwo wakandinunura kubva munyara dzemhondoro nokunyara dzebheya, unozondinunurazve kubva kunyara youyu muFiristia.” Ndizvo Sauri wakati kunaDhavhidha, “Enda, Mambo Mwari ngaanewe.”

1 Sam. 20:13

Asi kudai baba angu vechida kukuremadza, Mambo Mwari ngaaite kudaro nokwakapinda kuwanda kunaJonathani, kuti ndisina kukuronzera nokukutizisa kuti uende mukunyarara. Mambo Mwari ngaanewe, kudai ngezvaaiya nababa angu.