Jer. 9:8 - Bhaibheri Rakachena muChindau

⁸ Rurumi rwavo rwakadai ngomusee unouraya; runoereketa manyepo kubudikidza ngomuromo. Umwe ngaumwe unoereketa mazwi akanaka kumuakirwana wake, asi mumwoyo mwake unoronga kumuhwarira.

Jer. 9:8 Iomraidhean Croise

2 Sam. 3:27

Naapo Abhina apetuka Hebroni, Joabhi wakamutora kuenda naye ari ega, akaenda parutii pamusiwo wedhorobha kooereketa naye ngokufishika, naapo wakamubaya mundani. Ndizvo wakafa, ngendaa yengazi yaAsaheri hama yake.

Nduyo 12:2

Vanoereketa manyepo umwe kuneumweni; ngemiromo inochengedzera, nomwoyo miiri vanoereketa.

Nduyo 12:3

Mambo Mwari ngaagure miromo yeshe inochengedzera, nendimi dzinoereketa kudzikudza kwakakura,

Nduyo 120:3

Chiinyi chinozopuwa kweuri? Chiinyizve chinozoitwa kweuri, iwewe rurumi runochengedza?

Nduyo 28:3

Usandikweya pamwepo nevakashata, nevashandi vezvakashata, avo vanoereketa ngokunyarara kuvaakirwana vavo, asi kushata kuri mumwoyo yavo.

Nduyo 35:20

Ngokuti avaereketi kunyarara, asi vanopangana mazwi okuchengedzera, kuneavo vanogara ngokunyarara munyika.

Nduyo 55:21

ngokuereketa kwakapfaa kupinda mafuta omukaka, asi anemwoyo wakazara ngokurwa hondo; nemazwi akapfaa kupinda mafuta, asi akadai ngeshoti dzakashwamurwa.

Nduyo 57:4

Ndinoata pashi pakati pemhondoro dzinoboka kudya nyama yomunhu; mazino avo mikhondo nemisee, rurumi rwavo ishoti dzinopinza.

Nduyo 62:5

Mweya wangu unogarira Mwari ega mukunyarara, ngokuti gonda rangu rinobva kwaari.

Nduyo 64:8

Ngendaa yorurumi rwavo unozovaparadza; veshe vanovaona vanozodzungudza masoro mukutya.

Mazwi 25:18

Kudai ngenduku yehondo, shoti, nokuti musee wakapinza ndizvo zvinoita uwo unoita chapupu chokunyepa kunomuakirwana wake.

Jer. 5:26

Ngokuti vakashata vanooneka pakati pevanhu vangu; vanotora zviro zvevamweni, vanoteya chirimbana vechibata vanhu.

Jer. 5:9

Andizovaorori ngeizvi here?” Unoronza Mambo Mwari. “Mweya wangu auzounzidziri here kudzinza rakadai ngeiri?

Jer. 9:3

“Vanokunga rurumi rwavo kudai ngouta kufura manyepo: haiwa ngegwinyiso revanonyisa ndiro munyika. Ngokuti vanobva mukushata kuenda mukushata, navo avandizii,” unoronza Mambo Mwari.

Jer. 9:4

“Ngwarai, umwe ngaumwe, muakirwana wake, musagonda kunyazwi ngouri mukoma; ngokuti vakoma veshe vanozopambirana, nomuakirwana weshe unozohamba kudai ngomureyi.

Jer. 9:5

Umwe ngaumwe unochengedzera muakirwana wake, apana naumwe unoereketa gwinyiso; vakadzidzisa ndimi dzavo kuereketa manyepo; vanoita zvakashata navo vakaremba yaamho kuti vatenderuke.

Mik. 6:12

Makurudza enyu akazara ngokugebenga, vanogaramwo vakaereketa manyepo, norurumi runochengedzera mumiromo yavo.