Jer. 9:25 - Bhaibheri Rakachena muChindau

²⁵ “Ringirai, mazuva ngegwinyiso anouya,” unoronza Mambo Mwari, “Apo pendinozoorora avo veshe vakachekwa kwega ganda repamberi:

Jer. 9:25 Iomraidhean Croise

Jer. 25:23

Dhedhani, Thema, Bhuzi, naavo veshe vanogunda masoro avo kumarutii,

Jer. 4:4

Dzichekerenyi pachenyu kunaMambo Mwari, muduse ganda romwoyo yenyu, O vanhu vaJudha nevagari vomuJerusarema, nokuti ushungu hwangu hungabuda kudai ngomuriro, unopisha pasina naumwe ungaudzima ngendaa yezvakashata zvomunoita.”

Jer. 49:32

“Mangamera avo anozochakatwa, nen'ombe dzavo dzakawanda dzinozopambiwa. Inini ndinozovaparadzira kudutu reshe avo vakaparwa bvudzi pamarutii ehuma dzavo, neni ndinozounza kutambudzika kukuru kubva kumarupande eshe,” unoronza Mambo Mwari.

Ezek. 28:10

Iwewe unozofa kufa kweavo vasikazi kuchekwa ngenyara dzevapara; ngokuti inini ndaereketa, unoronza Mambo Mwari.”

Ezek. 31:18

“Ngouri pakati pemiti yeEdheni ungaedzaniswa newe muuthende nomuukuru? Zvino unozodzaswa pashi pamwepo nemiti yomuEdheni kunyika iri pashi; unozoata pakati pevasikazi kuchekwa, pamwepo naavo vakaurawa ngeshoti. Uyu ndiFaro nembungano yake yeshe, unoronza Mambo Mwari.”

Ezek. 44:7

mukutendera vapara, vasikazi kuchekwa mumwoyo nomunyama, kupinda mundau yangu yakachena, kuti vaitsverudze, mutemperi mwangu, apo imwimwi munopira kwendiri chingwa changu, mafuta nengazi. Vagura chitenderano changu ngezvinyangadzo zvavo zveshe.

Revhi 19:27

Musazopara masoro enyu kuita mabaraara kutendenedza soro, zve, musazopara makhona endebvu dzenyu.

Revhi 26:41

ndizvo inini ndakatsvatsvana navo, ndakavaunza munyika yemagaa avo; kudai mwoyo yavo isikazi kuchekwa yechipfaiswa, navo varipa muripo wokushaisha kwavo.

Amo. 3:2

“Ndakazia imwimwi mwega pamhuri dzeshe dzenyika; ndizvo ndinozomuorora ngendaa yokushata kwenyu kweshe.”

Varoma 2:28

Ngokuti andiyepi muJudha emene unooneka akadaro ngokubanze, nokuti kuchekwa ukwo kuri kwokubanze kwomuiri.

Varoma 2:29

Asi muJudha ndiye uri muJudha ngomukati, nokuchekwa kwemene kwomumwoyo, kunoitwa mumweya andikwopi kwezvakanyorwa. Kukudzwa kwake akubvi kuvanhu asi kunobva kunaMwari.

1 Sam. 14:6

Jonathani wakati kunejaha raitwara chihlangu chake, “Uya, ngatiende kuchikwata chaava vasikazi kuchekwa; pamweni Mambo Mwari ungatishandira; ngokuti akuna chiro chingarambidza kunaMambo Mwari kuponesa ngavazhinji nokuti ngavashomani.”

1 Sam. 17:26

Dhavhidha wakaereketa kuvanhu vaiya vakaema pasinde pake echiti, “Chiinyi chinozoitwa kunomunhu unouraya muFiristia uyu, nokudusa kushoorwa kwaIsuraeri? Ngokuti ndiani uyu muFiristia usikazi kuchekwa, kuti ashoore hondo yaMwari unopona?”