Jer. 9:24 - Bhaibheri Rakachena muChindau

²⁴ Asi iye unodziganzisa ngaadziganzise ngeizvi, kuti unozwisisa nokundizia, kuti ndini Mambo Mwari; ndinoita ngenyasha dzinorudo, kutonga kwakanaka nokururama munyika; ngokuti ndinodakara muneizvi zviro,” unoronza Mambo Mwari.

Jer. 9:24 Iomraidhean Croise

Nduyo 20:7

Vamweni vanoganza ngengoro, nevamweni vanoganza ngemahachi, asi isusu kuganza kwedu kuri muzina raMambo Mwari, Mwari wedu.

Nduyo 34:2

Mweya wangu unoganza ndiMambo Mwari; vakapfaa ngavazwe, vadakare.

Nduyo 34:3

Kurisai Mambo Mwari neni, ngatikudze zina rake pamwepo.

Nduyo 44:8

MunaMwari taganza mutakatiro wezuva reshe, tinozobonga zina rako mhera nariini. Selah.

Nduyo 44:9

Asi zvino watirasha, ukatitsverudzisa, usikahambi nehondo dzedu.

Nduyo 51:1

Ndiitire nyasha, A Mambo Mwari, kudai ngenyasha dzako dzinorudo; kudai ngouwandu hwenyasha dzako dzinokungurira tsukutidza zvishaishi zvangu.

Nduyo 91:14

Ngokuti uwo unondida, ndinozomununura; ndinozomungwarira uwo unozia zina rangu.

Nduyo 99:4

Mambo unesimba, unoda kutonga kwakarurama; iwewe unogwinyisa kunaka, unoita kutonga kwakanaka nokururama kunaJakobe.

Isa. 20:5

Navo vanozopera simba nokutsveruka ngeEthiopia gonda ravo, neEgipite uthende hwavo.

Isa. 41:16

Munozozvipepeta, nedutu rinozozvitora, nechipupuri chinozozviparadza. Zvino munozodakara munaMambo Mwari; mune Wakachena waIsuraeri munozokudza.

Isa. 45:25

MunaMambo Mwari rudzi rweshe rwaIsuraeri runozopembedzwa nokuirikidzwa.

Isa. 61:8

“Ngokuti inini Mambo Mwari ndinoda kutonga kwakanaka, ndinonyenya mibairo yakabvukwa nokuita kwakashata; ngokugondeka ndinozovapa kuripirwa kwavo, ndinozoitazve chitenderano navo chemhera nariini.

Jer. 22:16

Wakatonga ndaa dzevarombo nedzevatami, zvino zvakanaka kwaari. Uku andikwopi kundizia here? Unoronza Mambo Mwari.

Jer. 4:2

nokudai wechipika, ‘Kudai ngezvaanopona Mambo Mwari,’ mugwinyiso, mukutonga kwakanaka, nomukururama, zvino madzinza anozofumiswa ndiye mwaari, vanozoganza kwaari.”

Mik. 6:8

Wakuronzera iwewe, O mukororo womunhu, icho chakanaka; Mambo Mwari unodenyi kwouri, kwega kuita zvakarurama, nokuda nyasha, nokuhamba ngokudzipfaisa naMwari wako?

Mik. 7:18

Ndiani Mwari wakadai ndiwe, unokungurira kushata, echidarika padera pendaa yevakasara venhaka yake? Aagari noushungu hwake mhera nariini, ngokuti unodakara ngokuitira nyasha.

Mateu 11:27

Zviro zveshe zvakahinwa kwendiri ndiBaba angu. Akuna unozia Mukororo, ndiBaba ega. Akunazve unozia Baba, asi Mukororo ega, nouwo waanoda kumupangidzira Mukororo.

Ruka 10:22

Zveshe zvakapuwa kwendiri ndiBaba angu; akuna naumwe unozia Mukororo kuti ndiani, kwega Baba, nokuti Baba kuti ndiani, kwega Mukororo nouwozve waanoda Mukororo kuti amuonise kwaari Baba.”

Johani 17:3

Uku ndikwo kupona kusikaperi, kuti vamuzie imwimwi, Mwari ega wegwinyiso, naJesu Kristu uwo womwakatuma.

Varoma 5:11

Andizvopi zvega, asi tinoganzazve kunaMwari kubudikidza ndiye Mambo wedu Jesu Kristu, zvino kubudikidza ndiye takaashira kuiyaniswa.

1 VaK. 1:31

kuitira kuti kudai ngezvakanyorwa, “Iye unoganza, ngaaganze ndiMambo Mwari.”

2 VaK. 10:17

“Asi iye unoganza, ngaaganze munaMambo.”

2 VaK. 4:6

Ngokuti ndiMwari wakati, “Kujeka kunozojeka kwechibva muchidima”, ndiye wakajeka mumwoyo mwedu, kuti atipe kujeka kwokuzia uthende hwaMwari pahope yaJesu Kristu.

Vagaratiya 6:14

Asi kusaitika kuti inini ndiganze ngechiro chimweni asi ngomuchinjiko waMambo wedu Jesu Kristu, kubudikidza ndiwo nyika yakakohomerwa kwendiri, neni ndakakohomerwa kunenyika.

Vafiripi 3:3

Ngokuti tisu tiri vakachekwa, avo vanodira Mwari muMweya nokuganza munaKristu Jesu, tisikagondi munyama,

1 Joh. 5:20

Nesu tinozia kuti Mukororo waMwari wakauya, akatipa kuzwisisa kuti tizie uwo unegwinyiso; nesu tiri mukati mwouwo uri gwinyiso, mukati mwoMukororo wake Jesu Kristu. Uyu ndiye Mwari wegwinyiso nokupona kusikaperi.

1 Sam. 15:22

NaSamueri wakati, “Mambo Mwari unokudakara kumidiro yokupisha, nemidiro kupinda kupurutana izwi raMambo Mwari here? Ngegwinyiso kupurutana kwakapinda kunaka kunemidiro, nokupurutana, kunemafuta emagondohwe.