Jer. 9:2 - Bhaibheri Rakachena muChindau

² O kudai ndaiya nendau yokugara yevahambi murubaya, kuti ndisiye vanhu vangu, ndibve kwevari! Ngokuti veshe vaombi nembungano yevachengedzeri.

Jer. 9:2 Iomraidhean Croise

Isa. 59:3

Ngokuti nyara dzenyu dzakasvipiswa ngengazi, nezvinwe zvenyu ngokushaisha; miromo yenyu yaereketa manyepo, norurumi rwenyu rwaereketa kushata.

Jer. 12:1

“Wakarurama, O Mambo Mwari, apo ndinounza ndaa yangu pamberi pako; asi nditendere kuereketa newe ngendaa yangu. Ngenyi njira yevakashata yechibudirira? Ngenyi veshe vanoshanda ngokuchengedzera vechigarisika?

Jer. 12:6

Ngokuti kunyazwi hama dzako, nevemhatso yababa ako, kunyazwi vakaita ngokuchengedzera kwouri; vanokudaidzira; usavagonda, kunyazwi vechiereketa mazwi akanaka kwouri.”

Jer. 13:22

Nokudai wechiti mumwoyo mwako, “Ngenyi izvi zviro zvauya padera pangu?” Indaa youwandu hwezvishaishi zvako zvokusimira zvako zvafukurwa nezvisisinho zvako zvaremadzwa.

Jer. 23:10

Ngokuti nyika yazara ngavaombi; ngendaa yechituko, nyika inobonda, mafuro akanaka omushango aoma. Kuhamba kwavo kwakashata, nesimba ravo arizi kunaka.

Jer. 4:22

Ngokuti vanhu vangu mapenzi, avazi kundizia; vakadai ngevana vane upenzi, avazwisisi. Ingwazi mukuita zvakashata, avazii kuita zvakanaka.

Jer. 5:1

“Rumbai imwimwi mberi nesure mumapato eJerusarema, ringirai peshe zvino, muzie! Mutsvake mundau dzaro dzakapamhama, kuti mungaona munhu umwe here unoita zvakanaka, echitsvaka gwinyiso, kuti ndirirekerere.

Jer. 5:11

Ngokuti mhatso yaIsuraeri nemhatso yaJudha vakaita ngokusikagondeka kwendiri,” unoronza Mambo Mwari.

Jer. 5:2

Kunyazwi vanoti, ‘Kudai ngezvaanopona Mambo Mwari,’ asi vanopika ngokunyepa.”

Hos. 4:2

Kupika, kunyepa, kuuraya, kuba, kuhura zvaitwa; ngazi inoteera ngazi.

Hos. 5:7

Vakaita zvokuchengedzera kunaMambo Mwari; ngokuti vakabara vana vari vapara. Zvino mwedzi mutsva unovapedza pamwepo neminda yavo.

Hos. 6:7

Asi avo kudai ndiAdhamu vakagura chitenderano; apo vakaita zvokuchengedzera kwendiri.

Hos. 7:4

Veshe vaombi; vakadai ngechoto chinobaswa ngomubiki, uwo unorekera kukhundidzira, apo apedza kukanya hlama, imetse ifeme.

Mik. 6:12

Makurudza enyu akazara ngokugebenga, vanogaramwo vakaereketa manyepo, norurumi runochengedzera mumiromo yavo.

Zef. 3:4

Vaprofeti varo avana ndaa nezviro, vanhu vasikagondeki; vapristi varo vasvipisa ndau yakacheneswa, vagura mupango.

Mar. 2:11

Judha waiya asina kugondeka, nechiro chinonyangadza chaitwa muIsuraeri nomuJerusarema; ngokuti Judha wakasvipisa ndau yakachena yaMambo Mwari yaanoda, waroora mwanasikana wechimwari chipara.

Mar. 2:14

Munobvunza mwechiti, “Ngenyi asikaiti?” Ngokuti Mambo Mwari uri chapupu pakati pako nomukadzi woutsva hwako, uwo wousikazi kugondeka kwaari, kunyazwi mungani wako, nomukadzi wechitenderano chako.

Jakobe 4:4

Imwimwi vaombi! Amuzii here kuti ukama nenyika ugaa naMwari? Ndizvo kunyazwi ndiani unoda kuita ukama nenyika, unodziita gaa raMwari.

Vato. 2:10

Zve, nemibarirwana iyo yeshe yakaunganidzwa kunemadzibaba ayo; naapo kwakabarwa mubarirwana umweni ngesure kwavo, waiya usikazii Mambo Mwari, nokuti mishando yake yaaiya akaitira vaIsuraeri.