Jer. 9:11 - Bhaibheri Rakachena muChindau

¹¹ “Ndinozoita kuti Jerusarema riite murwi wematongo, nebako rezvikara zvinotyisa; ndinozoita kuti madhorobha aJudha aite rubaya, pasina unogaremwo.”

Jer. 9:11 Iomraidhean Croise

Neh. 4:2

Naye wakaereketa pamberi pehama dzake, nepamberi pehondo yevaSamaria, echiti, “Ava vaJudha vakarembedzeka vanoitenyi? Vanozomusira zviro here? Vanozopira midiro here? Vanozopedza ngezuva rimwe here? Vanozotekateka mapuwe here kubva kumirwi yemahundi akapishwa?”

Nduyo 107:43

Uwo wakangwara ngaangwarire izvo zviro, naye ngaapinimidze ngenyasha dzinorudo dzaMambo Mwari. Ngoma. Nduyo yaDhavhidha.

Nduyo 44:19

asi wakatidzengenesa kakurutu mundau yehava, wakatifukidza ngebvuri rokufa.

Nduyo 79:1

A Mwari, vemadzinza vapotera munhaka yako; vasvipisa temperi rako rakachena; vakaparadza Jerusarema kuita matongo.

Isa. 13:22

Mapere anozorira mumapako aBhabhuroni, nemakava mungome dzawo dzakanaka; nguva yaro yaa pasinde, nemazuva aro anozofupiswa.

Isa. 25:2

Ngokuti waita dhorobha kuti riite murwi, dhorobha rinorusvingo riite matongo; ngome yevapara arisisiri dhorobha; arizoakwizve.

Isa. 34:13

Minzwa inozomera mungome yayo, makato nengwenanguruve zvinozomera mungome nomumarukumbati avo. Inozoita bako rehava, nougaro hwemhowani.

Isa. 44:26

uwo unogwinyisa izwi romuranda wake, nokuzadzisa kupanga kwenhumwa dzake; uwo unoti ngeJerusarema, rinozogarwa, nemadhorbha aJudha kuti, anozoakiswa, ndinozoakisa ndau dzavo dzakaputsika;

Jer. 1:15

Ngokuti, ringira, ndinodaidza marudzi eshe oumambo hwedera,” unoronza Mambo Mwari; “Navo vanozouya, vanozoemesa umwe ngaumwe dendemaro rake pamisiwo yeJerusarema, nepamarukumbati eshe aro anoritendenedza, nokumadhorobha eshe aJudha.

Jer. 10:22

Izwai, bope! Purutana, rinouya, bope guru rinobva kunyika yedera, kuita kuti madhorobha aJudha aite matongo, bako remakava anotyisa.”

Jer. 16:10

Naapo wooronzera vanhu ava mazwi aya eshe, navo vanoti kwouri, ‘Ngenyi Mambo Mwari aronza uku kushata kukuru kweshe tisu? Chiinyi kushata kwedu? Chiinyi chishaishi chedu chetashaisha kunaMambo Mwari, Mwari wedu?’

Jer. 25:11

Nyika yeshe iyi inozoita matongo nechishamiso; naaya madzinza anozoshandira mambo waBhabhuroni makore makumi manomwe.

Jer. 25:18

Jerusarema nemadhorobha aJudha, madzimambo awo nevatongi vawo, kuvaparadza nokuvaita chishamiso, chinoridzirwa marudzi, nokutukwa, kudai ngezvezviri azvo nyamashi;

Jer. 26:18

“Mikha weMoreshethi wakaprofeta ngamazuva aHezekia mambo waJudha, akati kuvanhu veshe vaJudha, ‘Izvi ndizvo zvinoronzaMambo Mwari wehondo: Zioni rinozorimwa kudai ngomunda, neJerusarema rinozoita mirwi yematongo, nomutunhu wemhatso unozodai ngendau dzakakwirira dzegwasha.’

Jer. 26:9

Waprofeta ngenyi ngezina raMambo Mwari wechiti, ‘Mhatso iyi inozodai ngeShiro, nedhorobha iri rinozoita dongo risikazogarwi?’ ” Nevanhu veshe vakaungana kurwisa Jeremia mumhatso yaMambo Mwari.

Jer. 34:22

Ringira, ndinozopanga, unoronza Mambo Mwari, naye unozovapetudza kuiri dhorobha; navo vanozorirwisa nokuritora, nokuripisha ngomuriro. Madhorobha aJudha ndinozoaita matongo, asina unogaremwo.”

Jer. 4:27

Ngokuti izvi ndizvo zvinoronza Mambo Mwari, nyika yeshe inozoparadzwa, asi andizoipedzi yaamho.

Jer. 44:2

“Izvi ndizvo zvinoronza Mambo Mwari wehondo, Mwari waIsuraeri: Imwimwi pachenyu mwakaona kushata kweshe kwendakaunza padera peJerusarema nepadera pemadhorobha eshe aJudha. Ringira kwaari; nyamashi aa matongo, akuna munhu unogaremwo,

Jer. 49:33

“Hazori rinozoita ugaro hwemakava nokuita matongo mhera nariini; akuna munhu unozogaramwo, nokuti umwe ungaakamwo.”

Jer. 50:3

“Ngokuti dera kunouya dzinza koorwa naro, rinozoita kuti nyika yaro iite matongo, akuna naumwe unozogaramwo; zveshe vanhu nemhuka zvinozotizira kuretu.”

Jer. 51:37

NeBhabhuroni rinozoita murwi wematongo, nebako remakava, nokuita chiro chinoshamisa, nokushoorwa, nokuridzirwa murudzi risina unogaramwo.

Jer. 8:22

Akuna mutombo wokuporesa here muGireadhi? Akuna murapi here apo? Ndizvo zvino vanhu vangu varombo avazi kutambiswa ngenyi?

Chi. 1:4

Njira dzinoenda Zioni dzinochema, ngokuti akuna naumwe unouya kumadhiri akaemeswa; misiwo yaro yeshe yaparadzwa, vapristi varo vanogwimba; mhandwe dzaro dzinotambudzika, iro pacharo riri mukutambudzika.

Chi. 2:2

Mambo Mwari wakaparadza asikakunguriri ugaro hweshe hwaJakobe, muushungu hwake wakandira pashi marukumbati emwanasikana waJudha; wadzasa pashi pamavhu mukutsverudza umambo nevatongi vahwo.

Chi. 3:47

Kukaruka nehunza zvatigumira, urombo nokuparadzwa.

Revhi 26:32

Ndinozoparadza nyika kuti iite mafusi; nemagaa enyu anogara kweiri anozoshamiswa ndiyo.

Mik. 1:6

Ndizvo ndinozoita kuti Samaria ridai ngomurwi panyika, pandau panosimwa minda yemivhini.Ndinozodurura pashi mapuwe aro mubani, nokubudisa pamhene madzeyo aro.

Mik. 3:12

Ndizvo ngendaa yenyu Zioni rinozorimwa kudai ngomunda, neJerusarema rinozoita mirwi yematongo, nomutunhu wetemperi kudai ngendau dzakakwirira dzegwasha.

Mik. 6:16

Ngokuti wakangwarira zviemeso zvaOmuri, nemishando yeshe yemhatso yaAhabhi, newe wateera mipango yavo. Ndizvo ndinozokuita matongo, nevagari vemwo kuti vaite vashoorwi; ndizvo unozotwara chimene chevanhu vangu.”

Dhuto. 29:23

Mavhu enyika yeshe anobaka ngesorufa nomunyu, apana chinosimwa, apana chinomera nokukura, apana nomwenje unokuremwo, kudai ngokuparadzwa kweSodhoma neGomora, Adhima neZebhoimu, ao aakaparadza Mambo Mwari muushungu hwake hunotyisa.

Chakapangijihwa 18:2

Yakadaidzira ngeizwi rine simba yechiti, “Rawa, rawa, Bhabhuroni guru! Raita ugaro hwamadhimoni, nendau yemweya yeshe inetsvina, neyeshiri dzeshe dzinetsvina, dzinonyenyiwa.