Jer. 9:10 - Bhaibheri Rakachena muChindau

¹⁰ “Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Jer. 9:10 Iomraidhean Croise

Isa. 41:15

Ringira, ndinozomuitira mupuro mutsva wakapinza, unemazino; munozopura mitunhu nokuiputsa kuiparadza, newe unozoita zvimitunhu kuti zvidai ngamakoto.

Isa. 49:19

“Ngegwinyiso zvakachakatwa zvako nendau dzako dzakasiyiwa nenyika yako yakaparadzwa, ngegwinyiso zvino unozotsikirirana paugaro hwako, naavo vakakumedza vanozoiswa kuretu.

Jer. 12:10

Vaushi vakawanda vaparadza munda wangu wemivhini, vatsikatsika pashi petsoka chikoaniswa changu, vaita kuti chikoaniswa changu chinodakadza chiite shango risina chiro.

Jer. 12:11

Vachiita dongo, dongo rinobonda kwendiri. Nyika yeshe yaizwe dongo, asi apana naumwe unopinimidza ndiyo.

Jer. 12:4

Nyika inozobonda mukuwo wakadini nezvinokura zvakasvipira zvemarubaya zveshe zvinozofota mukuwo wakadini? Ngendaa yokushata kweavo vanogaremwo mhuka neshiri zvapedzwa, ngokuti vanoti, ‘Aazooni magumo edu.’

Jer. 14:6

Mbongoro dzomushango dzinoema pandau dzakakwirira, pasina chiro, dzechifema dutu kudai ngemakava; madziso adzo anokorera kuona ngokuti apana mwenje.”

Jer. 2:15

Mhondoro dzamubhongera, dzabhonga kakurutu. Vakachakata nyika yake; madhorobha ake aamatongo, asina unogaramwo.

Jer. 2:6

Avazi kuronza kuti, uri pari Mambo Mwari uwo wakatikwidza kubva kunyika yeEgipite, wakatitungamira mushango, mukati mwenyika yakaomerwa nemarindi, munyika yakaoma, nechidima chikurutu, mukati mwenyika isikazi kuhambwa ngomunhu naumwe, isikagarwi ngomunhu?

Jer. 23:10

Ngokuti nyika yazara ngavaombi; ngendaa yechituko, nyika inobonda, mafuro akanaka omushango aoma. Kuhamba kwavo kwakashata, nesimba ravo arizi kunaka.

Jer. 50:3

“Ngokuti dera kunouya dzinza koorwa naro, rinozoita kuti nyika yaro iite matongo, akuna naumwe unozogaramwo; zveshe vanhu nemhuka zvinozotizira kuretu.”

Jer. 7:29

“Para bvudzi rako, urirashe kuretu; udzichemere uri pandau dziri padera, ngokuti Mambo Mwari wakaramba nokusiya mubarirwana unomusa ushungu hwake.

Jer. 8:18

Kudakara kwangu kwapera, kutambudzika kwaa padera pangu, mwoyo wangu unodemera mukati mwangu.

Chi. 1:16

Ngendaa yeizvi ndinochema; madziso angu anoerera masodzi; ngokuti muembedzeri uri kuretu kubva kwendiri, umwe kumusira simba rangu; vana vangu vaparadzwa, ngokuti gaa ranyisa.

Chi. 2:11

Madziso angu apera ngendaa yemasodzi; mweya wangu unotambudzika; mwoyo wangu unodururwa pamavhu, ngendaa yokuparadzwa kwevanhu vangu, ngokuti vana nechiya vanodemera mumapato edhorobha.

Chi. 5:18

ngendaa yoMutunhu Zioni uwo waita dongo, hava dzinohamba padera pawo.

Ezek. 14:15

“Kudai ndechitumira zvikara zvinotyisa kuiparadza nyika, kuita matongo, pasina naumwe ungahamba ndimwo ngendaa yezvikara,

Ezek. 27:2

“Zvino, iwewe mukororo womunhu, ita chiriro ngendaa yeThire,

Ezek. 29:11

Akuna rutsoka rwomunhu runozohamba ndimwo, nokuti rutsoka rwemhuka runozohamba ndimwo, aitongozogarwizve makore makumi marongomuna.

Ezek. 33:28

Ndinozoita kuti nyika iite matongo nokuparadzwa, nokudzikudza kwesimba rayo kunozopera; nemitunhu yaIsuraeri inozoita matongo, kuti akuna naumwe unozohamba ndimwo.

Ezek. 6:6

Peshe pomunogara, madhorobha enyu anozoparadzwa, nendau dzenyu dzakakwirira dzinozoita matongo, kuitira kuti maarita enyu aite akaparadzwa nokuita matongo, miedzaniso yenyu yokudira kuti iputswe nokuparadzwa nemaarita enyu okupishira mitombo inegwema rakanaka aputsirwe pashi, nemishando yenyu idzimwe.

Hos. 4:3

Ndizvo nyika inozobonda, navo veshe vanogaramwo vanozopera simba, pamwepo nemhuka dzomushango neshiri dzomudenga; kunyazwi nehove dzoruandhle dzinopera.

Joeri 1:13

Simirai machira emasaka, mucheme, imwimwi vapristi; boorerai, imwimwi vashandi vearita. Uyai, atai usiku hweshe muri mumachira emasaka, imwimwi vashandi vaMwari wangu! Munikero wezviyo nomunikero wokumwa azvichaunzwi kumhatso yaMwari wenyu.

Joeri 1:19

Kweuri, O Mambo Mwari, ndinozochema, ngokuti muriro wakapedza mafuro omushango, nomurazvu wapisha miti yeshe yomushango.

Amo. 5:1

Izwai izwi iri rendinodaidzira kumuchemera, O mhatso yaIsuraeri.

Amo. 5:16

Ndizvo izvi ndizvo zvinoronza Mambo Mwari, Mwari wehondo, Mambo: “Mumakhona eshe kunozoamwo kuchema; nomumapato mweshe vanozoti, ‘Ihehe! Ihehe!’ Vanozodaidza varimi koobonda, naavo ngwazi dzokuchema kuti vacheme.

Mik. 2:4

Ngeiro zuva umwe unozotora muedzaniso ndiwe, nokuchema ngokuchema kwakakura echiti, ‘Taparadzwa yaamho; wakatsandudza chikoaniswa chevanhu vangu; wakachiita mabvisirenyi kubva kwendiri! Pakati pevamukiri vedu akakoanisa minda yedu!’ ”

Mik. 3:12

Ndizvo ngendaa yenyu Zioni rinozorimwa kudai ngomunda, neJerusarema rinozoita mirwi yematongo, nomutunhu wetemperi kudai ngendau dzakakwirira dzegwasha.