Jer. 8:9 - Bhaibheri Rakachena muChindau

⁹ Vanhu vakangwara vanozotsverudzwa, vanozopera simba nokutorwa; ringira vakaramba izwi raMambo Mwari; kungwaranyi kuri mukati mwavo?

Jer. 8:9 Iomraidhean Croise

2 Madzi. 17:15

Vakaramba zviemeso zvake, nechitenderano chake chaakaita nemadzibaba avo, nokungwadza kwake kwaakavapa. Vakateera zvisina shwiro, vakaita vasina shwiro; vakateera vasikatendi Mwari, avo vakavatendenedza, vaakavapanga ndivo Mambo Mwari, kuti vasazoita kudai ndivo.

Jobe 5:12

Unokangaidza avo vakangwara vanoronga mazano, kuti nyara dzavo dzisakona kubudisa kuronga kwavo.

Jobe 5:13

Unobata vakangwara muurimbwi hwavo; nokupanga kwevaradzikidzi kunozopera.

Nduyo 19:7

Mupango waMambo Mwari wakaperera, unounzira mweya; mitemo yaMambo Mwari yakagwinya, inongwadza vasina mazano;

Isa. 19:11

Vatongi veZoani mapenzi emene; vapangi vakangwara vaFaro vanopa kupanga kwoupenzi. Mungaita maronzerenyi kunaFaro kuti, “Ndiri umwe weavo vakangwara, mubarirwana wemadzimambo ekare?”

Isa. 29:14

ndizvo, ringirai, ndinozoitazve zviro zvinoshamisa pakati paava vanhu, zvinohutisa nokushamisa. Noungwaru hwevanhu vavo vakangwara hunozopera, noungwaru hweavo vakangwara hunozofishika.”

Isa. 43:27

Baba ako vokutanga vakashaisha, navadudziri vako vakashaisha pamberi pangu.

Isa. 8:20

Kumupango nokuchapupu! Kudai vasikaereketi kudai ngeizwi iri, indaa yokuti akuna kujeka mukati mwavo.

Jer. 15:6

Mambo Mwari wakati, “Iwewe wandirasha, uri kuhwirira sure; ndizvo ndatambanudza nyara yangu kwouri nokukuparadza; ndaremba ngokumukungurira.

Jer. 19:7

Nomundau iyi ndinozoita kuti bangano raJudha nereJerusarema riite risina shwiro; ndinozoita kuti vawe ngeshoti pamberi pemagaa avo, ngenyara dzaavo vanotsvaka kuvauraya. Ndinozopa miiri yavo yakafa kuita kudya kweshiri dzomudenga nokwezvikara zvomunyika.

Jer. 2:8

Vapristi avazikubvunza kuti, ‘Uri pari Mambo Mwari?’ Naavo vanobata mipango avazi kundizia; vaushi vakapauka kubva kwendiri, vaprofeti vakaprofeta ndiBhaari, vakateera zviro zvisikadetseri chiro.

Jer. 49:7

Izvi ndizvo zvinoronza Mambo Mwari wehondo “Amuchina ungwaru here muThemani? Kupanga kwapera kubva kunevanemazano here? Ungwaru hwaro hwapera here?

Jer. 6:15

Vakaita ngenjira inotsverudza, apo vakaita zvinonyangadza; asi vaiya vasikatsveruki, avazi kuzia kutsveruka. Ndizvo vanozowa pakati peavo vanowa; ngomukuwo wendinovaorora, vanozorigwa pashi,” unoronza Mambo Mwari.

Jer. 6:19

Izwa, O nyika; ringira, ndinozounza kuparadzwa padera paava vanhu, michero yemipinimidzo yavo, ngokuti avazi kupurutana mazwi angu, nokuti mipango yangu vairamba.

Ezek. 7:26

Kutambudzika kunozouya padera pokutambudzika, guhwa rinozoteera sure kweguhwa; vanozoramba vechitsvaka chioniso kubva kumuprofeti; dzidziso dzinozopera kubva kumupristi nokupangwa kubva kuvasharuka.

Amo. 2:4

Izvi ndizvo zvinoronza Mambo Mwari: “Ngezvipauko zvitatu zvaJudha nezvirongomuna, andizopetudzi kuororwa; ngokuti vakaramba mipango yaMambo Mwari, navo avazi kungwarira zviemeso zvake, asi vakapauswa ngemanyepo amwewo, awo akateerwa ngemadzibaba avo.

Zek. 13:4

Pazuva iro, vaprofeti vanozotsveruka veshe umwe ngaumwe ngechioniso chake, apo vanoprofeta; avazosimiri chokufuka chinemamviri kuitira kuchengedzera,

Dhuto. 4:6

Ndizvo zvingwarirenyi muzviite, ngokuti izvi ndikwo kungwara kwenyu nokuzwisisa kwenyu mukuona kweavo madzinza anozozwa izvi zviemeso zveshe, nokuronza kuti, “Ngegwinyiso iri dzinza guru riri rakangwara, rinokuzwisisa!”

2 Tim. 3:15

zve, kubvira paudoko hwako, wakazia zvinyorwa zvakachena zvine simba rokuita kuti ungware kuruponeso kubudikidza ngokugonda muna Kristu Jesu.