Jer. 8:4 - Bhaibheri Rakachena muChindau

⁴ “Unozoti kwevari, unoronza izvi Mambo Mwari: Naapo vanhu vechiwa, avamiruki here? Kudai vechipauka, avapetuki here?

Jer. 8:4 Iomraidhean Croise

1 Madzi. 8:38

kunyazwi ngouri mukumbiro nokuti kupota kunozokumbirwa ngomunhu kunyazwi ngouri, nokuti ngevanhu vako veshe Isuraeri, weshe uwo unozia nhenda yomwoyo wake, nokutambanudzira nyara dzake kumhatso iyi,

Mazwi 24:16

ngokuti kunyazwi munhu wakarurama unowa kanomwe, unozomirukazve; asi vakashata vanozorigirwa pashi ngemadambudziko.

Isa. 44:22

Ndatsvairira zvipauko zvako kuretu kudai ngegore, nezvishaishi zvako kudai ngemhute; petuka kwendiri, ngokuti ndakuripira.

Isa. 55:7

Wakashata ngaasiye njira yake, nomunhu usikazi kururama mipinimidzo yake; ngaatenderukire kunaMambo Mwari, naye unozomuitira nyasha, nokunaMwari wedu, ngokuti unozomukungurira yaamho.

Jer. 23:14

Asi muvaprofeti veJerusarema ndaona chiro chine tsvina: vanoomba, nokuhamba mumanyepo; vanogwinyisa nyara dzevaiti vezvakashata, kuti kutamike naumwe unopetuka kubva mukushata; veshe vakadai ngeSodhoma kwendiri, nevanogaremwo vakadai ngeGomora.

Jer. 3:1

“Kudai munhu echiramba mukadzi wake, naye akaenda kubva kwaari nokuita mukadzi woumweni munhu, unozohwirira kwaari here? Iyo nyika aizosvipiswi kakurutu here? Iwewe wakaita uhure nevadikani vazhinji, newe ungapetuka kwendiri here? Unoronza Mambo Mwari.

Jer. 3:22

Petukai, imwimwi vana vasikagondeki, ndinozorapa kusikagondeka kwenyu. “Ringira, tinouya kwouri; ngokuti iwewe uri Mambo Mwari, Mwari wedu.

Jer. 36:3

Pamweni vemhatso yaJudha pevanozwa kweshe kushata kwendakaronga kuita kwevari, veshe umwe ngaumwe wavo ungatenderuka kubva kunjira yake yakashata, kuti ndikone kurekerera kushata kwavo nezvishaishi zvavo.”

Jer. 4:1

“Kudai wechipetuka, O Isuraeri,” unoronza Mambo Mwari, “Kudai wechipetuka kwendiri, kudai wechirasha zvinyangadzo zvako kubva mukuona kwangu, ndizvo auzokutukuswi,

Ezek. 18:23

Ndine kudakara here mukufa kwouwo wakashata, ” unoronza Mambo Mwari, Mwari: “Haiwa kuti atenderuke kubva munjira dzake, apone?

Hos. 14:1

O Isuraeri, hwirira kunaMambo Mwari, Mwari wako, ngokuti wakawa ngokushata kwako.

Hos. 6:1

“Uyai, ngatihwirire kunaMambo Mwari; ngokuti ndiye wakabaura, ndiyezve unozotirapa; wakachaya, ndiye unozotisunga.

Hos. 7:10

Kudzikudza kwaIsuraeri kunopupura kumuitira ndaa; asi avahwiriri kunaMambo Mwari, Mwari wavo, nokuti kumutsvaka, ngendaa yeizvi zveshe.

Amo. 5:2

Mhandwe yaIsuraeri yakawa; aichazomiruki; yakasiiwa munyika yayo, pasina wokuimirudza.

Mik. 7:8

Usadakara ndini, O gaa rangu; apo pendinowa pashi, ndinozomiruka; apo ndechigara muchidima, Mambo Mwari unozoita kujeka kwendiri.