Jer. 8:2 - Bhaibheri Rakachena muChindau

² Anozoparadzirwa pamberi pezuva, nepemwedzi nepehondo yeshe yomudenga, izvo zvevakada nokushandira, zvevakateera, zvevakatsvaka, nezvevakadira; avazounganidzwi, nokuti kutsirwa; anozoita kudai ngemadisa padera pehope yenyika.

Jer. 8:2 Iomraidhean Croise

2 Madzi. 17:16

Vakaramba mipango yeshe yaMambo Mwari, Mwari wavo, vakadziitira miedzaniso yakanyunguruswa yemakonyana mairi; vakaita gwasha, vakadira hondo yeshe yomudenga, vakadira Bhaari.

2 Madzi. 21:3

Ngokuti wakaakazve ndau dzakakwirira dzakapwanyiwa ndibaba ake Hezekia; wakaakira Bhaari maarita, akaita sika yokudira, kudai ngezvaakaita Ahabhi mambo waIsuraeri; naye wakadira hondo dzeshe dzomudenga, akadzishandira.

2 Madzi. 21:5

Mumaruwanze mairi emhatso yaMambo Mwari wakaaka maarita ehondo dzeshe dzomudenga.

2 Madzi. 23:5

Wakadusa vapristi vemiedzaniso, avo vakaemeswa ngemadzimambo aJudha kuti vapishe mitombo inegwema rakanaka mundau dzakakwirira dzemadhorobha aJudha, nendau dzaitendenedza Jerusarema; avozve vaipisha mitombo inegwema rakanaka kunaBhaari, kunezuva, kunomwedzi, kunyeredzi, nokuhondo yeshe yomudenga.

Nduyo 53:5

Apo vanozoa mukutya kukuru, kusikazi kumboapo. Ngokuti Mwari unozoparadza magodo ouwo usikatendi Mwari; vanozotsverudzwa, ngokuti Mwari wakavaramba.

Nduyo 83:10

avo vakaparadzwa paEnidhori, vakaita kudai ngemadisa enyika.

Nduyo 83:11

Ita kuti vakuru vavo vadai ndiOrebhi naZeebhi, vatongi vavo veshe kuti vadai ndiZebha naZarimuna,

Muchu. 6:3

Kudai munhu echibara vana zana, nokupona makore akawanda, asi azvina ndaa kunyazwi mazuva emakore ake akawanda, kudai mweya wake usikagutiswi ngezvakanaka, nokuti asikatsirwi, ndinoti kuti uwo wakabarwa nguva isati yaguma unopinda kuitanane pane iye.

Jer. 14:16

Nevanhu vevanoprofetera kwevari vanozokandirwa mumapato eJerusarema ngendaa yenzara neshoti. Akuzoapo naumwe kuvatsira, ivo pachavo, vakadzi vavo, vakororo vavo, nevanasikana vavo. Ngokuti ndinozodururira padera pavo kushata kwavo.”

Jer. 16:11

Zvino unozoti kwevari, ‘Indaa yokuti madzibaba enyu akandisiya, unoronza Mambo Mwari, akateera zvimwari zvimweni, nokuzvishandira nokuzvidira; vandisiya nokusikangwarira mipango yangu;

Jer. 16:4

vanozofa ngenhenda dzinotyisa. Avazochemwi nokuti kuikwa; asi vanozodai ngemadisa padera penyika. Vanozopedzwa ngeshoti nenzara, nemiiri yavo yakafa inozoita kudya kweshiri dzomudenga, nokwezvikara zvomunyika.

Jer. 16:6

Vakuru nevadoko veshe vanozofa munyika iyi; avazoikwi, apana naumwe unozovachema, akuna kuchekwa, nokuti kuparwa kwesoro kwevari.

Jer. 19:13

Mhatso dzeJerusarema nemhatso dzemadzimambo aJudha dzinozosvipiswa, kudai ngendau yeThofethi, mhatso dzeshe dzevakapishira padera padzo mutombo kuhondo dzeshe dzomudenga, vakadurura midiro yavo yokumwa kunezvimwari zvimweni.’ ”

Jer. 22:19

Unozoikwa ngokuikwa kwembongoro, iyo inokweiwa nokurashwa kubanze kwemisiwo yeJerusarema.”

Jer. 25:33

Avo vanourawa ndiMambo Mwari ngezuva iro vanozobvira kumagumo enyika metsa kumagumo amweni enyika. Avazochemwi, nokuti kuunganidzwa kuti vaikwe; vanozodai ngemadisa padera pemavhu.

Jer. 31:40

Bani reshe remiiri yakafa neremarota, neminda yeshe metsa kuguma kuRwizi rweKidroni, kuguma pakhona reMusiwo Mahachi, wakaringira kumabvazuva, zvichaita zvakacheneswa kunaMambo Mwari. Aizobvitwizve nokuti kuparadzwa mhera nariini.”

Jer. 36:30

Ndizvo izvi ndizvo zvinoronza Mambo Mwari ngendaa yaJehoiakimu mambo waJudha: Aazowi naumwe unozogara padendemaro raDhavhidha, nomuiri wake wakafa unozokandirwa kubanze mukupisha kwemasikati nomuchando usiku.

Jer. 9:20

“Izwai, O madzimai, izwi raMambo Mwari, nzee dzenyu ngadzizwe izwi romuromo wake; mudzidzise vanasikana venyu kubonda, neumwe ngaumwe ngaadzidzise muakirwana wake chiriro.

Jer. 9:21

Rufu rwauya kumafasitera edu, kwapinda mungome dzedu, kugura vana kubva mumapato, nemajaha kubva kumadariro.

Jer. 9:22

Ereketa! Izvi ndizvo zvinoronza Mambo Mwari kuti, ‘Miiri yevanhu inozowa yechifa kudai ngedisa murubaya, kudai ngemitsonzoti inosara sure kwomucheki, akuna unozoiunganidza.’ ”

Ezek. 29:5

Ndinozokukandira mushango, iwewe nehove dzeshe dzendwizi dzako; newe unozowira murubaya pamhene, newe auzounganidzwi pamwepo nokutsirwa. Ndakakupira kuti uite chokudya chemhuka dzomushango neshiri dzomudenga.

Ezek. 39:5

Unozowa murubaya pamhene; ngokuti inini ndaereketa, unoronza Mambo Mwari, Mwari.

Ezek. 6:5

Ndinozoradzika pashi miiri yakafa yevanhu vaIsuraeri pamberi pemiedzaniso yavo yokudira neni ndinozotatanisa magodo enyu kutendenedza maarita enyu.

Ezek. 8:16

Naye wakandiunza muruwanze rwomukati rwemhatso yaMambo Mwari; ringira, pamusiwo wemhatso yaMambo Mwari, apo pokupinda ndipo mutemperi raMambo Mwari, pakati peberere nearita, vaiyapo vamuna vaida kukwana makumi mairi navashanu, nemishana yavo yakafuratira temperi raMambo Mwari, nehope dzavo dzairingira kumabvazuva, vaiata pashi kudira zuva, vechiringira kumabvazuva.

Zef. 1:17

“Ndinozounza kutambudzika kwakadaro padera pevanhu, kuti vahambe kudai ngemapofu; ngokuti vakashaisha kunaMambo Mwari, ngazi yavo inozodururwa kudai ngebukuta, nenyama yavo kudai ngemadisa.”

Zef. 1:5

avo vanokotama pashi kudira hondo yomudenga vari pazvachungu zvemhatso; naavo vanokotama pashi, vechipika kunaMambo Mwari, asi vanopikazve ndiMarikhamu;

Zvak. 7:42

Asi Mwari wakavafuratira, akavarekera kuti vadire hondo dzomudenga, kudai ngezvakanyorwa mubhuku revaprofeti kuti, “Mwakapira kwendiri here mhuka dzakaurawa nemidiro kwemakore makumi marongomuna muri mushango, imwimwi vemhatso yaIsuraeri?

Dhuto. 17:3

naye wakaenda kooshandira nokudira zvimwari zvezuva, nokuti mwedzi, nokuti ngeiri yehondo yezvomudenga, zvendisikazi kumupanga;

Dhuto. 4:19

Naapo mwomirudza madziso enyu mudenga nokuona zuva, mwedzi, nyeredzi, hondo yeshe yomudenga, musazopauswa nokugwadama kuidira nokuishandira, zviro zvaakapa Mwari kumadzinza eshe ari pashi pomudenga.