Jer. 8:19 - Bhaibheri Rakachena muChindau

¹⁹ Izwai, kuchema kwevanhu vangu varombo kubva munyika yakapamhama iri kuretu: “Mambo Mwari urimwo here mukati mweZioni? Mambo wake aarimwopi mukati mwake here?” “Vakanditsenesa ngenyi ngemiedzaniso yavo yakatsetswa, nezvimwari zvazvo zvipara zvisina shwiro?”

Jer. 8:19 Iomraidhean Croise

Nduyo 135:21

Ngaakudzwe Mambo Mwari muZioni, uwo unogara muJerusarema. Mukudzenyi Mambo Mwari!

Nduyo 137:1

Pasinde pendwizi dzeBhabhuroni, apo takagara pashi, naapo takachema, apo petakakarakadza ngeZioni.

Nduyo 146:10

Mambo Mwari unozotonga mhera nariini, Mwari wako, A Zioni, wemibarirwana yeshe. Kudzai Mambo Mwari!

Nduyo 149:2

Isuraeri ngaadakare ngowakamusika; vana veZioni ngavadakare munaMambo wavo.

Nduyo 31:6

Ndinovazonda avo vanopinimidza zviro zvisina shwiro, asi inini ndinogonda munaMambo Mwari.

Isa. 1:4

A, dzinza rokushaisha, vanhu vanoremerwa ngokushata, mubarirwana unoita zvakashata, vana vanoita zvakaora, avo vakasiya Mambo Mwari, avo vakashoora Umwe Wakachena waIsuraeri, vakadziita vapara, vakahwirira sure.

Isa. 12:6

Daidzirai nokuemba ngokudakara, imwimwi munogara muZioni, ngokuti Wakachena waIsuraeri mukuru pakati penyu.”

Isa. 13:5

Vanobva kunyika iri kuretu, kubva kumagumo ematenga, Mambo Mwari nezvokurwa ndizvo zvoushungu hwake, kuparadza nyika yeshe.

Isa. 33:22

Ngokuti Mambo Mwari ndiye mutongi wedu, Mambo Mwari ndiye muemesi wemitemo yenyika yeshe, Mambo Mwari ndimambo wedu; unozotiponesa.

Isa. 39:3

Zvino muprofeti Isaya wakauya kunamambo Hezekia, akati kwaari, “Ava vanhu vatinyi? Vauya kwouri vechibva kuri?” Hezekia wakati, “Vauya kwendiri vechibva kunyika iri kuretu, nyika yeBhabhuroni.”

Isa. 52:1

Muka, muka, pfeka simba rako, O Zioni! Pfeka machira ako akanaka, O Jerusarema, dhorobha rakachena; ngokuti kubvira zvinopano akuchazouyi kwouri usikazi kuchekwa nousikazi kusukika.

Jer. 10:15

Aina shwiro, mishando yokuchengedzera; ngomukuwo wokuororwa kwayo inozopera.

Jer. 14:19

Mwarasha yaamho vaJudha here? Mweya wako unonyenya Zioni here? Ngenyi watichaira pashi, pasina kurapwa kwedu? Tinotsvaka kunyarara asi akuna chakanaka, tinoringira mukuwo wokutambiswa, asi ringira kutyiswa!

Jer. 14:9

Ngenyi wechidai ngomunhu wakangaidzwa, nokudai ngomunhu unesimba usikaponesi? Asi iwewe, O Mambo Mwari, uri mukati mwedu, nesu tinodaidzwa ngezina rako; usatisiya.

Jer. 2:5

Ndizvo izvi zvinoronza Mambo Mwari, “Kushatanyi kwevakaona madzibaba enyu mwendiri, kwakaita kuti vaende kuretu kubva kwendiri, nokuteera zviro zvoupenzi, nokudziita pachavo vasina shwiro?

Jer. 27:10

Ngokuti vanoprofeta manyepo kwomuri nokugumisira kwazvo munozobviswa munyika yenyu; ndinozomudzinga kubvemwo, nemwi munozoparadzwa.

Jer. 31:6

Ngokuti rinozoapo zuva apo varindi pevanozodaidza vari munyika yezvimitunhu yaEfuremu vechiti, ‘Uyai, tikwire Zioni, kunaMambo Mwari, Mwari wedu.’ ”

Jer. 32:30

Ngokuti vanhu vaIsuraeri nevanhu vaJudha avana chevakaita, asi vakaita zvakashata zvega pamberi pangu kubvira muutsva hwavo; vanhu vaIsuraeri avana chevakaita, asi vakanditsenesa kwega ngemishando yenyara dzavo, unoronza Mambo Mwari.

Jer. 7:19

Ndini here wevanomusira ushungu? Avadziitiri here kukangaidzwa kwavo?” Unoronza Mambo Mwari.

Jer. 8:20

“Kukukura kwapinda, zienza rapera, nesu atizi kuponeswa.”

Jer. 9:16

Ndinozovaparadzira pakati pemadzinza, awo asikazi kuziikanwa kwevari nokuti kumadzibaba avo; ndinozotumira shoti kuvateera metsa ndivapedze.”

Ezek. 48:35

Kupimwa kweshe kwedhorobha kunozoita mamitha makumi emazana mapfumbamwe (9,000). Zina redhorobha kubvira ngeiro zuva rinozozwi, “Mambo Mwari Urimwo.”

Joeri 2:32

Zvino weshe uwo unokumbira ngezina raMambo Mwari unozoponeswa; ngokuti kuMutunhu Zioni nomukati mweJerusarema vachazoamwo avo vakapokonyoka, kudai ngezvaaereketa Mambo Mwari, nepakati pevakasara vanozoapo avo vaanodaidza Mambo Mwari.”

Joeri 3:21

Ndinozochenesa ngazi yavo yendisikazi kuchenesa, ngokuti Mambo Mwari unogara muZioni.”

Obh. 1:17

Asi paMutunhu weZioni kunozoapo avo vakapokonyoka, nawo unozoita wakacheneswa; mhatso yaJakobe inozogara nhaka youpfumi hwayo.

Mik. 4:9

Zvino unoboorera ngenyi? Akuna mambo here mukati mwako? Mupangi wako afa here, ngokuti kurumwa kwakubata kudai ngomukadzi wobereka?

Zef. 3:15

Mambo Mwari wakadusa kutongwa kwako, warasha gaa rako. Mambo waIsuraeri, Mambo Mwari, uri pakati pako; auchazotyi zvakashata nakamwe.

Zek. 2:9

Zvino ringira, ndinozozungunyisa nyara yangu kurwa navo, vanozoita vapambi vehloko dzavo. Zvino munozozia kuti Mambo Mwari wehondo wandituma.

Zvak. 14:15

vechiti, “Vanhu, munoita izvi ngenyi? Isusuwo tiri vanhu vakadai ndimwi, tinounza kwomuri mashoko akanaka okuti mutenderuke kubva kuneizvi zvisina shwiro, muuye kunaMwari unopona, uwo wakasika denga nenyika noruandhle neizvo zveshe zviri mukati mwazvo.

Dhuto. 31:17

Ushungu hwangu hunozobaka kwavari ngeiro zuva. Ndinozovasiya, ndifishe hope yangu kubva kwavari; navo vanozopedzwa, nokushata kwakawanda nemadambudziko akawanda zvinozovagumira. Ndizvo vanozoti ngeiro zuva, ‘Kushata uku akutigumiri here ngokuti Mambo Mwari, Mwari wedu apana pakati pedu?’

Chakapangijihwa 2:1

“Nyorera ngirosi yechiara chiri muEfesu wechiti: ‘Aya ndiwo mazwi ouwo unobata nyeredzi nomwe munyara yake yokumudyo, unohamba pakati pezvigadzikiro zvezvibani zvinomwe zvomukore.’