Jer. 8:14 - Bhaibheri Rakachena muChindau

¹⁴ “Tinogara takanyarara ngenyi? Unganidzanai pamwepo, ngatipotere mumadhorobha akashosherwa, tipereremwo; ngokuti Mambo Mwari, Mwari wedu, wakatitongera rufu, wakatipa mvura inoukaira kuti timwe, ngokuti takashaishira Mambo Mwari.

Jer. 8:14 Iomraidhean Croise

2 Sam. 20:6

Dhavhidha wakati kunaAbhishai, “Zvino Shebha mukororo waBhikhiri unozotitambudza kakurutu kupinda kutambudza kwaakaita Abhusaromu; tora zvino varanda vamambo wako, umurumbirire ngokuti pamweni ungapinda mumaguta akashosherwa, akatitiza.”

Nduyo 39:2

Ndaiya chimbungumbungu ndisikaereketi; ndakanyarara, azvizi kundidetsera; kurwadziwa kwangu kwakanyanya,

Nduyo 69:21

Vakandipa chahwahwa kuti chiite kudya kwangu, nokupera kwangu ngenyota vakandimwisa dangapwizhi.

Isa. 47:5

Gara mukunyarara, uende muchidima, mwanasikana wevaKharadhea! Ngokuti auchazodaidzwizve kuti uri vahosi voumambo.

Jer. 14:20

O Mambo Mwari, tinotenda kushata kwedu nokushaisha kwemadzibaba edu, ngokuti takakushaishira.

Jer. 14:7

O Mambo Mwari, kunyazwi zvishaishi zvedu zvinopupura tisu kutiitire ndaa, chiita ngendaa yezina rako; ngokuti takahwirira sure kazhinji, takashaisha kwouri.

Jer. 23:15

Ndizvo izvi zvinoronza Mambo Mwari wehondo ngendaa yevaprofeti: “Ringira, ndinozovadyisa muti unovava, nokuvaita kuti vamwe mvura inechanduru; ngokuti kutukisa Mwari kwevaprofeti veJerusarema kwapararira munyika yeshe.”

Jer. 3:25

Ngatiate pashi mukutsveruka kwedu, nokutsveruka kwedu kutifukidze; ngokuti takashaisha kunaMambo Mwari, Mwari wedu, isusu nemadzibaba edu, kubvira muutsva hwedu metsa nanyamashi; atizikupurutana izwi raMambo Mwari, Mwari wedu.”

Jer. 35:11

Asi apo Nebhukhadhineza mambo weBhabhuroni paakauya koorwisa nyika, takati, ‘Uyai, ngatiende Jerusarema, ngokuti tinotya hondo yevaKharadhea nehondo yevaAramu.’ Ndiyo ndaa techigara muJerusarema.”

Jer. 9:14

Asi vakateera kukonza kwomwoyo yavo; vakateera vanaBhaari, izvo zvevakadzidziswa ngemadzibaba avo.”

Jer. 9:15

Ndizvo izvi zvinoronza Mambo Mwari wehondo, Mwari waIsuraeri: “Ringira, ndinopa ava vanhu kudya kwechisimwa chinovava, ndechivapa mvura inoukaira kuti vamwe.

Chi. 3:19

Ndinokarakadza kurwadziwa kwangu nokunzerereka kwangu, muto womuti unovava nechanduru.

Revhi 10:3

Zvino Mosi wakati kunaAroni, “Ichi ndicho chaakaereketa Mambo Mwari echiti, ‘Ndinozocheneswa mukati mweavo vanokwedzera kwendiri, nepamberi pevanhu veshe ndinozoirikidzwa.’ ” NaAroni wakanyarara.

Amo. 6:10

Kudai hama imwe iyo inozopisha vakafa, inozotora muiri kuunza kubanze kwemhatso, naye unozoti kwaari, uwo uri mumarupande omukatikati emhatso, “Uchipo umweni newe here?” Naye unozoti, “Haiwa;” zvino hama inozoti, “Nyarara! Ngokuti atisisiri kuereketa ngezina raMambo Mwari.”

HABHAKUKI 2:20

Asi Mambo Mwari uri mutemperi rake rakachena; nyika yeshe ngainyarare pamberi pake.

Zek. 2:13

Nyararai, imwimwi vanhu veshe, pamberi paMambo Mwari; ngokuti wamiruka muugaro hwake hwakachena.

Mateu 27:34

vakamupa vhini rakakumanidzwa nezvinozhazha kuti arimwe. Kwakati araira, wakaramba kurimwa.

Dhuto. 29:18

Kungaitika kuti kungaapo pakati penyu munhu womwamuna, nokuti womukadzi, nokuti mhuri, nokuti dzinza, unomwoyo watokunukuka nyamashi kubva kunaMambo Mwari, Mwari wedu, kuti aende kooshandira zvimwari zvemadzinza awo. Kungaitika kuti pakati penyu kungaapo runzinde runobudisa chanduru chinoukaira runovava.

Dhuto. 32:32

Mavhini avo anobva mumuvhini weSodhoma, neweminda yeGomora. Mavhini avo ari mavhini echanduru, nezvikore zvavo zvinovava.