Jer. 8:10 - Bhaibheri Rakachena muChindau

¹⁰ Ndizvo ndinozopa vakadzi vavo kunevamweni, neminda yavo kune vanyisi, ngokuti umwe ngaumwe kubvira kumudoko metsa kunomukuru vakadzipira mukuemura; kubvira kumuprofeti metsa kumupristi, umwe ngaumwe unoita ngokuchengedzera.

Jer. 8:10 Iomraidhean Croise

Jobe 31:10

zvino mukadzi wangu ngaakuire mwamuna umweni, nevamweni ngavagwadame padera pake.

Isa. 28:7

Avowo vanokweiwa ngokumwa vhini, vanothethereka ngezvokumwa zvinoradzisa; mupristi nomuprofeti vanokweiwa ngokumwa zvinoradzisa, vanokangaidzwa ngevhini, vanothethereka ngokumwa zvinoradzisa; vanokorera muchioniso, vanopumhunwa mukugura ndaa.

Isa. 57:17

Ngendaa yokushaisha kwokuemura kwake ndakamutsenekera; ndikamuchaya, ndakahwara ndakatseneka; asi wakaangira kupetuka sure munjira yokuda kwomwoyo wake.

Jer. 14:14

Zvino Mambo Mwari wakati kwendiri, “Vaprofeti vanoprofeta zvokunyepa ngezina rangu. Andizi kuvatuma, nokuti kuvapanga nokuti kuereketa kwevari. Vanoprofeta kwomuri chioniso nokufembera zvokunyepa, nechisina shwiro, nokuchengedzera kwemwoyo yavo.

Jer. 14:18

Dai ndechibuda kuenda kurubaya, ringira, varipo vaya vakaurawa ngeshoti! Dai ndechipotera mudhorobha, ringira, varipo vaya vanorwara ngenzara! Ngokuti veshe vaprofeti nevapristi vanohambahamba munyika vasikazii.”

Jer. 17:11

Kudai ngechikware chinofungatira mazanda echisikazi kubara ndizvo zvakaita uwo unounganidza upfumi ngenjira isikazi kururama, unozohusiya achipakati pemazuva ake nepakupera kwake unozoita benzi.

Jer. 22:17

Asi madziso ako nomwoyo wako azvioni chimweni kwega kuemura nokuparadza ngazi isina ndaa, nokuita kutambudza nokupamba.

Jer. 32:32

ngendaa yokushata kweshe kwevanhu vaIsuraeri nekwevanhu vaJudha, kwevakaita kumusa kutseneka kwangu, ivo namadzibaba avo, vatongi vavo, vapristi vavo nevaprofeti vavo, vanhu vaJudha, naavo vanogara muJerusarema.

Jer. 38:22

Ringira, chioniso chevakadzi veshe vakasara mumhatso yamambo waJudha vanozotorwa kuenda kuvatongi vamambo weBhabhuroni, vanozoti, ‘Vangani vako vakagondeka vakuchengedzera, vakunyisa; ndizvo tsoka dzako dzanzvaira mumatope, navo vakufuratira.’

Jer. 42:1

Zvino nduna dzeshe dzehondo, naJohanani mukororo waKarea, naJezania mukororo waHoshaia, nevanhu veshe kubvira pamudoko kuguma kumukuru, vakauya pasinde,

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Chi. 4:13

Indaa yezvishaishi zvavaprofeti varo, nokushata kwevapristi varo, vakaparadza ngazi yevakarurama mukati mwaro.

Ezek. 33:31

Vanouya kwouri kudai ngokuuya kunoita vanhu, navo vanogara pamberi pako kudai ngezvinoita vanhu vangu, vanozwa mazwi ako, asi avazoapurutani. Ngokuti ngomuromo wavo vanoonisa rudo, asi mwoyo wavo unokara ngokuda kuuyirwa ngezvakawanda.

Amo. 5:11

Ndizvo ngokuti munotsikatsika murombo, nokutora mihengo yekoroni kubva kwaari, mwaaka mhatso dzemapuwe akatsetswa, asi amuzogari mukati mwadzo; mwakasima minda inodakadza yemivhini, asi amuzomwi vhini rayo.

Mik. 2:4

Ngeiro zuva umwe unozotora muedzaniso ndiwe, nokuchema ngokuchema kwakakura echiti, ‘Taparadzwa yaamho; wakatsandudza chikoaniswa chevanhu vangu; wakachiita mabvisirenyi kubva kwendiri! Pakati pevamukiri vedu akakoanisa minda yedu!’ ”

Mik. 3:11

Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Mik. 3:5

Izvi ndizvo zvinoronza Mambo Mwari ngendaa yevaprofeti vanopausa vanhu vangu avo vanodaidzira kuti, “Kunyarara,” apo vanacho chokudya, asi vanonasirira kurwa hondo naavo vasina chevanoisa pamiromo yavo.

HABHAKUKI 1:6

Ngokuti, ringira, ndinomusa vaKharadhea, dzinza rinovava rinechara, iro rinohamba mukati mwenyika, kutora ndau dzokugara dzisiri dzavo.

Zef. 1:13

Upfumi hwavo hunozopambwa, nemhatso dzavo dzinozoita matongo. Kunyazwi vanoaka mhatso, avazogarimwo; kunyazwi vanosima minda yemivhini, avazomwi vhini rayo.”

Titosi 1:11

avo vanosisira kuti miromo yavo inyaradzwe, ngokuti vanoparadza mhuri dzeshe, vechidzidzisa zvisikasisiri, ngendaa yokuda pfuma inetsvina.

Titosi 1:7

Ngokuti kunosisira kuti mutungamiriri mukuru wechiara aite usikashooreki, kudai ngezvaari muranda waMwari, usina mutinini, usikakasiri kutseneka, usikadi vhini, usikaiti hohoho, usikadisisi pfuma,