Jer. 7:9 - Bhaibheri Rakachena muChindau

⁹ Munozoba, kuuraya, kuomba, nokupika ngemanyepo, nokupishira midiro kunaBhaari mutombo unegwema rakanaka, nokuteera zvimwari zvimweni zvomusikazi kuzia,

Jer. 7:9 Iomraidhean Croise

1 Madzi. 18:21

Erija zvino wakauya kunevanhu veshe, wakati, “Munozogara mukuwo wakaitawani pakati pemipinimidzo miiri? Kuti Mambo Mwari ari Mwari, muteerenyi; asi kuti ari Bhaari, zvino muteererenyi.” Vanhu avazi kumupingura neizwi.

EKISEDHUSI 20:3

“Usazoa nezvimwari zvimweni ngepabanze pangu.

Isa. 1:13

musachaunza minikero isina shwiro; mutombo unegwema unopishwa unondinyangadza. Andidi kutawa kwomwedzi, maSabatha, kudaidza mishongano, nemishongano yokudira yakashata.

Isa. 58:2

Asi vanonditsvaka mazuva eshe nokudakarira kuzia njira dzangu, kudai ngedzinza rinoita zvakarurama, nokudai ngevasikazi kusiya mipango yaMwari wavo; vanokumbira kwendiri kutonga kwakarurama, vanodakara ngokukwedzera pasinde naMwari.

Jer. 1:16

Ndinozoronza kutonga kwangu kwevari ngendaa yokushata kwavo kweshe, avo vakandisiya, vakapisha mutombo unegwema rakanaka pamberi pezvimwari zvimweni, nokudira mishando yenyara dzavo.

Jer. 11:13

Ngokuti kudai ngouwandu hwemadhorobha enyu zvakawandawo kudaro zvimwari zvenyu, O Judha; kudai ngouwandu hwemapato eJerusarema akawandawo kudaro emwakaemesa anotsverudza maarita okupishira mutombo kunaBhaari.’

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 13:10

Ava vanhu vakashata vanoramba kuzwa mazwi angu, vanohamba ngemisikazwa mumipinimidzo yomwoyo yavo, vechiteera zvimwari zvimweni kuzvishandira nokuzvidira, ndivo vanozodai ngebhande iri risikachadetseri chiro.

Jer. 18:15

Asi vanhu vangu vandiriyarwa, vanopisha mutombo unegwema rakanaka kuzvimwari zvokunyepa, vapumhunwa munjira dzavo, mumapato ekare nokuhamba munjira dzimweni, haiwa mumapato makuru,

Jer. 19:4

Ngokuti vanhu vakandiramba, vasvipisa ndau iyi, vakapisha mutombo mukati mwayo kuzvimwari zvimweni, zvisikazi kumboziikanwa ndivo, nokuti madzibaba avo, nokuti madzimambo aJudha; navo vakazarisa ndau iyi ngengazi yevasina ndaa,

Jer. 32:29

VaKharadhea vanorwa nedhorobha iri vanozouya, vabase muriro padera paro nokuripisha, nemhatso idzo dzevakapishira mutombo unegwema padera pamatenga adzo kunaBhaari, vakadurura midiro yokumwa kunezvimwari zvimweni kunditsenesa.

Jer. 44:3

ngendaa yokushata kwavo kwevakaita kunditsenesa, ngokuti vakaenda koopisha mutombo unegwema nokudira zvimwari zvimweni zvevasikazii, ivo nokuti imwimwi, nokuti madzibaba enyu.

Jer. 44:8

Ngenyi mwechindinyangadza kumusa ushungu hwangu ngemishando yenyara dzenyu, ngokupisha mutombo unegwema kunezvimwari zvimweni munyika yeEgipite, iyo kwemwakaenda koogara? Munozogurwa nokuitwa chiro chinotukwa nokushoorwa pakati pemadzinza eshe enyika here?

Jer. 44:9

Mwariyarwa kushata kwemadzibaba enyu here, kushata kwemadzimambo aJudha, kushata kwevakadzi vavo, nokushata kwenyu nokwevakadzi venyu, kwevakaita munyika yaJudha, nomumapato eJerusarema?

Jer. 48:35

Ndinozounza magumo muMoabhi,” unoronza Mambo Mwari, “Kuneavo vanopira mudiro pandau dzakakwirira, nokupisha mutombo unegwema kunezvimwari zvavo.

Jer. 5:2

Kunyazwi vanoti, ‘Kudai ngezvaanopona Mambo Mwari,’ asi vanopika ngokunyepa.”

Jer. 5:7

“Ndingakuita marekererenyi? Vana vako vandisiya, vechipika ndivo vasiri Mwari akadi. Naapo ndavagutisa yaamho, vakaomba, vechidziunganidza ngezvikwata mumhatso dzeuhure.

Jer. 7:6

kudai musikatambudzi mupara, nherera neshirikadzi, nokuti kuparadza ngazi isina ndaa kundau iyi, nokuti kudai musikaateeri zvimwari zvimweni kudzikuwadza,

Ezek. 18:18

Ngendaa yababa ake, ngokuti wakachengedzera, akabira hama yake, akaita izvi zvisikazi kunaka pakati pevanhu vake, ringirai, unofa ngokushaisha kwake.

Ezek. 20:30

Ndizvo ronza kumhatso yaIsuraeri kuti, ‘Izvi ndizvo zvinoronza Mambo Mwari, Mwari: Munozodzisvipisa kudai ngemiitiro yemadzibaba enyu here? Nokupauka kuteera zviro zvavo zvinonyangadza here?

Ezek. 23:39

Ngokuti apo vaiya vauraira miedzaniso yavo yokudira vana vavo, ngezuva rimwero vakauya muugaro hwangu hwakachena kuhusvipisa. Ringira, izvi ndizvo zvevakaita mukati mwemhatso yangu.

Ezek. 5:11

“Ndizvo kudai ngezvendinopona, unoronza Mambo Mwari, Mwari, ngegwinyiso ngokuti imwimwi mwakasvipisa ndau yangu yakachena ngezviro zvenyu zveshe zvinonyenyisa nezvinonyangadza, ndizvo inini ndinozomutemera pashi; dziso rangu arizomukunguriri, neni andizomusvipiri mwoyo.

Hos. 2:13

Ndinozomuorora ngendaa yemazuva emadhiri aBhaari, apo akapisha mitombo kwaari, naye akadzinemesa ngendandazi dzake dzomunzee nezvinemeso zvake, akateera zvigango zvake, akandiriyarwa inini, Mambo Mwari unoronza.

Hos. 6:9

Kudai ngezvikwata zvembavha zvinohwarira munhu, ngokudaro chikwata chevapristi chinouraya munjira yeShekhemu, vanoita zvinonyangadza zvakakura.

Amo. 4:5

Mupishe mudiro wokubonga wechingwa chinomumera, nokuteketesa minikero yokuda kwenyu nokuiziisa; ngokuti munoda kuita, O vanhu vaIsuraeri, unoronza Mambo Mwari, Mwari.

Zef. 1:5

avo vanokotama pashi kudira hondo yomudenga vari pazvachungu zvemhatso; naavo vanokotama pashi, vechipika kunaMambo Mwari, asi vanopikazve ndiMarikhamu;

Mar. 3:5

“Zvino ndinozokwedzera kwomuri kutonga; ndinozoita chapupu chinokasira kupupura kuitira ndaa vanoringidza, vanoomba, vanopika ngokunyepa, vanotambudza nokunyima musharo wevashandi, weshirikadzi, wenherera, naavo vanopaukisa vapara, vasikandityi,” unoronza Mambo Mwari wehondo.

Varoma 2:2

Tinozia kuti kutonga kwaMwari kunegwinyiso kunowira padera paavo vanoita zviro zvakadaro.

Dhuto. 32:17

Vakapira mibairo kunemadhimoni, haiwa kunaMwari, kuzvimwari zvevasaizia, kuzvimwari zvitsva zvichaamba kubuda, zvisaityiwa ngemadzibaba enyu.

Chakapangijihwa 21:8

Asi ngendaa yevanotya, vasikagondi, vanonyangadza, vaurayi, vaombi, varoyi, vadiri vemiedzaniso, navo veshe vanyepi vanozoa nechikoaniswa chavo mugandwa rinobaka ngomuriro nesurufa, ndirwo rufu rwechipiri.”

Chakapangijihwa 22:15

Ngokuti ngokubanze kunembwa, varoyi, vaombi, vaurayi, vadiri vemiedzaniso, navo veshe vanoda nokuita vanyepi.

Vato. 5:8

Apo vatsanangura zvimwari zvitsva, ndizvo paiya nokurwa mumisiwo. Kwakaoneka here chihlangu nokuti mukhondo pakati pemakumi marongomuna emakumi emazana (40,000) muIsuraeri?