Jer. 7:8 - Bhaibheri Rakachena muChindau

⁸ Ringirai, munogonda mazwi okunyepa asikadetseri chiro.

Jer. 7:8 Iomraidhean Croise

Isa. 28:15

Ngokuti mwati, “Taita chitenderano norufu, neSheori tinechitenderano; naapo kupondwa kwakakurisa kwapinda, akuchazouyi kwetiri; ngokuti takaita kuti manyepo aite ndau yedu yokutizira, nomukunyepa takahwaramwo.”

Isa. 30:10

avo vanoronza kuvaoni kuti, “Musaona;” nokuvaprofeti kuti, “Musaprofeta kwetiri zvegwinyiso, ereketai kwetiri zviro zvakaserera, profetai zvokuchengedzera.

Isa. 59:4

Apana naumwe unomangarira umweni ngokururama, apanazve unopota ngepamusoro pegwinyiso; vanogonda zvisina shwiro, vechiereketa manyepo; vanoronga kuangarara, vechibereka kushaisha.

Jer. 13:25

Ichi ndicho chikoaniswa chako, chewakapimirwa ndini, unoronza Mambo Mwari, ngokuti wandiriyarwa, ukagonda manyepo.

Jer. 23:26

Izvi zvinozogara mukuwo wakaitawani? Mwoyo yevaprofeti inozombopetuka sure, avo vanoprofeta manyepo, avo vanoprofeta kuchengedzera kwemwoyo yavo?

Jer. 23:32

‘Ringirai, ndinorwisana navo vanoprofeta hope dzokunyepa,’ unoronza Mambo Mwari, nokudzironza, nokuita kuti vanhu vangu vapauke ngemanyepo avo nezvisina shwiro, apo ndisikazi kuvatuma, nokuti kuvapanga kudaro; ndizvo avazodetseri vanhu ava nepadoko, unoronza Mambo Mwari.”

Jer. 28:15

Zvino muprofeti Jeremia wakati kunaHanania muprofeti, “Purutana, Hanania, Mambo Mwari aazi kukutuma, newe waita kuti vanhu ava vagonde manyepo.

Jer. 4:10

Zvino ndakati, “A Mambo Mwari, Mwari! Ngechokwadi kuchengedzeranyi kwakakura kudai kwewakaitira vanhu ava neJerusarema wechiti, ‘Zvinozomunakira’ kunyazwi shoti apo yaiswa pahuro.”

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 7:4

Musagonda aya mazwi okunyepa, anoti, ‘Iri ndiro temperi raMambo Mwari, temperi raMambo Mwari, temperi raMambo Mwari.’

Jer. 8:10

Ndizvo ndinozopa vakadzi vavo kunevamweni, neminda yavo kune vanyisi, ngokuti umwe ngaumwe kubvira kumudoko metsa kunomukuru vakadzipira mukuemura; kubvira kumuprofeti metsa kumupristi, umwe ngaumwe unoita ngokuchengedzera.