Jer. 7:5 - Bhaibheri Rakachena muChindau

⁵ Ngokuti kudai mwechinasira yaamho njira dzenyu nezviito zvenyu, ngegwinyiso kudai mwechiitirana zvakanaka umwe kuneumweni,

Jer. 7:5 Iomraidhean Croise

Isa. 1:19

Kudai mwechida nokupurutana, munozodya zvakanaka zvenyika;

Isa. 16:3

“Pangai, ita kutonga kwakanaka; mumvuri wako ngauite kudai ngousiku pakati pemasikati; fishai avo vakadzingwa; musapira vanotiza.

Jer. 21:12

O mhatso yaDhavhidha. Izvi ndizvo zvinoronza Mambo Mwari: Tongai kutonga kwakanaka mangwanani, mumusunhure kubva kunyara yomutambudzi weshe wakabirwa, kuti ushungu hwangu husabuda kudai ngomuriro nokupisha, pasina naumwe ungaudzima, ngendaa yokushata kwezviito zvenyu.

Jer. 22:15

Zvino kuita mambo here ngokuita misidhari yakawanda? Baba ako avazi kudya nokumwa here, nokutonga kwakanaka, nokuita zvakarurama? Zvino zvakanaka kwaari.

Jer. 22:3

Izvi ndizvo zvinoronza Mambo Mwari: Tongai kutonga kwakanaka, muite zvakarurama, musunhure kubva munyara yomutambudzi weshe wakabirwa. Musaita zvakashata, musaremadza mupara, nherera, nokuti shirikadzi, nokuti kuparadza ngazi isina ndaa mundau iyi.

Jer. 26:13

Ndizvo zvino nasirirai njira dzenyu nezviito zvenyu, mupurutane izwi raMambo Mwari, Mwari wenyu; naMambo Mwari unozorekera kushata ukwo kwaakamurongera.

Jer. 7:3

Mambo Mwari wehondo, Mwari waIsuraeri, unoronza izvi, ‘Nasirisai njira dzenyu nezviito zvenyu, neni ndinozomuita kuti mugare pandau iyi.’

Ezek. 18:17

unopfinyisa nyara yake kubva kunezvakashata, usikakweretesi kuti auyirwe ngezvakawanda, unongwarira zvitongero zvangu, nokuteera muzviemeso zvangu, iye aazofi ngendaa yokushata kwababa ake, ngegwinyiso unozorarama.

Ezek. 18:5

“Kudai munhu akarurama, echiita zvinotenderwa ngomutemo nokururama,

Ezek. 18:8

usikakweretesi kuti auyirwe, nokuti kuashira kuuyirwa kunowanziswa, unopfinyisa nyara yake kubva kunezvakashata, unotonga ngokururamisa pakati pomunhu nomunhu umweni,

Revhi 25:17

Ndizvo musazobirana; asi munozotya Mwari wenyu; ngokuti inini ndini Mambo Mwari, Mwari wenyu.

Zek. 7:7

“Awo andiwopi mazwi aakadaidzira Mambo Mwari ngevaprofeti vokutanga, apo Jerusarema richine vanhu nouthende, pamwepo nemadhorobha aro akaritendenedza, naapo vanhu vachakagara mubani nemarutii emitunhu here?”

Vato. 21:12

Navo vakaona pakati pevagari veJabheshigireadhi mhandara mazana marongomuna (400), dzisikazi kuatana nomwamuna, navo vakadziunza kukamba kuShiro, munyika yeKhenani.

Vato. 5:1

Zvino Dhebhora naBharaki mukororo waAbhinoamu vakaemba ngeiro zuva vechiti: