Jer. 7:34 - Bhaibheri Rakachena muChindau

³⁴ Apapo ndizoita kuti izwi rokudakara neizwi rokudakadzwa, neizwi romukwambo, neizwi ramakhoti, zvipere mumadhorobha aJudha nomumapato eJerusarema, ngokuti nyika inozoita matongo.

Jer. 7:34 Iomraidhean Croise

Jobe 3:7

Eya, usiku uhwo ngahuite husina chiro, kusabuda izwi rokudakara kwohuri.

Nduyo 78:63

Muriro wakapedza majaha avo, nemhandwe dzavo dzaiya dzisina ngoma yokuroorwa.

Isa. 1:7

Nyika yenyu yaita matongo, madhorobha enyu apishwa ngomuriro; pamberi penyu vapara vanodya nyika yenyu; yaita matongo, yabvukwa ngavapara.

Isa. 3:26

Nemisiwo yake inozochema nokubonda; mukuparadzwa, unozogara pashi pamavhu.

Isa. 6:11

Zvino ndakati, “Mambo Mwari, mukuwo wakadini?” Naye wakati, “Metsa madhorobha aita matongo asina unogaremwo, nemhatso dzisina vanhu, nenyika iite shango yaamho;

Jer. 16:9

Ngokuti izvi ndizvo zvinoronza Mambo Mwari wehondo, Mwari waIsuraeri: ringira, ndinozoita kuti izwi rokusheka, izwi rokudakara, izwi romukwambo neizwi romuroorwa rinyarare mundau iyi mumazuva enyu nomukuona kwenyu.

Jer. 22:6

Ngokuti izvi ndizvo zvinoronza Mambo Mwari ngendaa yemhatso yamambo waJudha: Iwewe wakadai ngeGireadhi kwendiri, nokudai ngesoro reRebhanoni; asi ndinopika ndinozokuita kuti udai ngorubaya, kudai ngedhorobha risikagarwi.

Jer. 25:10

“Neni ndinozovadusira kubva kwevari izwi rokusheka nerokudakara, izwi romukwambo neizwi ramakhoti, kurira kwemakuyo nokujeka kwechibani.

Jer. 27:17

Musavapurutana; shandirai mambo weBhabhuroni, kuti mupone. Ngenyi dhorobha iri rechisisira kuita matongo?

Jer. 33:10

Izvi ndizvo zvinoronza Mambo Mwari; “Mundau iyi yomunoronza kuti, yaita matongo, isina munhu nokuti mhuka, mumadhorobha aJudha, nomumapato eJerusarema, awo aita matongo, asina munhu unogaremwo nokuti mhuka

Jer. 33:11

kunozozwikazve, izwi rokudakara, nerokudakadzwa, izwi romukwambo, neramakhoti, nemazwi eavo vanoemba, apo vanounza mudiro wokubonga kumhatso yaMambo Mwari, “ ‘Kubonga Mambo Mwari wehondo, ngokuti Mambo Mwari wakanaka; ngokuti nyasha dzake dzinorudo dzinogara mhera nariini!’ Ngokuti ndinozounza avo vakabatwa venyika iyi kuti vaite kudai ngepakutanga,” unoronza Mambo Mwari.

Jer. 4:26

Ndakaringira, wona, ndau yakavundira yakaita rubaya nemadhorobha ayo eshe akapwanyirwa pashi pamberi paMambo Mwari, pamberi peushungu hwake hunotyisa.

Jer. 4:27

Ngokuti izvi ndizvo zvinoronza Mambo Mwari, nyika yeshe inozoparadzwa, asi andizoipedzi yaamho.

Jer. 44:6

Ndizvo ushungu hwangu nokunyangadzwa kwangu zvakadururwa, zvikabaka mumadhorobha aJudha nomumapato eJerusarema; nawo akaparadzwa akaita matongo, kudai ngezvaakaita nyamashi.

Chi. 5:14

Vakuru vabva pamisiwo yedhorobha, majaha avacharidzi munanzi.

Ezek. 26:13

Ndinozoita kuti bope rengoma dzako dzokuemba rinyarare; nebope rezvitende zvako arichazozwiki.

Ezek. 7:11

Bopoto ramuka kuita ndonga yokushata. Akuna naumwe wavo unozosara, haiwa muuwandu hwayo, haiwa muupfumi hwavo; apana chakanaka pakati pavo.

Hos. 2:11

Ndinozoita kuti kweshe kudakara kwake kupere, mishongano yake yemadhiri, neyepakutawa kwomwedzi, nemaSabatha ake, nemishongano yake yeshe yakaemeswa yemadhiri.

Hos. 2:13

Ndinozomuorora ngendaa yemazuva emadhiri aBhaari, apo akapisha mitombo kwaari, naye akadzinemesa ngendandazi dzake dzomunzee nezvinemeso zvake, akateera zvigango zvake, akandiriyarwa inini, Mambo Mwari unoronza.

Revhi 26:33

Ndinozomuparadzira pakati pemadzinza, ndinozomushwamurira shoti padera penyu; nenyika inozoita mafusi, nemadhorobha enyu anozoita matongo.

Mik. 7:13

Asi nyika inozoita dongo ngendaa yevagari vayo, ngendaa yemichero yezviito zvavo.

Chakapangijihwa 18:23

Kujeka kwechibani akuchazojeki nepadoodoko mukati mwako; neizwi romukwambo neromuroorwa arichazozwiki mukati mwako; ngokuti vatengesi vako vaiya vanhu vakuru venyika, ngokuti madzinza eshe akachengedzerwa ngokurowa kwako.