Jer. 7:31 - Bhaibheri Rakachena muChindau

³¹ Navo vanoangira kuaka ndau dzakakwirira dzeThofethi, iri mubani romukororo waHinomu, kuti vapishe vakororo nevanasikana vavo mumuriro; icho chendisikazi kupanga nokuti kupotera mumwoyo mwangu.

Jer. 7:31 Iomraidhean Croise

2 Madzi. 17:17

Vakaita kuti vakororo vavo nevanasikana vavo vapinde ngepakati pomuriro; vakaringidza, vakaita un'anga, vakadzitengesa pachavo kuita zvakashata mukuona kwaMambo Mwari, kumumusira ushungu.

2 Madzi. 23:10

Wakasvipisa Thofethi riri mubani reBhenihinomu, kuti kusazoapo naumwe ungazoita kuti mukororo wake nokuti mwanasikana wake apinde kupotya muriro kuita mudiro kunaMorekhi.

2 Madzi. 23:20

Wakauraya vapristi veshe padera pemaarita endau dzakakwirira avo vaiyapo, wakapishira magodo evanhu padera pavo, wakahwirira Jerusarema.

2 MaKro. 28:3

wakapira midiro mubani romukororo waHinomu, wakaita kuti vakororo vake vaphotye muriro, kudai ngezvainyangadza zvaiitwa ngevemadzinza avo vaakadzinga Mambo Mwari kubva pamberi pevanhu vaIsuraeri.

2 MaKro. 33:6

Wakaita kuti vakororo vake vapotye mumuriro mubani romukororo waHinomu; zve, wakagonda vafemberi nemaninji, akashandisa un'anga, akashandisa masaramuso, akashandisa vanomukirwa, nevaroyi. Wakaita zvakashata kakurutu mukuona kwaMambo Mwari, kumusira ushungu hwake.

Isa. 30:33

Ngokuti Tofethi yakanasirirwa kare; ngegwinyiso yakanasirirwa mambo; wakaita ndau yakadzama nokupamhama; muriro nehuni dzakawanda; femero raMambo Mwari rakadai ngerwizi rwesorufa rinobaka kuita muriro.

Isa. 57:5

Imwimwi munotsva ngokuemura pashi pemiti yomuokhi, pashi pomuti weshe wakasvipirika, imwimwi munouraya vana venyu mumapani pashi pemawere emapuwe.

Jer. 19:2

enda mubani romukororo waHinomu, pasinde poMusiwo wePotisherdhi, apapo uteketese mazwi endinokuronzera.

Jer. 2:23

Ungaita maronzerenyi kuti, andizi kusvipiswa, andizi kuteera vanaBhaari? Ringira njira yako mubani, uzie icho chowaita; wakadai ngengamera doko rinorumbisa apo neapo munjira dzaro,

Jer. 32:34

Vakaisa zvinyangadzo zvavo mumhatso inodaidzwa ngezina rangu kuisvipisa.

Jer. 32:35

Vakaaka ndau dzakakwirira dzaBhaari mubani romukororo waHinomu, pekupira vakororo nevanasikana vavo kuita mudiro kunaMorekhi, kunyazwi andizi kuvapanga, nokuti kutongopinimidza kuti vaite kunyangadza uku, kuita kuti Judha ashaishe.

Ezek. 16:20

“Wakatora vakororo vako nevanasikana vako, vewakabarira inini, naavo wakavatora kuvapira kweiri kuita mubairo kuti vapedzwe. Ingatei uhure hwako huri chiro chidoko!

Ezek. 20:26

Ndakavasvipisa kubudikidza ngezvipo zvavo zvemene, mukupira mudiro womuriro avo veshe vari matangwe avo, kuitira kuti ndivazadze ngokutyiswa, kuti vazie kuti inini ndini Mambo Mwari.

Ezek. 20:31

Naapo mwoopira zvipo zvenyu, nokuita kuti vana venyu vapotye mumuriro, munodzisvipisa pachenyu ngemiedzaniso yenyu yeshe metsa nanyamashi. Neni ndingazobvunzwa ndimwi here, O mhatso yaIsuraeri? Kudai ngezvendinopona, unoronza Mambo Mwari, Mwari, inini andizobvunzwi ndimwi.’

Revhi 18:21

Usazopa noumwe worudzi rwako kuti apotye mumuriro kuna Morekhi, zve, usazotsverudza zina raMwari wako: ngokuti inini ndini Mambo Mwari.

Mik. 6:7

Mambo Mwari unozodakara ngemakumi emazana emagondohwe here, nokuti ngendwizi dziri gumi remakumi emazana dzemafuta? Ndinozopira dangwe rangu here ngendaa yezvipauko zvangu, muchero wokutanga womuiri wangu ngendaa yokushaisha kwomwoyo wangu?

Dhuto. 12:31

Musazoita kudaro kunaMambo Mwari, Mwari wenyu, ngokuti chinyangadzo cheshe chaanozonda Mambo Mwari chaiitwa kunezvimwari zvavo; ngokuti vakororo vavo nevanasikana vavo vaivapisha mumuriro kunezvimwari zvavo.

Dhuto. 17:3

naye wakaenda kooshandira nokudira zvimwari zvezuva, nokuti mwedzi, nokuti ngeiri yehondo yezvomudenga, zvendisikazi kumupanga;

Dhuto. 18:10

Kusazooneka pakati penyu noumwe unoita kuti mukororo wake nokuti mwanasikana wake apotye mumuriro, nokuti unoshandira kuuka, nokuti uwo unoita zvisi, nokuti muringidzi, nokuti nyamusoro,

Josh. 15:8

Zvino mugano waidarika kuenda ngepasinde pebani romukororo waHinomu metsa kurutii rwokubani rwevaJebhusi; (ndiro Jerusarema); nomugano waidarika kukwira kuenda dera kwomutunhu uri pamberi pebani raHinomu ngokumabirirazuva, uri ngokumagumo kwebani reRefaimu ngokurutii rwedera.