Jer. 7:30 - Bhaibheri Rakachena muChindau

³⁰ Ngokuti vana vaJudha vakaita zvakashata mukuona kwangu,” unoronza Mambo Mwari; “Vakaemesa zvinyangadzo zvavo mumhatso yakadudzwa zina rangu, kuti vaisvipise.

Jer. 7:30 Iomraidhean Croise

2 Madzi. 21:3

Ngokuti wakaakazve ndau dzakakwirira dzakapwanyiwa ndibaba ake Hezekia; wakaakira Bhaari maarita, akaita sika yokudira, kudai ngezvaakaita Ahabhi mambo waIsuraeri; naye wakadira hondo dzeshe dzomudenga, akadzishandira.

2 Madzi. 21:4

Wakaaka maarita mumhatso yaMambo Mwari, iyo yaakaronza Mambo Mwari echiti, “MuJerusarema ndinozoisamwo zina rangu.”

2 Madzi. 21:7

Wakaisa muedzaniso wakatsetswa weAshera mumhatso yaakaronza Mambo Mwari kunaDhavhidha nokunomukororo wake Soromoni echiti, “Mumhatso iyi nomuJerusarema rendakatsanangura pakati pemadzinza eshe aIsuraeri, kuti ndiise zina rangumwo, mhera nariini.

2 Madzi. 23:12

Maarita awo aiya padera pedenga rekamera repadera raAhazi, awo akaitwa ngemadzimambo aJudha, nemaarita mairi akaitwa ndiManase mumaruwanze mairi emhatso yaMambo Mwari, wakaapwanyira pashi kubvapo, akagura kuita zvigurwa, bukuta racho akarikandira murwizi Kedhironi.

2 MaKro. 33:15

Wakadusa zvimwari zvipara, nomuedzaniso kubva mumhatso yaMambo Mwari, nemaarita eshe aaiya akaaka mumutunhu wemhatso yaMambo Mwari, nomuJerusarema, naye wakairasha kubanze kwedhorobha.

2 MaKro. 33:3

Ngokuti wakaakisazve ndau dzakakwirira dzaakaputsa Hezekia baba ake, wakaemesa maarita aanaBhaari, wakaita sika dzokudira, akadira hondo yeshe yomudenga, akaishandira.

2 MaKro. 33:7

Wakaemesa muedzaniso wakatsetswa, muedzaniso wechimwari, mumhatso yaMwari, iyo Mwari yaakati kunaDhavhidha nokunemukororo wake Soromoni, “Mumhatso iyi, nomuJerusarema, iro rendakatsanangura kubva pakati pemadzinza eshe aIsuraeri, kuti ndiisemwo zina rangu mhera nariini.

Isa. 66:4

Ininiwo ndinozotsanangura kuvatambudza, nokuunza zvevanotya padera pavo; ngokuti, naapo pendakadaidza, apana wakapingura, naapo pendakaereketa, avazi kupurutana; asi vakaita izvo zvakashata pamberi pemadziso angu, vakatsanangura chisikazi kundidakadza.”

Jer. 16:18

Kutanga ndinozohwirinzira kairi kushata kwavo nokushaisha kwavo; ngokuti vasvipisa nyika yangu ngemiiri yakafa yezviro zvinonyenyisa nezvinonyangadza zvemiedzaniso yavo, nokuzadza nhaka yangu ngezvinonyangadza zvavo.”

Jer. 23:11

“Veshe vaprofeti nevapristi avadi Mwari; kunyazwi mumhatso mwangu, ndaona kushata kwavo,” unoronza Mambo Mwari.

Jer. 32:34

Vakaisa zvinyangadzo zvavo mumhatso inodaidzwa ngezina rangu kuisvipisa.

Jer. 32:35

Vakaaka ndau dzakakwirira dzaBhaari mubani romukororo waHinomu, pekupira vakororo nevanasikana vavo kuita mudiro kunaMorekhi, kunyazwi andizi kuvapanga, nokuti kutongopinimidza kuti vaite kunyangadza uku, kuita kuti Judha ashaishe.

Ezek. 7:20

Kubva kuunaku hwechinemeso chavo, vakaita manyau ndicho, ivo vakanasira miedzaniso yavo yainyangadza, zviro zvavo zvinoshooreka; ndizvo ndinozonasira ndicho chiro chakasvipiswa kwevari.

Ezek. 8:3

Wakatambanudza chiemo chairingirika chakadai ngenyara nokunditora ngebvudzi resoro rangu; noMweya wakandimirudza padera pakati penyika nedenga, nawo wakandiunza muzvioniso zvaMwari muJerusarema, kumusiwo wokupinda muruwanze rwomukati wakaringira dera, kuchigaro chomuedzaniso wendurumwa, icho chaimusira ndurumwa.

Dha. 11:31

Hondo inotumwa ndiye inozogara nokuzosvipisa ndau yakacheneswa norusvingo. Vanozodusa mibairo yokupishwa yezuva rimwe ngarimwe, vanozoemesa chinyangadzo chinoparadzanisa.

Dha. 9:27

Unogwinyisa chitenderano nevazhinji vhiki rimwe, nepakati pevhiki unozoita kuti mubairo nomudiro zvirekwe; nomukuwo wouwandu hwezvinonyangadza kunozouya uwo unoparadza, metsa kugume zvakaperera, neizvo zvakaemeserwa, ushungu hunozodururwa padera pomuparadzi.”