Jer. 7:29 - Bhaibheri Rakachena muChindau

²⁹ “Para bvudzi rako, urirashe kuretu; udzichemere uri pandau dziri padera, ngokuti Mambo Mwari wakaramba nokusiya mubarirwana unomusa ushungu hwake.

Jer. 7:29 Iomraidhean Croise

2 Madzi. 17:20

Mambo Mwari wakaramba mibarirwana yeshe yaIsuraeri; wakavatambudza, akavapa munyara dzevachakati, metsa avarasha kubva pamberi pehope yake.

Jobe 1:20

Zvino Jobe wakamiruka, akabaura zvokufuka zvake, akapara soro rake, akati dhuma pashi, akadira.

Isa. 22:12

Muiro zuva Mambo Mwari wehondo wakadaidza kuchema nokutsumba, nokuita mhanza nokusimira machira emasaka.

Jer. 12:7

Ndasiya mhatso yangu, ndarasha nhaka yangu; ndakapa mudikani womwoyo wangu munyara dzemagaa ake.

Jer. 14:19

Mwarasha yaamho vaJudha here? Mweya wako unonyenya Zioni here? Ngenyi watichaira pashi, pasina kurapwa kwedu? Tinotsvaka kunyarara asi akuna chakanaka, tinoringira mukuwo wokutambiswa, asi ringira kutyiswa!

Jer. 16:6

Vakuru nevadoko veshe vanozofa munyika iyi; avazoikwi, apana naumwe unozovachema, akuna kuchekwa, nokuti kuparwa kwesoro kwevari.

Jer. 3:2

Mirudza madziso ako kundau dzakakwirira dzisina chiro, uone! Iripo here ndau pousikazi kuatwa newe? Pasinde penjira wakavagarira vadiwa kudai ngavaArabia mushango. Newe wasvipisa nyika ngouhure hwako nokushata kwako.

Jer. 3:21

Izwi rinozwika pandau dzakakwirira dzisina chiro, kuchema nokupota kwevana veIsuraeri, ngokuti vakapauka kubva munjira yavo, vakariyarwa Mambo Mwari, Mwari wavo.

Jer. 47:5

Mhanza yauya padera peGaza, Ashikeroni yanyaradzwa. O vakasara vebani raro! Munozodzipara mhanza kwomukuwo wakadini?

Jer. 48:37

Ngokuti soro reshe rinoparwa, nomurebvu weshe unoparwa; nepadera penyara dzeshe panozochekwa nyora, nepadera pezviunu panopfekeswa machira emasaka.

Jer. 6:30

Vanodaidzwa kuti sirivha yakarambwa, ngokuti Mambo Mwari wakavaramba.”

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Jer. 9:16

Ndinozovaparadzira pakati pemadzinza, awo asikazi kuziikanwa kwevari nokuti kumadzibaba avo; ndinozotumira shoti kuvateera metsa ndivapedze.”

Chi. 5:22

Asi kuti watiramba yaamho, newe wakanyadzwa tisu kupinda chipimo.

Ezek. 19:1

Asi iwewe, ita chiriro ngendaa yevatongi vaIsuraeri,

Ezek. 28:12

“Mukororo womunhu, ita chiriro ngendaa yamambo weThire, wechiti kwaari, ‘Izvi ndizvo zvinoronza Mambo Mwari, Mwari: Iwewe waiya chionero chezvakaperera, wakazara ngoungwaru, newakaperera muunaku.

Amo. 5:1

Izwai izwi iri rendinodaidzira kumuchemera, O mhatso yaIsuraeri.

Mik. 1:16

Dziite mhanza, upare bvudzi rako ngendaa yevana vako vanodikanwa; udziise mhanza kudai ngengwanga, ngokuti vakatorwa kubva kweuri kuitwa hloko.

Mateu 12:39

Asi iye wakapingura akati kwavari, “Mubarirwana wakashata nounoomba unotsvaka chioniso; asi akuna chioniso chinozooniswa kwouri, kwega chioniso chaJona muprofeti.

Mateu 16:4

Mubarirwana wakashata nounoomba unotsvaka chioniso, akuna chioniso chinozoitwa kwouri, asi kwega chioniso chaJona.” Naye wakavasiya akaenda.

Mateu 23:36

Ngegwinyiso ndinoti kwomuri, izvi zveshe zvinozoitika kunouyu mubarirwana.

Mateu 3:7

Asi echiona vazhinji vevaFarisi nevaSadhusi vechiuya kurubhabhatidzo rwake, wakati kwavari, “Imwimwi vana vemabuura, ndiani wakamunyowedza kuti mutize ushungu hunouya?

Zvak. 2:40

Wakapupura ngemazwi amweni akawanda nokuvapanga echiti, “Dziponesei pachenyu kubva kunouyu mubarirwana wakashongoroka.”

Dhuto. 32:5

asi imwimwi muri vasikagondeki, amuzi kusisira kuita vana vake, muri mubarirwana unopauka nowakashongoroka.