Jer. 7:26 - Bhaibheri Rakachena muChindau

²⁶ asi avazi kupurutana nokuti kukotamisa nzee kwendiri, asi vakakonzisa mitsipa yavo. Vakaita zvakashata kupinda madzibaba avo.

Jer. 7:26 Iomraidhean Croise

1 Madzi. 14:22

Judha wakaita zvakashata mukuona kwaMambo Mwari; vakamumusira ndurumwa ngezvishaishi zvavo zvevakaita, kupinda zveshe zvakaitwa ngemadzibaba avo.

1 Madzi. 14:9

Asi iwewe wakaita zvakashata kupinda avo veshe vakatanga pamberi pako, newe wakaenda ukadziitira zvimwari zvimweni, nemiedzaniso yakanyunguruswa, kundimusa kuti nditseneke, newe wakandirasha sure kwomushana wako.

2 Madzi. 17:14

Avazi kupurutana, asi vakaomesa mitsipa yavo, kudai ngemitsipa yamadzibaba avo, avo vasikazi kutenda kunaMambo Mwari, Mwari wavo.

2 Madzi. 17:15

Vakaramba zviemeso zvake, nechitenderano chake chaakaita nemadzibaba avo, nokungwadza kwake kwaakavapa. Vakateera zvisina shwiro, vakaita vasina shwiro; vakateera vasikatendi Mwari, avo vakavatendenedza, vaakavapanga ndivo Mambo Mwari, kuti vasazoita kudai ndivo.

2 MaKro. 30:8

Zvino musaita vanemitsipa yakaoma, kudai ngezvevaiya vakaita madzibaba enyu, asi imwimwi dzipirenyi kunaMambo Mwari, mupotere mumhatso yake yakachena, iyo yaakachenesa mhera nariini, mushandire Mambo Mwari, Mwari wenyu, kuti kutyisa kwoushungu hwake kuduswe kubva kwomuri.

2 MaKro. 33:10

Mambo Mwari wakaereketa kunaManase nokunevanhu vake, asi avazi kupurutana.

2 MaKro. 33:23

Aazi kudzipfaisa kunaMambo Mwari, kudai ndibaba ake Manase wakadzipfaisa, asi uyu Amoni wakapauka kakurutu nokupinda kushata.

Neh. 9:29

Newe wakavanyowedza kuitira kuti vapetuke kumipango yako. Asi ivo vakaita manyau vakadzikudza, avazi kupurutana mipango yako, asi vakashaisha ngokugura zvitongero zvako izvo zvinoita kuti munhu akazviita uchapona ndizvo. Vakafuratira makhadza avo akaoma, vakaomesa mitsipa yavo, vakaramba kupurutana.

Mazwi 29:1

Munhu unogara echirambidzwa, asi echiangira kukonzesa mutsipa wake, unozoparadzwa ngokukasira, pasina kudetserwa.

Isa. 48:4

Ngokuti ndinozia kuti uri wakakonza, nomutsipa wako unemurunda wakagwinya kudai ngesimbi, nehuma yako yakadai ngethusi,

Isa. 5:4

Chiinyi chendaisisira kuitirazve munda wangu wemivhini, chendisikazi kuita mukati mwawo? Ndizvo, apo ndakaringira kuti ubare mavhini, wakabara mavhini omushango ngenyi?

Jer. 11:8

Asi avazi kupurutana nokuti kuteya nzee dzavo, asi vakahamba umwe ngaumwe mumupinimidzo womwoyo wake wakashata. Ndizvo ndakaunza padera pavo mazwi eshe echitenderano endakavapa kuti vaite, asi avazi kuaita.”

Jer. 16:12

nendaa yokuti mwakaita kushata kukuru kwakapinda kwemadzibaba enyu; ngokuti, ringira, munohamba umwe ngaumwe, kuteera kukonza kwomwoyo wake wakashata, nokuramba kupurutana kwendiri.

Jer. 17:23

Asi avazi kupurutana, nokuti kukotamisa nzee dzavo, vakaomesa mitsipa yavo, kuti vasazwa, nokuti kuashira kudzidziswa.

Jer. 19:15

“Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza padera pedhorobha iri, nepadera pemaguta aro eshe, kushata kweshe kwendakaronza kweriri, ngokuti vakakonzisa mitsipa yavo, kuramba kuti vasazwa mazwi angu.”

Jer. 22:21

Ndakaereketa kwouri ngomukuwo wokubudirira kwako, asi iwewe wakati, “Andizopurutani.” Uyu ndiwo muitiro wako wokusikapurutana izwi rangu, kubvira muudoko hwako.

Jer. 25:3

“Ngokuti pagore remakumi mairi nematatu kubvira pagore regumi nematatu rokutonga kwaJosia mukororo waAmoni, mambo waJudha, metsa pazuva iri, izwi raMambo Mwari raiuya kwendiri, neni ndaindoriereketa kwomuri ngokusikareki, asi imwimwi amuzi kupurutana.

Jer. 25:7

Asi amuzi kundipurutana,” unoronza Mambo Mwari; “Ndizvo mwamusira ushungu hwangu ngemishando yenyara dzenyu yomunodziremadza ndiyo.

Jer. 26:5

nokupurutana kumazwi evaranda vangu vaprofeti, vendinotuma kwomuri ngokukasira, kunyazwi imwimwi amuzi kupurutana,

Jer. 29:19

ngokuti avazi kupurutana mazwi angu,’ unoronza Mambo Mwari, ‘Apo pendakaangira kutumira kwemuri varanda vangu vaprofeti, asi amuzi kupurutana,’ unoronza Mambo Mwari.

Jer. 3:13

Tendai kwega kushaisha kwenyu, kuti mwamukira Mambo Mwari, Mwari wenyu, kuti nemwi mwaparadzira rudo rwenyu pakati pevapara pashi pemiti yeshe yakasvipirika, amuzi kupurutana izwi rangu, unoronza Mambo Mwari.

Jer. 32:23

navo vakapotera, vakaigara nhaka. Asi avazi kupurutana izwi rako, nokuti kuteera mipango yako; pane zveshe zvewakavapanga kuti vaite apana nachimwe chevakaita. Ndizvo wakaita uku kushata kweshe kuti kuuye padera pavo.

Jer. 34:14

‘Reshe gore rechinomwe umwe ngaumwe wenyu unosisira kusunhura kunyazwi ngeuri muHebheru, uwo wakatengeswa kwomuri, naye akushandira makore matanhatu; unosisira kumusunhura kubva kumishando yako.’ Asi madzibaba enyu aazi kundipurutana nokuti kundizwa.

Jer. 35:15

Ndatumira kwomuri veshe varanda vangu vaprofeti, ndechiangira kuvatumira ndechiti, tenderukai zvino munhu weshe kubva kunjira yake yakashata, munasirise zviito zvenyu, murekere kuteera zvimwari zvimweni kuzvidira, nemwi zvino munozogara muiyi nyika yendakamupa, imwimwi nemadzibaba enyu.’ ” Asi amuzi kutenda kuzwa nokuti kundipurutana.

Jer. 35:17

“Ndizvo izvi zvinoronza Mambo Mwari, Mwari wehondo, Mwari waIsuraeri: Ringirai, ndinozounza padera paJudha, nepadera paavo veshe vagari veJerusarema kushata kweshe kwendakaronza kwevari; ngokuti ndakaereketa kwevari, navo avazi kupurutana, ndakadaidza kwevari, navo avazi kupingura.”

Jer. 44:16

“Ngendaa yeizwi iro rewaereketa kwetiri muzina raMambo Mwari, atizokupurutani.

Jer. 5:3

O Mambo Mwari, madziso ako aatsvaki gwinyiso here? Wavachaya, asi avazi kuzwa kurwadziwa; iwewe wavapedza, asi vakaramba kupangwa. Vakaita kuti hope dzavo dzikonze kupinda buwe; varamba kupetuka sure.

Jer. 6:10

“Ndingazoereketa nokunyowedza kunaani, kuti vangazwa? Ringira, nzee dzavo dzakatsiira, avakoni kupurutana. Izwi raMambo Mwari riri chitsverudzo kwevari; avadakari ndiro.

Jer. 6:17

Ndakamuemeserawo varindi padera penyu ndechiti, “Purutanai kurira kwegwama.” Asi vakati, “Atizopurutani.”

Jer. 7:24

Asi avazi kupurutana nokuti kukotamisa nzee dzavo, asi vakahamba mukuona kwemipinimidzo yemwoyo yavo yakashata, vakahwirira sure, avazi kuenda mberi.

Jer. 9:13

Mambo Mwari unoronza kuti, “Ngokuti vakasiya mipango yangu yendakavapa, avazi kupurutana izwi rangu; avazi kuhamba kudai ngokupanga kwangu.

Ezek. 12:2

“Mukororo womunhu, unogara pakati pemhatso inomukira, avo vanemadziso okuona, asi avaoni, vanenzee dzokuzwa, asi avazwi, ngokuti imhatso inomukira.

Ezek. 12:3

Ndizvo, mukororo womunhu, dzirongedzere nhunduru dzoubatwa, uende muubatwa masikati mukuona kwavo; unozoenda kudai ngomubatwa kubva kundau yako uende kundau imweni mukuona kwavo. Pamweni vangazozwisisa, kunyazwi imhatso inomukira.

Ezek. 20:30

Ndizvo ronza kumhatso yaIsuraeri kuti, ‘Izvi ndizvo zvinoronza Mambo Mwari, Mwari: Munozodzisvipisa kudai ngemiitiro yemadzibaba enyu here? Nokupauka kuteera zviro zvavo zvinonyangadza here?

Dha. 9:6

Atizi kupurutana kuvaranda vako vaprofeti, avo vakaereketa ngezina rako kumadzimambo edu, vatongi vedu, nemadzibaba edu, nokwevari vanhu veshe venyika.

Hos. 11:7

Vanhu vangu vanoemesa kuhwirira sure kubva kwendiri. Kune Uri-padera-pazveshe vanodaidza, asi aavamirudzi.

Zek. 7:11

“Asi vakaramba kupurutana, vakafuratira pfudzi risikapurutani, vakatsiira nzee dzavo, kuti vasazozwa.

Mar. 3:7

Kubvira kumazuva emadzibaba enyu mwakapauka kubva kuzviemeso zvangu, amuzi kuzvingwarira. Petukai kwendiri, neni ndinozopetuka kwomuri,” unoronza Mambo Mwari wehondo. “Asi munoti, ‘Toita mapetukirenyi?’

Mateu 21:38

Asi apo varimi vaona mukororo uwo, vakati pachavo, ‘Uyu ndiye unogara nhaka. Uyai ngatimuuraye, titore nhaka yake.’

Mateu 23:32

Zadzisai imwimwi chipimo chemadzibaba enyu.

Zvak. 7:51

“Imwimwi mune mitsipa yakakukutara, nevano mwoyo nenzee zvisikazi kuchekwa, munondogara mwechirwisana noMweya Wakachena; kudai ngezvevakaita madzibaba enyu, ndizvo zvomunoitawo imwimwi.

Varoma 2:5

Asi ngokukonza nokusikatenderuka kwomwoyo wako unodziunganidzira pachako ushungu pazuva roushungu, apo panozooniswa kutonga kwakarurama kwaMwari.

Dhuto. 8:20

Kudai ngemadzinza aakauraya Mambo Mwari kubva pamberi penyu, ngokudaro nemwi munozofa, ngokuti amuzi kuita vanopurutana kuizwi raMambo Mwari, Mwari wenyu.