Jer. 7:25 - Bhaibheri Rakachena muChindau

²⁵ Kubvira zuva revakabuda madzibaba enyu kubva munyika yeEgipite metsa nyamashi, ndakatumira ngokuangira varanda vangu veshe, vaprofeti, kwevari mazuva eshe;

Jer. 7:25 Iomraidhean Croise

2 MaKro. 24:19

Asi wakatuma vaprofeti pakati pavo, kuti vavapetudze kunaMambo Mwari; navo vakaita chapupu kwevari, asi avazi kupurutana.

2 MaKro. 36:15

Mambo Mwari, Mwari wemadzibaba avo, wakaangira kutumira izwi kwevari ngavaranda vake nguva dzeshe, ngokuti waiya nenyasha kuvanhu vake nendau yake yokugara.

Ezura 9:7

Kubvira kumazuva emadzibaba edu metsa nyamashi tanyanya kudzaka mukushaisha; ngendaa yezvinyangadzo zvedu isusu, madzimambo edu nevapristi vedu, takapirwa munyara dzemadzimambo enyika, koourawa ngeshoti, kuitwa hloko, kuchakatwa, nokutsverudzwa kudai ngezvezvakaita nyamashi.

Neh. 9:26

“Zvakanyadaro avazi kupurutana, vakakumukira, vakafuratira mishana yavo kumipango yako, vakauraya vaprofeti vako, avo vaivanyowedza, kuti vavatenderudzire kwouri, navo vakaita zvinyangadzo zvakakura.

Neh. 9:30

Makore mazhinji wakavaitira nyasha, ukavanyowedza ngoMweya wako kubudikidza ngevaprofeti vako; asi vakaramba kupurutana. Ndizvo wakavapira munyara dzevanhu venyika idzo.

Isa. 5:4

Chiinyi chendaisisira kuitirazve munda wangu wemivhini, chendisikazi kuita mukati mwawo? Ndizvo, apo ndakaringira kuti ubare mavhini, wakabara mavhini omushango ngenyi?

Jer. 11:7

Ngokuti ndakangwadza yaamho madzibaba enyu ngeiro zuva randakavabudisa kubva munyika yeEgipite, ndechivangwadza ngokuangira kunyazwi metsa nanyamashi ndechiti, ‘Purutanai izwi rangu.’

Jer. 25:3

“Ngokuti pagore remakumi mairi nematatu kubvira pagore regumi nematatu rokutonga kwaJosia mukororo waAmoni, mambo waJudha, metsa pazuva iri, izwi raMambo Mwari raiuya kwendiri, neni ndaindoriereketa kwomuri ngokusikareki, asi imwimwi amuzi kupurutana.

Jer. 25:4

Kunyazwi Mambo Mwari wakaangira kutumira varanda vake veshe vaprofeti, imwimwi amuzi kupurutana nokuti kuteya nzee dzenyu kuti muzwe

Jer. 29:19

ngokuti avazi kupurutana mazwi angu,’ unoronza Mambo Mwari, ‘Apo pendakaangira kutumira kwemuri varanda vangu vaprofeti, asi amuzi kupurutana,’ unoronza Mambo Mwari.

Jer. 35:14

‘Mupango wakazadzisika uwo Jonadhabhi mukororo waRekhabhi waakapanga kumibarirwana yake kuti vasamwa vhini; navo avazi kumwa narimwe metsa nyamashi, ngokuti vakapurutana mupango wababa avo. Asi inini pachangu ndakaangira kuereketa kwomuri, neimwimwi amuzi kupurutana kwendiri.

Jer. 35:15

Ndatumira kwomuri veshe varanda vangu vaprofeti, ndechiangira kuvatumira ndechiti, tenderukai zvino munhu weshe kubva kunjira yake yakashata, munasirise zviito zvenyu, murekere kuteera zvimwari zvimweni kuzvidira, nemwi zvino munozogara muiyi nyika yendakamupa, imwimwi nemadzibaba enyu.’ ” Asi amuzi kutenda kuzwa nokuti kundipurutana.

Jer. 44:4

Asi ndakaangira kumutumira varanda vangu veshe vaprofeti ndechiti, ‘Ndinomupota kuti musaita ichi chiro chinonyangadza chendinonyenya.’

Jer. 7:13

Zvino,” Mambo Mwari unoronza, “Ngokuti mwakaita izvi zviro zveshe, naapo pendakaereketa kwomuri ngokusikarekera, amuzi kundipurutana, naapo pendakamudaidza amuzi kupingura,

Ezek. 2:3

Wakati kwendiri, “Mukororo womunhu, ndinokutuma kuvanhu vaIsuraeri, kudzinza revamukiri, avo vandimukira; ivo nemadzibaba avo vakapauka kundimukira metsa nanyamashi uno.

Hos. 11:7

Vanhu vangu vanoemesa kuhwirira sure kubva kwendiri. Kune Uri-padera-pazveshe vanodaidza, asi aavamirudzi.

Hos. 12:10

Ndakaereketa kuvaprofeti, ndini ndakawanza zvioniso, nokubudikidza ngevaprofeti ndinozounza kuparadzwa.

Amo. 2:11

Ndakamirudza vamweni vevakororo venyu kuita vaprofeti, nevamweni vemajaha enyu kuita vaNaziriti. Andizvopi here, O vanhu vaIsuraeri? unoronza Mambo Mwari.

Mar. 3:7

Kubvira kumazuva emadzibaba enyu mwakapauka kubva kuzviemeso zvangu, amuzi kuzvingwarira. Petukai kwendiri, neni ndinozopetuka kwomuri,” unoronza Mambo Mwari wehondo. “Asi munoti, ‘Toita mapetukirenyi?’

Ruka 11:49

Ndizvozve ungwaru hwaMwari hwakati, ‘Ndinozotuma kwavari vaprofeti nevapostori, nevamweni vavo vanozovauraya nevamweni vavo vanozovatambudza,’

Dhuto. 9:7

Karakadzai, musakanganwa, njira yemwakatsenesa Mambo Mwari, Mwari wenyu, mushango; kubvira kuzuva remwakabuda ndiro kubva kunyika yeEgipite, metsa kuguma kuneiyi ndau, munondomukira Mambo Mwari.