Jer. 7:24 - Bhaibheri Rakachena muChindau

²⁴ Asi avazi kupurutana nokuti kukotamisa nzee dzavo, asi vakahamba mukuona kwemipinimidzo yemwoyo yavo yakashata, vakahwirira sure, avazi kuenda mberi.

Jer. 7:24 Iomraidhean Croise

Neh. 9:29

Newe wakavanyowedza kuitira kuti vapetuke kumipango yako. Asi ivo vakaita manyau vakadzikudza, avazi kupurutana mipango yako, asi vakashaisha ngokugura zvitongero zvako izvo zvinoita kuti munhu akazviita uchapona ndizvo. Vakafuratira makhadza avo akaoma, vakaomesa mitsipa yavo, vakaramba kupurutana.

Nduyo 81:13

A, kudai vanhu vangu vaizopurutana kwendiri, kudai Isuraeri aizohamba munjira dzangu!

Jer. 13:10

Ava vanhu vakashata vanoramba kuzwa mazwi angu, vanohamba ngemisikazwa mumipinimidzo yomwoyo yavo, vechiteera zvimwari zvimweni kuzvishandira nokuzvidira, ndivo vanozodai ngebhande iri risikachadetseri chiro.

Jer. 13:11

Ngokuti kudai ngebhande rinobatira pachiunu chomunhu, ngokudaro ndakaita kuti mhatso yeshe yaIsuraeri nemhatso yeshe yaJudha dzibatire kwendiri,’ unoronza Mambo Mwari, ‘kuti vaite vanhu vangu nokuita mbiri, kukudzwa, nokuirikidzwa. Asi avazi kupurutana.’

Jer. 15:6

Mambo Mwari wakati, “Iwewe wandirasha, uri kuhwirira sure; ndizvo ndatambanudza nyara yangu kwouri nokukuparadza; ndaremba ngokumukungurira.

Jer. 16:12

nendaa yokuti mwakaita kushata kukuru kwakapinda kwemadzibaba enyu; ngokuti, ringira, munohamba umwe ngaumwe, kuteera kukonza kwomwoyo wake wakashata, nokuramba kupurutana kwendiri.

Jer. 17:23

Asi avazi kupurutana, nokuti kukotamisa nzee dzavo, vakaomesa mitsipa yavo, kuti vasazwa, nokuti kuashira kudzidziswa.

Jer. 17:9

Mwoyo unochengedza kupinda zveshe, wakashata yaamho; ndiani ungauzia?

Jer. 18:10

asi kuti rechiita zvakashata mukuona kwangu, risikapurutani izwi rangu, zvino ndinozorekera kuita zvakanaka zvendakaemesa kuti ndiite kweriri.

Jer. 18:12

Asi vanoti, ‘Azvidetseri chiro! Isusu tinozoteera urongwa hwedu, nesu umwe ngaumwe wedu unozoita kudai ngokukonza kwomwoyo wake wakashata.’ ”

Jer. 2:27

vechiti kumuti, ndiwe baba angu, nokubuwe, ndiwe wakandibereka. Ngokuti vakandifuratira mishana yavo, haiwa hope dzavo. Asi ngomukuwo wokutambudzika kwavo vanoti, uya utiponese!

Jer. 22:21

Ndakaereketa kwouri ngomukuwo wokubudirira kwako, asi iwewe wakati, “Andizopurutani.” Uyu ndiwo muitiro wako wokusikapurutana izwi rangu, kubvira muudoko hwako.

Jer. 23:17

Vanoangira vechiti kwevari vanoshoora izwi raMambo Mwari, ‘Zvinozomunakira;’ vanoti kunoumwe ngaumwe unohamba mukukarakadza kwomwoyo wake wemene, ‘Apana chakashata chinozokugumira.’

Jer. 3:13

Tendai kwega kushaisha kwenyu, kuti mwamukira Mambo Mwari, Mwari wenyu, kuti nemwi mwaparadzira rudo rwenyu pakati pevapara pashi pemiti yeshe yakasvipirika, amuzi kupurutana izwi rangu, unoronza Mambo Mwari.

Jer. 3:17

Ngouwo mukuwo vanozodudza Jerusarema kuti, ‘Dendemaro raMambo Mwari’ nemadzinza eshe anozounganidzwa kweriri, mukuapo kwaMambo Mwari muJerusarema; avachazohambi kuteera mikarakadzo yomwoyo yavo yakashata.

Jer. 32:23

navo vakapotera, vakaigara nhaka. Asi avazi kupurutana izwi rako, nokuti kuteera mipango yako; pane zveshe zvewakavapanga kuti vaite apana nachimwe chevakaita. Ndizvo wakaita uku kushata kweshe kuti kuuye padera pavo.

Jer. 32:33

Vakandifuratira, avazi kundiringira; kunyazwi ndakaangira kuvadzidzisa, asi avazi kupurutana nokuashira kudzidziswa.

Jer. 35:15

Ndatumira kwomuri veshe varanda vangu vaprofeti, ndechiangira kuvatumira ndechiti, tenderukai zvino munhu weshe kubva kunjira yake yakashata, munasirise zviito zvenyu, murekere kuteera zvimwari zvimweni kuzvidira, nemwi zvino munozogara muiyi nyika yendakamupa, imwimwi nemadzibaba enyu.’ ” Asi amuzi kutenda kuzwa nokuti kundipurutana.

Jer. 6:16

Izvi ndizvo zvinoronza Mambo Mwari, “Emai pamhararano penjira, muringire, mubvunzise ngenjira dzekare, paiya nenjira yakanaka, muhambe mweiri, nemwi muone zororo kumweya yenyu.” Asi vakati, “Atizohambi mweiri.”

Jer. 7:26

asi avazi kupurutana nokuti kukotamisa nzee kwendiri, asi vakakonzisa mitsipa yavo. Vakaita zvakashata kupinda madzibaba avo.

Jer. 8:5

Zvino ngenyi ava vanhu veJerusarema vechihwirira sure mikuwo yeshe? Vanobatisisa kuchengedzera, vanoramba kupetuka.

Jer. 9:14

Asi vakateera kukonza kwomwoyo yavo; vakateera vanaBhaari, izvo zvevakadzidziswa ngemadzibaba avo.”

Ezek. 20:13

Asi mhatso yaIsuraeri yakamukira kurwa neni mushango; avazi kuhamba muzviemeso zvangu, asi vakaramba zvitongero zvangu, izvi kudai munhu echizviita, unozopona ndizvo; nemaSabatha angu vakaasvipisa kakurutu. Zvino ndakapinimidza kuti ndaizodurura ushungu hwangu padera pavo mushango, kuti ndivapedze.

Ezek. 20:16

ngokuti vakaramba zvitongero zvangu, vasikazi kuhamba ngezviemeso zvangu, vakasvipisa maSabatha angu; ngokuti mwoyo yavo yakateera miedzaniso yavo yokudira.

Ezek. 20:21

Asi vana vakamukira kurwa neni; avazi kuteera muzviemeso zvangu, navo avazi kunasa kungwarira zvitongero zvangu, kudai munhu echizviita, unozopona ndizvo; vakasvipisa maSabatha angu. Zvino ndakapinimidza kuti ndaizodurura ushungu hwangu padera pavo, kurwa navo kuti ndipedze ushungu hwangu kwevari mushango.

Ezek. 20:8

Asi vakamukira kurwa neni, nokusikapurutana kwendiri; haiwa naumwe wavo wakarasha zvinyangadzo zvinodakadza madziso ake, nokuti kurekera miedzaniso yokudira yeEgipite. Zvino ndakapinimidza kuti ndaizodurura ushungu hwangu padera pavo, kuti ndipedze ushungu hwangu kwevari mukati mwenyika yeEgipite.

Dha. 9:6

Atizi kupurutana kuvaranda vako vaprofeti, avo vakaereketa ngezina rako kumadzimambo edu, vatongi vedu, nemadzibaba edu, nokwevari vanhu veshe venyika.

Hos. 10:6

Rinozotorwa kuenda Asiria, kuita chipo chamambo mukuru. Efuremu uchaiswa muchitsverudzo, naIsuraeri unozotsverudzwa ngomupangi wake.

Hos. 4:16

Kudai ngetsiru risikazwi, Isuraeri aazwi; zvino Mambo Mwari ungavausha kudai ngekakwai kumafuro akapamhama here?

Mik. 6:16

Ngokuti wakangwarira zviemeso zvaOmuri, nemishando yeshe yemhatso yaAhabhi, newe wateera mipango yavo. Ndizvo ndinozokuita matongo, nevagari vemwo kuti vaite vashoorwi; ndizvo unozotwara chimene chevanhu vangu.”

Zek. 7:11

“Asi vakaramba kupurutana, vakafuratira pfudzi risikapurutani, vakatsiira nzee dzavo, kuti vasazozwa.

Dhuto. 29:19

Avo veshe vanozwa aya mazwi emhiko iyi, vechidzifumisa pachavo, vechipinimidza mumwoyo yavo, “Takangwaririka kunyazwi techihamba munjira dzedu dzemisikanzwa” (ndizvo vechiunza madambudziko panezveshe zvakaoma nezvakapfaa.)