Jer. 7:23 - Bhaibheri Rakachena muChindau

²³ Asi mupango uyu ndakavapanga ndechiti, ‘Purutanai izwi rangu, neni ndinozoita Mwari wenyu, nemwi munozoita vanhu vangu; muhambe kwega munjira yendinomupanga ndiyo, kuti zvimunakire.’

Jer. 7:23 Iomraidhean Croise

Jobe 36:11

Kudai vechipurutana nokumushandira, vanozopedza mazuva avo mukubudirira, nemakore avo muzvifumiso.

Nduyo 119:3

avo vasikaitiwo chiro chisina kururama, asi vanohamba munjira dzake.

Nduyo 40:6

Mubairo nomudiro audakari ndizvo; asi wabeura nzee dzangu. Mudiro wokupisha nomudiro wokushaisha auzi kuzvibvunza.

Nduyo 81:13

A, kudai vanhu vangu vaizopurutana kwendiri, kudai Isuraeri aizohamba munjira dzangu!

EKISEDHUSI 15:26

echiti, “Kudai mwechizogwinyisira kupurutana izwi raMambo Mwari, Mwari wenyu, nokuita izvo zvakarurama mukuona kwake, mwechipurutana mipango yake nokungwarira zviemeso zvake zveshe, andizoisi naimwe yeidzi nhenda padera penyu, dzendakaisa padera pevaEgipite; ngokuti ndini Mambo Mwari uwo unomuponesa.”

EKISEDHUSI 16:32

Mosi wakati, “Ichi ndicho chaakapanga Mambo Mwari: ‘Chipimo cheoma chakazara ndicho ngachingwaririrwe mibarirwana yenyu, kuitira kuti vaone chingwa chendakamupa kuti mudye muri mushango, apo pendakamubudisa kubva munyika yeEgipite.’ ”

Isa. 3:10

Ronzai kunevakarurama, kuti zvinozovanakira, ngokuti vanozodya michero yezviito zvavo.

Jer. 11:4

ichi chendakapanga madzibaba enyu ngeiro zuva rendakavabudisa kubva munyika yeEgipite, kubva muchoto chesimbi ndechiti, ‘Purutanai izwi rangu nokuita kudai ndizvo zveshe zvandakamupanga. Ndizvo munozoita vanhu vangu, neni ndinozoita Mwari wenyu,

Jer. 11:7

Ngokuti ndakangwadza yaamho madzibaba enyu ngeiro zuva randakavabudisa kubva munyika yeEgipite, ndechivangwadza ngokuangira kunyazwi metsa nanyamashi ndechiti, ‘Purutanai izwi rangu.’

Jer. 13:11

Ngokuti kudai ngebhande rinobatira pachiunu chomunhu, ngokudaro ndakaita kuti mhatso yeshe yaIsuraeri nemhatso yeshe yaJudha dzibatire kwendiri,’ unoronza Mambo Mwari, ‘kuti vaite vanhu vangu nokuita mbiri, kukudzwa, nokuirikidzwa. Asi avazi kupurutana.’

Jer. 22:21

Ndakaereketa kwouri ngomukuwo wokubudirira kwako, asi iwewe wakati, “Andizopurutani.” Uyu ndiwo muitiro wako wokusikapurutana izwi rangu, kubvira muudoko hwako.

Jer. 22:3

Izvi ndizvo zvinoronza Mambo Mwari: Tongai kutonga kwakanaka, muite zvakarurama, musunhure kubva munyara yomutambudzi weshe wakabirwa. Musaita zvakashata, musaremadza mupara, nherera, nokuti shirikadzi, nokuti kuparadza ngazi isina ndaa mundau iyi.

Jer. 24:7

Ndinozovapa mwoyo wokundizia, kuti ndini Mambo Mwari; navo vanozoita vanhu vangu, neni ndinozoita Mwari wavo, ngokuti vanozopetuka kwendiri ngomwoyo wavo weshe.

Jer. 31:33

“Asi ichi ndicho chitenderano chendinozoita nemhatso yaIsuraeri, ngesure kweawo mazuva, unoronza Mambo Mwari; ‘Ndinozoisa mupango wangu mukati mwavo, nokuunyora mumwoyo mwavo; neni ndinozoita Mwari wavo, navo vanozoita vanhu vangu.’

Jer. 32:23

navo vakapotera, vakaigara nhaka. Asi avazi kupurutana izwi rako, nokuti kuteera mipango yako; pane zveshe zvewakavapanga kuti vaite apana nachimwe chevakaita. Ndizvo wakaita uku kushata kweshe kuti kuuye padera pavo.

Jer. 38:20

Jeremia wakati, “Izvo azvizoitiki. Purutana izwi raMambo Mwari muneizvo zvendinokuronzera, nazvo zvinozokunakira, newe unozopona.

Jer. 42:6

Kunyazwi zvakanaka nokuti zvakashata, tinozopurutana izwi raMambo Mwari, Mwari wedu, uwo wetinokutuma kwaari, kuti zvitinakire, apo petinozopurutana izwi raMambo Mwari, Mwari wedu.”

Zef. 3:2

Arizi kupurutana kuizwi; arizi kuashira kupangwa. Arizi kugonda munaMambo Mwari; arizi kukwedzera pasinde naMwari waro.

Zek. 6:15

Naavo vari kuretu vanozouya nokudetsera kuaka temperi raMambo Mwari, nemwi munozozia kuti Mambo Mwari wehondo wandituma kwomuri. Izvi zvinozoitika, kudai mwechigwinyisira kupurutana izwi raMambo Mwari wenyu.

Zek. 7:7

“Awo andiwopi mazwi aakadaidzira Mambo Mwari ngevaprofeti vokutanga, apo Jerusarema richine vanhu nouthende, pamwepo nemadhorobha aro akaritendenedza, naapo vanhu vachakagara mubani nemarutii emitunhu here?”

Varoma 16:26

asi zvino chaoniswa kubudikidza ngezvinyorwa zvevaprofeti kumadzinza eshe, kudai ngomupango waMwari wemhera nariini, kuitira kuti apurutane nokugonda;

2 VaK. 10:5

kuputsa mikarakadzo nezviro zveshe zvakaturama zvinomuswa kurwisana nokuzia Mwari, nokuunza mipinimidzo yeshe muuranda hwokupurutana Kristu.

Dhuto. 11:27

Chidakadziso chinozoa kwomuri kudai mwechipurutana mipango yaMambo Mwari, Mwari wenyu, yendinomupanga nyamashi;

Dhuto. 13:4

Munozoteera Mambo Mwari, Mwari wenyu, mumutye, nokungwarira zvironzo zvake, mupurutane izwi rake, munozomushandira munamatire kwaari.

Dhuto. 13:5

Nouwo muprofeti, nokuti muroti wehope, unozourawa; ngokuti wakaereketa kuti amupaukise kubva kunaMambo Mwari, Mwari wenyu, uwo wakamubudisa kubva kunyika yeEgipite, nokumuripira kubva kumhatso youhloko, kumupaukisa kubva munjira yaakamupanga Mambo Mwari, Mwari wenyu kuti muhambe ndiyo. Ngokudaro muzomudusa kushata kubva pakati penyu.

Dhuto. 30:2

tenderukirai kunaMambo Mwari, Mwari wenyu, nokupurutana izwi rake kudai ndizvo zveshe zvendinomupanga ngezuva ranyamashi, imwimwi nevana venyu, ngomwoyo yenyu yeshe, nomweya yenyu yeshe.

Dhuto. 30:20

mumude Mambo Mwari, Mwari wenyu, mupurutane izwi rake, munamatire kwaari; ngokuti zvinoronza kupona kwenyu, nouwandu hwemazuva enyu, kuti mugare munyika yaakapika Mambo Mwari kupa kunemadzibaba enyu, kunaAbrahama, Isaka, nokunaJakobe.

Dhuto. 30:8

Zvino munozopetuka nokupurutana izwi raMambo Mwari, nokuita yeshe mipango yake yendinomupanga nyamashi.

Dhuto. 4:10

kakurutu zuva iro remwakaema ndiro pamberi paMambo Mwari, Mwari wenyu, muHorebhi, apo Mambo Mwari wakati kwendiri, “Ndiunganidzire vanhu pamwepo, ndinozoita kuti vazwe mazwi angu, vadzidze kunditya mazuva eshe okupona kwavo munyika, zve, kuti vadzidzise kuvana vavo.”

Dhuto. 4:40

Ndizvo munozongwarira zviemeso zvake nemipango yake, zvendakamupanga nyamashi, kuti zvinake kwomuri nevana venyu veshe vanozoteera sure kwenyu, kuti muzowanza mazuva okupona kwenyu munyika, yaanomupa Mambo Mwari, Mwari wenyu, mhera nariini.

Dhuto. 5:16

“Remeredza baba ako namai ako, kudai ngezvaakapanga Mambo Mwari, Mwari wako, kuti mazuva ako awanzwe, zve, kuti zvinake kwouri munyika yaanopa kwouri Mambo Mwari, Mwari wako.

Dhuto. 5:29

A kudai kungaapo mukati mwavo mwoyo wokunditya, nokungwarira mukuwo weshe mipango yangu yeshe, kuti zvinake kwavari, nokuvana vavo kunoti mhera nariini!

Dhuto. 5:33

Munozohamba ngenjira dzeshe dzaakamupanga Mambo Mwari, Mwari wenyu, kuti mupone, kuti zvinake kwomuri, kuti muwanzwe mazuva enyu muri munyika yomunozogara nhaka yayo.

Dhuto. 6:3

Ndizvo izwai, imwimwi vaIsuraeri, mungwarire kuzviita kuti zvinake kwomuri, kuti muwanziswe kakurutu, kudai ngezvaakamugondisa Mambo Mwari, Mwari wemadzibaba enyu, munyika inoerera mukaka nouchi.

Vahebheru 5:9

naapo aitwa wakaperera, wakaita muambi wokuponeswa kusikaperi kwavari veshe vanomupurutana,

1 Sam. 15:22

NaSamueri wakati, “Mambo Mwari unokudakara kumidiro yokupisha, nemidiro kupinda kupurutana izwi raMambo Mwari here? Ngegwinyiso kupurutana kwakapinda kunaka kunemidiro, nokupurutana, kunemafuta emagondohwe.