Jer. 7:20 - Bhaibheri Rakachena muChindau

²⁰ Ndizvo izvi zvinoronza Mambo Mwari, Mwari kuti, “Ringirirai, kunyangadzwa kwangu noushungu hwangu zvinozodururwa padera peiyi ndau, padera pevanhu nepadera pemhuka, padera pemiti yomushango napadera pemichero yemavhu; hunozobaka, auzodzimwi.”

Jer. 7:20 Iomraidhean Croise

2 Madzi. 22:17

Ngokuti vandisiya, vapisha mitombo inegwema rakanaka kunezvimwari zvimweni, ndizvo vandimusira ushungu ngemishando yenyara dzavo; ndizvo ushungu hwangu hunozobaka kuneiyi ndau, auzodzimwi.’

Isa. 10:17

Kujeka kwaIsuraeri kunozoita muriro, noWakachena wake unozoita murazvu; unozobaka nokupedza minzwa nemakato ake ngezuva rimwe.

Isa. 42:25

Ndizvo wakadurura padera pake kupisha kwoushungu hwokutseneka kwake, nokutyisa kwehondo; zvakamuisa mumuriro unobaka kumarutii eshe, asi aazi kuzwisisa; nawo wakamupisha, asi aazi kuzviisa mumwoyo mwake.

Isa. 66:24

“Navo vanozobuda kuringira padera pemiiri yevanhu vakafa, avo vakandimukira; ngokuti honye yavo aizofi, nomuriro wavo auzodzimwi; navo vanozoita chinyangadzo kuvanhu veshe.”

Jer. 11:16

Mambo Mwari wakakudaidza kuti muorivhi wakasvipira, wakanaka, noune michero yakanaka; asi ngokutinhira kukurutu kwechimupupuri unozobasa muriro padera pawo, nematai awo anozopedzwa.

Jer. 12:4

Nyika inozobonda mukuwo wakadini nezvinokura zvakasvipira zvemarubaya zveshe zvinozofota mukuwo wakadini? Ngendaa yokushata kweavo vanogaremwo mhuka neshiri zvapedzwa, ngokuti vanoti, ‘Aazooni magumo edu.’

Jer. 14:16

Nevanhu vevanoprofetera kwevari vanozokandirwa mumapato eJerusarema ngendaa yenzara neshoti. Akuzoapo naumwe kuvatsira, ivo pachavo, vakadzi vavo, vakororo vavo, nevanasikana vavo. Ngokuti ndinozodururira padera pavo kushata kwavo.”

Jer. 17:27

Asi kuti musikapurutani kwendiri, musikaremeredzi zuva reSabatha rakachena nokusikatwara mutwaro mwechipinda ngepamisiwo yeJerusarema ngezuva reSabatha, zvino ndinozobasa muriro pamisiwo yaro, nawo unozopedza ngome dzeJerusarema usikazodzimwi.’ ”

Jer. 17:4

Ngendaa yokuita kwako unozotorerwa nhaka yako yendakakupa; ndinozoita kuti ushandire magaa ako munyika yousikazii; ngokuti muushungu hwangu wakabaka muriro uwo unozobaka mhera nariini.

Jer. 18:23

Asi iwewe, O Mambo Mwari, unozia bangano ravo reshe rokuda kundiuraya. Usakungurira kushata kwavo, usadzima zvishaishi zvavo kubva kuhope yako. Ngavarigwe pashi pamberi pako; ita izvi kwevari ngomukuwo wokunyangadzwa kwako.”

Jer. 21:12

O mhatso yaDhavhidha. Izvi ndizvo zvinoronza Mambo Mwari: Tongai kutonga kwakanaka mangwanani, mumusunhure kubva kunyara yomutambudzi weshe wakabirwa, kuti ushungu hwangu husabuda kudai ngomuriro nokupisha, pasina naumwe ungaudzima, ngendaa yokushata kwezviito zvenyu.

Jer. 42:18

“Ngokuti izvi ndizvo zvinoronza Mambo Mwari wehondo, Mwari waIsuraeri: ‘Kudai ngokutseneka kwangu noushungu hwangu zvakadururwa padera pevagari veJerusarema, ndizvo ushungu hwangu hunozodururwa padera penyu, apo pomunozoenda Egipite. Munozoita chiro chakadai ngemahundi nechishamiso, nokuita vakatukwa nevanoshoorwa. Amuchazoonizve ndau iyi.’ ”

Jer. 44:6

Ndizvo ushungu hwangu nokunyangadzwa kwangu zvakadururwa, zvikabaka mumadhorobha aJudha nomumapato eJerusarema; nawo akaparadzwa akaita matongo, kudai ngezvaakaita nyamashi.

Jer. 6:11

Asi ndakazara ngoushungu hwaMambo Mwari; ndaremba ngokunyararira.” “Udurure padera pevana vari mumapato omudhorobha, nepadera pembungano yemajaha, ari pamwepo; veshe mwamuna nomukadzi vanozotorwa, musharuka pamwepo neharahwa.

Jer. 6:12

Mhatso dzavo dzinozopuwa kunevamweni, minda yavo nevakadzi vavo pamwepo; ngokuti ndinozotambanudza nyara yangu padera pevanogara munyika,” unoronza Mambo Mwari.

Jer. 8:13

“Naapo ndechida kuvaunganidza pamwepo,” unoronza Mambo Mwari: “Akuzoapo mavhini pamuvhini, nokuti maonde pamuonde, shakani rinozofota; neizvo zvendakavapa zvinozoparara kubva kwevari.”

Chi. 4:11

Mambo Mwari wakapedza mushando woushungu hwake; wakadurura ushungu hwake hunotyisa, akabasira muriro muZioni, uwo wakapedza matsikiro aro.

Ezek. 22:22

Kudai ngesirivha inonyunguruka mukati mwechoto, ngokudaro imwimwi munozonyunguruswa mukati mwacho; nemwi munozozia kuti inini Mambo Mwari ndadurura ushungu hwangu padera penyu.’ ”

Ezek. 7:12

Nguva yaguma, zuva rinokwedzera pasinde; musatendera kuti mutengi adakare, nokuti mutengesi acheme, ngokuti ushungu huri padera pembungano yavo yeshe.

Ezek. 7:14

Varidza gwama nokunasirira zveshe; asi akuna naumwe wavo unobuda kuenda kwoorwa, ngokuti ushungu hwangu huri padera pembungano yavo yeshe.

Dha. 9:11

VaIsuraeri veshe vakagura mupango wako, ngokupauka, vakaramba kuti vasazopurutana izwi rako. Ndizvo chituko chakadururwa padera pedu, nokupika ukwo kwakanyorwa mumipango yaMosi, muranda waMwari, ngokuti takamushaishira.

Revhi 26:28

ndinozotsvatsvanazve nemwi ngoushungu; ndinozomurova kanomwe kakahwirinzirwa ngendaa yezvishaishi zvenyu.

Nah. 1:6

Ndiani ungakona kuema pamberi poushungu hwake? Ndiani ungakona kugara mukupisha kwoushungu hwake? Ushungu hwake hunodururwa kudai ngomuriro, nokubudikidza ndiye mapuwe anopwanyika kuita zvigurwa.

Zef. 1:2

“Ndinozotsvaira yaamho zveshe kubva pahope yenyika,” unoronza Mambo Mwari.

Zef. 1:3

“Ndinozotsvaira kupedza vanhu nezvikara; ndinozotsvaira kupedza shiri dzomudenga nehove dzomuruandhle. Ndinozoita kuti vakashata vapumhunwe; ndinozogura vanhu kubva kuhope yenyika,” unoronza Mambo Mwari.

Zek. 7:12

Vakaita kuti mwoyo yavo ikonze kudai ngebuwe readhimanti, kuitira kuti vasazozwa mitemo, namazwi aakatuma Mambo Mwari wehondo ngoMweya wake ngevaprofeti vokutanga. Ndizvo ushungu hukuru hwakauya hwechibva kunaMambo Mwari wehondo.

Mar. 4:1

“Ringira, zuva rinouya, rechibaka kudai ngechoto, navo veshe vanodzikudza, veshe vaiti vezvakashata, vanozoita mazungu; zuva rinouya rinozovapisha,” unoronza Mambo Mwari wehondo, “Kuti arizovasiiri runzinde nokuti nhai.

Mateu 3:12

Uwo rutsero rwake ruri munyara yake, naye unozonasa kutsvaira mbuwa yake nokuunganidza koroni yake mudura, asi unozopisha makoto ngomwoto usikadzimi.”

Chakapangijihwa 14:10

iye unozomwa vhini roushungu hwaMwari, rinodururwa risikazi kubvengedzwa mutsani youshungu hwake, naye unozotambudzwa ngomuriro nesurufa pamberi pengirosi dzakachena nepamberi peGwai.