Jer. 7:18 - Bhaibheri Rakachena muChindau

¹⁸ Vana vanotheza huni, madzibaba anobasa muriro nevakadzi vanokanya hlama kuita zvingwa kunavahosi vomudenga; navo vanodurura midiro yokumwa kunezvimwari zvimweni, kumusa ushungu hwangu.

Jer. 7:18 Iomraidhean Croise

1 Madzi. 14:9

Asi iwewe wakaita zvakashata kupinda avo veshe vakatanga pamberi pako, newe wakaenda ukadziitira zvimwari zvimweni, nemiedzaniso yakanyunguruswa, kundimusa kuti nditseneke, newe wakandirasha sure kwomushana wako.

1 Madzi. 16:2

“Ngokuti ndakakumirudza kubva kubukuta, ndikakuita mutungamiriri padera pevanhu vangu Isuraeri; newe wakahamba ngenjira dzaJerobhoamu, newe wakaita kuti vanhu vangu Isuraeri vashaishe, vakamusa ushungu hwangu ngezvishaishi zvavo,

Nduyo 16:4

Avo vanotsara mwari umweni vanowandisa madambudziko avo. Midiro yavo yokumwa yengazi andizoidururi, nokuti kuronza mazina avo ngemiromo yangu.

Isa. 3:8

Ngokuti Jerusarema rapumhunwa, Judha rawa, ngokuti kuereketa kwavo nezviito zvavo zvinorwisana naMambo Mwari, zvechiphikisana nouthende hwokuwapo kwake.

Isa. 57:6

Chikoaniswa chenyu chiri pakati pemapuwe akaserera omubani; awo, awo, ndiwo chikoaniswa chenyu; kwaari mwadurura midiro yenyu yokumwa, mwaunza mudiro wezviyo. Ndingaashira kuembedzerwa ngeizvi here?

Isa. 65:11

Asi imwimwi munosiya Mambo Mwari, munoriyarwa mutunhu wangu wakachena, munonasirira matafura kuti muuyirwe, nokuzadza tsani ngevhini rakabvengedzerwa magumo;

Isa. 65:3

vanhu vanondiambira pamberi pehope yangu mikuwo yeshe kuti nditseneke; vanopira mudiro muminda, nokupisha mutombo unegwema rakanaka padera pemaarita ezvidhina;

Jer. 1:16

Ndinozoronza kutonga kwangu kwevari ngendaa yokushata kwavo kweshe, avo vakandisiya, vakapisha mutombo unegwema rakanaka pamberi pezvimwari zvimweni, nokudira mishando yenyara dzavo.

Jer. 11:17

Mambo Mwari wehondo, uwo wakakusima, wakaronza zvakashata ndiwe, ngendaa yokushaisha kwemhatso yaIsuraeri neyaJudha kwevakaita, vakamusa ushungu hwangu ngokupisha mutombo kunaBhaari.”

Jer. 17:2

naapo vana vavo vechikarakadza ngemaarita avo nesika dzavo dzokudira dziri pasinde pemiti yakasvipira iri padera pezvimitunhu zvakareba,

Jer. 19:13

Mhatso dzeJerusarema nemhatso dzemadzimambo aJudha dzinozosvipiswa, kudai ngendau yeThofethi, mhatso dzeshe dzevakapishira padera padzo mutombo kuhondo dzeshe dzomudenga, vakadurura midiro yavo yokumwa kunezvimwari zvimweni.’ ”

Jer. 25:7

Asi amuzi kundipurutana,” unoronza Mambo Mwari; “Ndizvo mwamusira ushungu hwangu ngemishando yenyara dzenyu yomunodziremadza ndiyo.

Jer. 32:29

VaKharadhea vanorwa nedhorobha iri vanozouya, vabase muriro padera paro nokuripisha, nemhatso idzo dzevakapishira mutombo unegwema padera pamatenga adzo kunaBhaari, vakadurura midiro yokumwa kunezvimwari zvimweni kunditsenesa.

Jer. 44:25

Izvi ndizvo zvinoronza Mambo Mwari wehondo, Mwari waIsuraeri: Imwimwi nevakadzi venyu mwapedzera mukuita izvo zvemwakaereketa mumazwi mwechiti, ‘Ngegwinyiso tinozozarisa mhiko dzedu dzetakapika, kupisha mutombo unegwema kunavahosi vomudenga nokudurura midiro yokumwa kwevari. Ngepomunokona peshe zarisai mhiko dzenyu, mudurure mudiro wokumwa.’

Jer. 44:4

Asi ndakaangira kumutumira varanda vangu veshe vaprofeti ndechiti, ‘Ndinomupota kuti musaita ichi chiro chinonyangadza chendinonyenya.’

Jer. 7:17

Auoni here izvo zvevanoita mumadhorobha aJudha nomumapato eJerusarema?

Chi. 5:13

Majaha anoangiridzwa kuti akuye, varumbwana vanothethereka nehuni.

Ezek. 16:26

Wakaita uhure nevaEgipite, kuemura kwenyama kwevaakirwana vako, ukawanzisa uhure hwako, kundimusira ushungu.

Ezek. 20:28

Ngokuti apo ndaiya ndavaunza munyika, yendakapika kuti ndiipe kwevari, zvino kunyazwi ngepari pevakaona zvimitunhu zvakakwirira nemimbiti yeshe yakatsikana mashakani, vakapira mibairo yavopo, vakapira midiro yavo yokundinyangadza; naapozve vakapisha mitombo yavo inegwema rakanaka, vakadururapo midiro yavo yokumwa.

Ezek. 8:16

Naye wakandiunza muruwanze rwomukati rwemhatso yaMambo Mwari; ringira, pamusiwo wemhatso yaMambo Mwari, apo pokupinda ndipo mutemperi raMambo Mwari, pakati peberere nearita, vaiyapo vamuna vaida kukwana makumi mairi navashanu, nemishana yavo yakafuratira temperi raMambo Mwari, nehope dzavo dzairingira kumabvazuva, vaiata pashi kudira zuva, vechiringira kumabvazuva.

Ezek. 8:17

Zvino iye wakati kwendiri, “Waona izvi here, O mukororo womunhu? Chiro chakareruka here kunevemhatso yaJudha kuti vaite izvi zvinonyangadza zvevanoita pano? Vanosisira here kuzadza nyika ngougebengwa, nokuangira kumusa ushungu hwangu? Ringira, vanoisa dai kumiro dzavo.

1 VaK. 10:22

Nokuti isusu tinoda kumusa ndurumwa yaMambo here? Isusu takagwinya kumupinda here?

Dhuto. 32:16

Vakamumusira ndurumwa ngendaa yezvimwari zvipara, nezvinyangadzo zvevakamunyangadza ndizvo.

Dhuto. 32:21

Vanondimusira ndurumwa ngeicho chisiri mwari akadi; vanondimusira ushungu ngezvimiedzaniso zvavo. Neni ndinozovamusira ndurumwa ngeavo vasiri vanhu; ndinozovamusira ushungu ngedzinza rinoupenzi.

Dhuto. 4:19

Naapo mwomirudza madziso enyu mudenga nokuona zuva, mwedzi, nyeredzi, hondo yeshe yomudenga, musazopauswa nokugwadama kuidira nokuishandira, zviro zvaakapa Mwari kumadzinza eshe ari pashi pomudenga.