Jer. 7:14 - Bhaibheri Rakachena muChindau

¹⁴ ndizvo ndinozoita kuiyi mhatso inodudzwa ngezina rangu, yomunogonda ndiyo, ndau yendakapa kwemuri nokumadzibaba enyu, kudai ngezvendakaita kuneShiro.

Jer. 7:14 Iomraidhean Croise

2 Madzi. 25:9

Wakapisha mhatso yaMambo Mwari, mhatso yamambo, nemhatso dzeshe dzeJerusarema, mhatso huru dzeshe, wakadzipisha ngomuriro.

2 MaKro. 7:21

Ngendaa yeiyi mhatso zvino inoremeredzwa kakurutu, inozoita chishamiso kuneavo veshe vanopinda ngepeiri; ndizvo umwe ngaumwe waavo unozoti, ‘Ngenyi Mambo Mwari akaita ichi chiro kuneiyi nyika nokuneiyi mhatso?’

Nduyo 78:60

Wakasiya ugaro hwake paShiro, tende iro raaigara pakati pevanhu,

Isa. 64:11

Mhatso yedu yakachena yakanaka, apo pevakakuirikidza madzibaba edu, yapishwa ngomuriro, nendau dzedu dzeshe dzinodakadza dzaita matongo.

Jer. 12:7

Ndasiya mhatso yangu, ndarasha nhaka yangu; ndakapa mudikani womwoyo wangu munyara dzemagaa ake.

Jer. 23:39

ndizvo, ringira, inini ndemene ndinozomuriyarwa yaamho, ndinozomurasha kubva mukuona kwangu, imwimwi nedhorobha, rendakamupa nemadzibaba enyu.

Jer. 26:18

“Mikha weMoreshethi wakaprofeta ngamazuva aHezekia mambo waJudha, akati kuvanhu veshe vaJudha, ‘Izvi ndizvo zvinoronzaMambo Mwari wehondo: Zioni rinozorimwa kudai ngomunda, neJerusarema rinozoita mirwi yematongo, nomutunhu wemhatso unozodai ngendau dzakakwirira dzegwasha.’

Jer. 26:4

Unozoti kwevari, ‘Izvi ndizvo zvinoronza Mambo Mwari: Kudai musikazopurutani kwendiri, nokuhamba mumipango yangu yendakaisa pamberi penyu,

Jer. 7:10

nazvino munouya kooema pamberi pangu mumhatso iyi inodudzwa ngezina rangu mwechiti, ‘Takasunhurika’ kuti tiite izvi zveshe zvinonyangadza here?

Jer. 7:12

“Endai zvino kundau yangu yaiya muShiro, apo pendakaemesa zina rangu kuti rigare pakutanga, muone zvendakaita kweiri ngendaa yokushata kwevanhu vangu Isuraeri.

Jer. 7:4

Musagonda aya mazwi okunyepa, anoti, ‘Iri ndiro temperi raMambo Mwari, temperi raMambo Mwari, temperi raMambo Mwari.’

Chi. 2:7

Mambo Mwari waramba arita rake, akanyenya ndau yake yakachena; wapira munyara dzemagaa marukumbati engome dzaro; vaita bope mumhatso yaMambo Mwari, kudai ngezuva redhiri rakaemeswa.

Chi. 4:1

Zvaita zvokudini kuti mukore usajeka! Zvaita zvokudini kuti mukore wakaera utsandudzwe! Mapuwe akacheneswa adururwa dera kwemapato eshe.

Ezek. 23:31

Wahamba munjira yataita ako; ndizvo ndinozopa tsani yake munyara yako.”

Ezek. 24:21

‘Ereketa kunemhatso yaIsuraeri, izvi ndizvo zvinoronza Mambo Mwari, Mwari: Ringira, ndinozosvipisa ugaro hwangu hwakachena, kudzikudza kwesimba renyu, chidakadziso chemadziso enyu, nechidisiso chomweya yenyu; vakororo venyu nevanasikana venyu vemwakasiya sure vanozourawa ngeshoti.

Dhuto. 12:5

Asi kundau yaanozotsanangura Mambo Mwari, Mwari wenyu kubva mukati mwemadzinza enyu eshe kuti aise zina rake apo, munozotsvaka ugaro hwake, munozoendayo.

Dhuto. 28:52

Rinozomukomba mumadhorobha enyu eshe, metsa marukumbati enyu akareba akashosherwa, anemagondero enyu, awa pashi mukati mwenyika yenyu yeshe; rinozomukomba mumadhorobha enyu eshe, mukati mwenyika dzenyu dzeshe dzemwakapuwa ndiMambo Mwari, Mwari wenyu.