Jer. 6:6 - Bhaibheri Rakachena muChindau

⁶ Ngokuti izvi ndizvo zvinoronza Mambo Mwari wehondo, “Temerai pashi miti yaro; mushoshere Jerusarema. Ndiro dhorobha; rinosisira kuororwa; amuna chiro chirimwo, asi kuripo kutambudza kukurutu pakati paro.

Jer. 6:6 Iomraidhean Croise

Isa. 37:33

“Ndizvo izvi zvinoronza Mambo Mwari ngendaa yamambo waAsiria, ‘Aazouyi mudhorobha iri, nokuti kuposhera musee umwo, kuuya pamberi paro nechihlangu, nokuti kuaka rusvingo kweriri.

Jer. 20:8

Ngokuti apo pendinoereketa, ndinodaidzira; ndinosisira kudaidzira ndechiti, “Hohoho nokuparadzwa;” ngokuti izwi raMambo Mwari raita kuti nditukwe nokushoorwa muzuva reshe.

Jer. 22:17

Asi madziso ako nomwoyo wako azvioni chimweni kwega kuemura nokuparadza ngazi isina ndaa, nokuita kutambudza nokupamba.

Jer. 32:24

Ringira, mirwi yamavhu yakandirwa kutendenedza kurwisa dhorobha, kuti varinyise; nedhorobha raringirana neshoti, nzara nenhenda, naro rapirwa kunyara yevaKharadhea, avo vanorwa naro. Izvo zvowakaereketa zvaitika kudai ngezveungaona iwewe pachako.

Jer. 32:31

Dhorobha iri rakamusa kutsamwa kwangu noushungu hwangu kubvira pazuva revakaamba kuriaka metsa nyamashi, zvinoita kuti ndiribvise kubva pamberi pehope yangu,

Jer. 33:4

Ngokuti izvi ndizvo zvinoronza Mambo Mwari, Mwari waIsuraeri, ngendaa yemhatso dzedhorobha iri, nemhatso dzemadzimambo aJudha, idzo dzakaputsirwa pashi kudzirwira naavo vakaaka mirwi yamavhu, pamberi peshoti.

Jer. 39:1

Mugore rechipfumbamwe rokutonga kwaZedhekia mambo waJudha, mumwedzi wegumi, Nebhukhadhineza mambo weBhabhuroni nehondo yake yeshe wakauya koorwisana neJerusarema nokurikomba.

Jer. 5:29

“Andizovaorori ngeizvi here?” Unoronza Mambo Mwari. “Mweya wangu auzoshunguriri here dzinza rakadai?

Jer. 5:9

Andizovaorori ngeizvi here?” Unoronza Mambo Mwari. “Mweya wangu auzounzidziri here kudzinza rakadai ngeiri?

Ezek. 4:2

urikombe ngorukumbati, uake rukumbati rwokurwa naro, uemese kweriri murwi wokurwa naro; uemese matende okurwa naro, udzimike matanda okuputsa rukumbati ndiwo kuritendendza.

Ezek. 5:5

Izvi ndizvo zvinoronza Mambo Mwari, Mwari: “Iri ndiro Jerusarema; ndariemesa pakati pemadzinza nenyika dzeshe dzakaritendenedza.

Dha. 11:15

Zvino mambo wedera unozouya, unozotsa rukumbati, unozotora dhorobha rakanasa kushosherwa; nezvokurwa zvokubani azvizoemi, nokuti vanhu vake vakatsanangurwa, zve, arizoapo simba rokuema.

Zef. 3:1

Ihehe kuiswa mavhu, kusvipiswa, dhorobha rinotambudza!

Ruka 19:43

Ngokuti mazuva anozokugumira, apo magaa ako anozokushoshera rushosha nokukutendenedza, akukonyere mukati kumarutii eshe.