Jer. 6:26 - Bhaibheri Rakachena muChindau

²⁶ “O vanhu vangu varombo, fukai masaka, dzimburumbudzei mumarota; mucheme kudai ngounochemera mwana zinyarimwe, mucheme kakurutu, ngokuti muparadzi unozouya padera pedu ngokukasira.

Jer. 6:26 Iomraidhean Croise

Gen. 21:16

Iye wakaenda akagara pashi pakaringirana naye kamuhambo kokuposhera musee kuendayo; ngokuti wakati, “Ndisazoona kufa kwomwana.” Naye wakagara akaringirana naye, akaboorera ngeizwi rake, echichema.

Jobe 15:21

Bope rinotyisa riri munzee dzake; mukubudirira kwake unozogumirwa ngomuurayi.

Jobe 2:8

Jobe wakatora chiwenda kuti adzikwene ndicho; naye wakagara pashi pakati pemarota.

Isa. 22:12

Muiro zuva Mambo Mwari wehondo wakadaidza kuchema nokutsumba, nokuita mhanza nokusimira machira emasaka.

Isa. 22:4

Ndizvo ndakati, “Ringirai kuretu kubva kwendiri, ngandicheme ngesimba; musaedza kundiembedzera, ngendaa yokuparadzwa kwevanhu vangu vanodiwa.”

Isa. 3:24

Kunozoitika kuti pandau yemitombo yakanaka kunozoapo kuora; pandau yebhande, pachaenda bote; pandau pebvudzi rakanasa kurukwa, mhanza; pandau yechokufuka chakanaka, chokufuka chesaka; pandau yokuringirika kwakanaka, madukuswa.

Isa. 30:13

ndizvo uku kushata kunozoitika kwomuri kudai ngendutwe huru iri parukumbati rwakareba, yamweka kudzaka rwoda kuwa, kupwanyika kwarwo kunouya ngokukasira ngomukuwo mudoko.

Isa. 32:11

Hutai, imwimwi vakadzi vasina nhamo; hutai, imwimwi musina nhamo; mudziite mititinini, musimire machira emasaka pazviunu zvenyu.

Jer. 12:12

Vaparadzi vakwira padera pendau dzeshe dzakakwirira dzeshango; ngokuti shoti yaMambo Mwari inovapedza kubvira kumagumo amwe enyika kuenda kuneamweni; apana naumwe unozoane kunyarara.

Jer. 13:17

Asi kudai musikazopurutani, mweya wangu unozochema kundau dzakafishika ngendaa yokudzikudza kwenyu; madziso angu anozochema kakurutu, nemasodzi angu anozoerera, ngokuti zvifuyo zvaMambo Mwari zvatorwa kuitwa hloko.

Jer. 14:17

Unozoronza kwevari iri izwi: “Madziso angu ngaaerere masodzi usiku nemasikati, usatendera kuti arekere, ngokuti mhandara, vanhu vangu, waremadzwa kakurutu, ngokuchaiwa kunotyisa vane chironda chakakura.

Jer. 15:8

Shirikadzi dzavo dzawandisa kupinda jecha romuruandhle; ndaunzira vanamai vemajaha muparadzi masikati machena; ndaita kuti kurwadziwa nokutyiswa kuwire padera pavo ngokukasira, nokutyisa kudzake padera pedhorobha.

Jer. 18:22

Kuchema ngakuzwike kubva kumhatso dzavo, apo woounza genge padera pavo ngokukasira! Ngokuti vakatsa hunza kuti indibate, vakateya tsoka dzangu ngemirau.

Jer. 30:5

“Izvi ndizvo zvinoronza Mambo Mwari: ‘Tazwa izwi rinokarudza, rokutyisa, risiri rokunyarara.

Jer. 4:11

Ngouwo mukuwo kunozoronzwa kunevanhu ava nokuneJerusarema, kuti dutu rinopisha rinouya rechibva kwendiri kubuda ngomundau dzomushango dzakakwirira dzisina chiro rinoguma kuvanhu vangu varombo, haiwa kurudza nokuti kupepeta,

Jer. 4:20

Kuparadzwa kunoteera kuparadzwa, nyika yeshe yaparadzwa. Matende angu anoparadzwa ngokukasira, machira angu omukati mwematende ngomukuwo mudoko.

Jer. 4:8

Ngendaa yeizvi dzisimidzei ngemachira emasaka, mucheme muboorere: ushungu hunotyisa hwaMambo Mwari ahuzi kupera kubva kwetiri.

Jer. 6:14

Vakaporesa ronda revanhu vangu vasikapinimidzi vechiti, ‘Kunyarara, kunyarara,’ apo pasina kunyarara.

Jer. 8:19

Izwai, kuchema kwevanhu vangu varombo kubva munyika yakapamhama iri kuretu: “Mambo Mwari urimwo here mukati mweZioni? Mambo wake aarimwopi mukati mwake here?” “Vakanditsenesa ngenyi ngemiedzaniso yavo yakatsetswa, nezvimwari zvazvo zvipara zvisina shwiro?”

Jer. 8:21

Ngendaa yokuremadzwa kwevanhu vangu varombo, neni ndaremadzwa; ndinosvipa mwoyo; kushamiswa kwandibata.

Jer. 9:1

O kudai soro rangu raiya chinyuka chemvura, nemadziso angu aiya chinyuka chemasodzi, kuti ndichemere masikati nousiku vakaurawa vevanhu vangu varombo!

Jer. 9:10

“Ndinozochema nokubonda ngendaa yemitunhu, nokutsumba ngendaa yemafuro omushango, ngokuti aparadzwa kuti pasaanomunhu ungahamba ndimwo, nokurira kwen'ombe akuzwiki; zveshe shiri dzomudenga nemhuka zvakatiza, zvaenda.”

Chi. 1:16

Ngendaa yeizvi ndinochema; madziso angu anoerera masodzi; ngokuti muembedzeri uri kuretu kubva kwendiri, umwe kumusira simba rangu; vana vangu vaparadzwa, ngokuti gaa ranyisa.

Chi. 1:2

Rinochema kakurutu usiku, nemasodzi aro anomozoka pamatama aro; pakati pevadikani varo arina naumwe wokuriembedzera; vangani varo veshe vakashanda naro ngokuchengedzera, navo vakaita magaa kweriri.

Chi. 2:11

Madziso angu apera ngendaa yemasodzi; mweya wangu unotambudzika; mwoyo wangu unodururwa pamavhu, ngendaa yokuparadzwa kwevanhu vangu, ngokuti vana nechiya vanodemera mumapato edhorobha.

Chi. 3:16

Waita kuti mazino angu akuyike ngetsanza; wanditononesa mumadota.

Chi. 3:48

Madziso angu anoerera ndwizi dzemasodzi, ngendaa yokuparadzwa kwevanhu vangu.

Chi. 4:10

Nyara dzemadzimai vanenyasha dzabika vana vavo; vakaita kudya kwavo mukuparadzwa kwevanhu vangu.

Chi. 4:3

Kunyazwi makechani anoamwisa nokurera vana vawo, asi vanhu vangu vaita mwoyo wakashata, kudai ngemhowani dziri mushango.

Chi. 4:6

Ngokuti kuororwa kwokushaisha kwevanhu vangu kwakapinda kukura kunokuororwa kwokushaisha kweSodhoma, iro rakaparadzwa ngomukuwo mudoko, kunyazwi akuna nyara yakaiswa padera paro.

Amo. 8:10

Ndinozotsandura madhiri enyu kuita kubonda, nendwiyo dzenyu dzeshe kuita kuchema; ndinozounza machira emasaka pazviunu zveshe, nemhanza padera pesoro reshe; ndinozozviita kuti zvidai ngokubonda ngendaa yomukororo umwe ega, nokupera kwazvo kudai ngezuva rinovava.

Jona 3:6

Naapo mashoko akaguma kunamambo weNinevhe, wakamiruka kubva pedendemaro rake, akabvisa chokufuka chake, akapfeka machira emasaka, akagara mumarota.

Zek. 12:10

“Neni ndinozodurura padera pemhatso yaDhavhidha, nepadera pevagari veJerusarema, mweya wenyasha nowokupota, kuitira kuti apo vooringira umwe uwo wevakabaya, vanozobonda ngendaa yake, kudai ngounobondera mukororo wake umwe ega, nokumuchema kakurutu, kudai ngounochema mwana wake wedangwe.

Ruka 7:12

Naapo echikwedzera pamusiwo wedhorobha, penya, munhu wakafa waitwarwa kubva mudhorobha, uwo waiya ari mukororo umwe ega wamai ake, vaiya shirikadzi; nevanhu vazhinji vedhorobha vaiya naye.

Jakobe 4:9

Boorerai, tsumbai nokuchema. Kusheka kwenyu ngakutsanduke kuita kutsumba, nokudakara kwenyu kuita kudzimbirwa.

Jakobe 5:1

Uyai zvino, imwimwi makurudza, mucheme nokuboorera ngamadambudziko anozouya padera penyu.