Jer. 6:25 - Bhaibheri Rakachena muChindau

²⁵ Musaenda kumunda, nokuti kuhamba munjira; ngokuti gaa rine shoti, kutyisa kuri kumarupande eshe.”

Jer. 6:25 Iomraidhean Croise

2 MaKro. 15:5

Munguvadzo zvaiya zvisikazi kuita nyore kwaari unobuda nokwaari unopotera, ngokuti kutambudzika kukuru kwakabata veshe vagari venyika.

Jobe 18:11

Zvinotyisa zvichamukarudza kumarutii eshe, nokuteera patsoka dzake.

Nduyo 31:13

Ngokuti ndinozwa kuvherevhedza kwevazhinji, kukaruka kuri kumarupande eshe! Vachapangana pamwepo ndini, apo vanopangana ngokundiuraya.

Isa. 1:20

asi kudai mwechiramba nokuita mbengo, munozodyiwa ngeshoti.” Ngokuti muromo waMambo Mwari wakazviereketa.

Jer. 14:18

Dai ndechibuda kuenda kurubaya, ringira, varipo vaya vakaurawa ngeshoti! Dai ndechipotera mudhorobha, ringira, varipo vaya vanorwara ngenzara! Ngokuti veshe vaprofeti nevapristi vanohambahamba munyika vasikazii.”

Jer. 20:10

Ngokuti ndinozwa vazhinji vanovherevhenza vechiti, “Kutyisa kuri kumarupande eshe.” Vakati, “Muronzenyi! Ngatimuronze.” Vangani vangu veshe vakagarira kukorera kwangu vechiti, “Pamweni ungakona kunyengererwa, nesu tingakona kumunyisa nesu tinozokona kuunzidzira padera pake.”

Jer. 30:5

“Izvi ndizvo zvinoronza Mambo Mwari: ‘Tazwa izwi rinokarudza, rokutyisa, risiri rokunyarara.

Jer. 4:10

Zvino ndakati, “A Mambo Mwari, Mwari! Ngechokwadi kuchengedzeranyi kwakakura kudai kwewakaitira vanhu ava neJerusarema wechiti, ‘Zvinozomunakira’ kunyazwi shoti apo yaiswa pahuro.”

Jer. 4:5

Daidzira muJudha, uziise vari muJerusarema wechiti, “Ridzai gwama munyika; mudaidzire ngeizwi guru mwechiti, unganai pamwepo, tipotere mumadhorobha akashosherwa.

Jer. 46:5

Ngenyi ndechivaona vechitya? Vawira sure. Ngwazi dzavo dzapwanyirwa pashi, dzatiza ngokukasira. Avaringiri sure; ngokuti kutya kwakavatendenedza,” unoronza Mambo Mwari.

Jer. 49:29

Torai matende avo, zvifuyo zvavo, machira omukati mwematende, nezvidziyo zvavo zveshe, mangamera avo; nokuchema kunozodaidzirwa kwevari, vechiti, ‘Kutyisa kuri kumarutii eshe.’

Jer. 49:5

Ringira, ndichaunza kutyisa padera penyu,” unoronza Mambo Mwari, Mwari wehondo, “Kubva kune veshe vanomutendenedza; nemwi muchaparadzwa mweshe umwe ngaumwe; akuna naumwe unozounganidza avo vanopepesheka.

Jer. 8:14

“Tinogara takanyarara ngenyi? Unganidzanai pamwepo, ngatipotere mumadhorobha akashosherwa, tipereremwo; ngokuti Mambo Mwari, Mwari wedu, wakatitongera rufu, wakatipa mvura inoukaira kuti timwe, ngokuti takashaishira Mambo Mwari.

Jer. 8:15

Takaringirira kunyarara, asi akuna chakanaka chakauya; mukuwo wokuporeswa, asi ringira, kutyisa kukurutu.

Chi. 2:22

Wadaidza magaa angu kubva kweshe kwakanditendenedza kudai ngezuva redhiri; ngezuva roushungu hwaMambo Mwari akuna wakapokonyoka nokuti kusara; avo vendakatengura nokurera, gaa rangu ravapedza.

Ezek. 21:17

Ininiwo ndinozochaya pamwepo nyara dzangu, ndinozogutisa ushungu hwangu; inini Mambo Mwari ndaereketa.”

Ezek. 7:18

Vanozodzisimidza ngemachira emasaka, kutyisa kukuru kunozovafukidza. Kutsveruka kunozoa padera pehope dzeshe, mhanza dzinozoa padera pemasoro eshe.

Ruka 19:43

Ngokuti mazuva anozokugumira, apo magaa ako anozokushoshera rushosha nokukutendenedza, akukonyere mukati kumarutii eshe.