Jer. 6:22 - Bhaibheri Rakachena muChindau

²² Izvi ndizvo zvinoronza Mambo Mwari, “Ringira, vanhu vanouya kubva kunyika yedera, dzinza guru rinomuswa kubva kumarupande arikure enyika.

Jer. 6:22 Iomraidhean Croise

Neh. 1:9

asi kudai mwechizotenderukira kwendiri nokungwarira mipango yangu, mwechiita; kunyazwi varipo vari venyu vakapararira kumagumo enyika, ndinozovaunganidza kubvayo, ndinozovaunza kundau yendakatsanangura kuisa zina rangupo.’

Jer. 10:22

Izwai, bope! Purutana, rinouya, bope guru rinobva kunyika yedera, kuita kuti madhorobha aJudha aite matongo, bako remakava anotyisa.”

Jer. 13:20

Mirudza madziso ako uone avo vanobva dera Zviri pari zvifuyo zvewakapuwa, zvifuyo zvako zvaiya zvakanaka?

Jer. 25:32

Izvi ndizvo zvinoronza Mambo Mwari wehondo: “Ringira, kushata kunopararira kubva kudzinza kuenda kudzinza, nechapupuri chikuru chinomirudzwa kubva kumiganu yenyika.”

Jer. 25:9

ringira, ndinozotumira kumadzinza eshe edera, kunyazwi naNebhukhadhineza mambo weBhabhuroni, muranda wangu, neni ndinozovaunza kuti varwise iyi nyika, nevagari vayo, nemadzinza eshe aya akaitendenedza; ndinozovaparadza yaamho nokuvaita chishamiso chinotyisa, chinoridzirwa murudzi nokuita matongo mhera nariini,” unoronza Mambo Mwari.

Jer. 30:5

“Izvi ndizvo zvinoronza Mambo Mwari: ‘Tazwa izwi rinokarudza, rokutyisa, risiri rokunyarara.

Jer. 4:16

“Ronzerai madzinza, ‘Aya ari pano!’ Ringirai, daidzirai kuneJerusarema kuti magaa anouya anobva munyika irikuretu, anoridza mhere kurwisana nemadhorobha aJudha.

Jer. 4:6

Emesai mujeki muringire Zioni; tizai kuti mupone, musanonoka, ngokuti ndinounza kushata kunobva ngedera nokuparadzwa kukurutu.”

Jer. 47:2

Izvi ndizvo zvinoronza Mambo Mwari, “Ringira, mvura inokwira yechibva dera, nayo inozoita ndambi inopopoma, inozokukuza nyika nazvo zveshe zviri mukati mwayo, dhorobha, naavo vanogara mukati mwaro. Vanhu vanozochema yaamho, nevagari venyika vanozoboorera.

Jer. 5:15

“Ringira, ndinounza padera pako dzinza rinobva kuretu, O mhatso yaIsuraeri” unoronza Mambo Mwari. “Idzinza rinogara, riri dzinza rekaretu, dzinza rousikazii rurumi rwaro, auzwi cherinoereketa.

Jer. 5:16

Chikomwe chavo chakadai ngeiba rakabeuka; veshe ingwazi dzehondo.

Jer. 6:1

Tizai kuti mupone, O vana vaBhenjamini, kubva pakati peJerusarema! Muridze gwama muThekoa, mwechiemesa mujeki muBhethi-hakheremu; ngokuti kushata kunouya kubva dera, nokuparadzwa kukuru.

Ezek. 21:31

Ndinozodurura padera pako ushungu hwangu nomuriro woushungu hwangu ndinozofuridzira padera pako. Ndinozokuisa munyara dzevanhu vakashata, ngwazi dzokuuraya.

Ezek. 23:22

“Ndizvo, O Ohoribha, izvi ndizvo zvinoronza Mambo Mwari, Mwari: Ringira, ndinozomusa vadikani vako kuti varwe newe, avo vewakapetukira kurambwa ngomweya wako, neni ndinozovaunza kuti varwe newe vechibva kumarutii eshe:

HABHAKUKI 1:6

Ngokuti, ringira, ndinomusa vaKharadhea, dzinza rinovava rinechara, iro rinohamba mukati mwenyika, kutora ndau dzokugara dzisiri dzavo.

Dhuto. 28:49

Mambo Mwari unozounza dzinza rinobva kuretu kurwisana nemwi, rinobva kumagumo enyika, rinokasira kudai ngokumbururuka kwegodzi, iro dzinza ndimi yaro amuzoizwi;