Jer. 6:21 - Bhaibheri Rakachena muChindau

²¹ Izvi ndizvo zvinoronza Mambo Mwari, “Ringira, ndinoisa pamberi peava vanhu zvinopumhuna, izvo zvevanopumhunwa ndizvo; vabereki nevana pamwepo, muakirwana nomungani wake vanozopera.”

Jer. 6:21 Iomraidhean Croise

2 MaKro. 36:17

Ndizvo iye wakaunza mambo wevaKharadhea koorwa navo, uwo wakauraya vadoko vavo ngeshoti mumhatso yavo yakachena, waiya asina nyasha kunemajaha nokuti kunevasikana, vakuru nokuti harahwa. Iye wakavapira veshe munyara dzake.

Isa. 8:14

Ndiye unozoita ndau yokudira yakachena, buwe rokuvafura ndiro; noruware runopumhunisa kumhatso dzeshe dzaIsuraeri, murau nechindondo kwevari vanogara Jerusarema.

Isa. 8:15

Nevazhinji pakati pavo vanozopumhunwa; vanozowa nokugurwa; vanozoteiwa nokubatwa.”

Jer. 13:14

Ndinozovadhumanisa umwe neumweni, vabereki nevana pamwepo,’ unoronza Mambo Mwari. ‘Andizokunguriri nokuti kuponesa nokuti kuitira nyasha asi kuvaparadza.’ ”

Jer. 13:16

Irikidzai Mambo Mwari, Mwari wenyu, asati aunza chidima, dzisati dzapumhunwa tsoka dzenyu padera pemitunhu inechidima; apo muchatsvaka kujeka, unokupindura kuita bvute rokufa, nokuita chidima chakasvipa.

Jer. 18:21

Ndizvo pinzai vana vavo munzara, vapirenyi kusimba reshoti; vakadzi vavo ngavafirwe ngavana vavo nevamuna vavo. Vamuna vavo ngavaurawe ngenhenda; majaha avo ngavaurawe ngeshoti muhondo.

Jer. 18:23

Asi iwewe, O Mambo Mwari, unozia bangano ravo reshe rokuda kundiuraya. Usakungurira kushata kwavo, usadzima zvishaishi zvavo kubva kuhope yako. Ngavarigwe pashi pamberi pako; ita izvi kwevari ngomukuwo wokunyangadzwa kwako.”

Jer. 21:7

Mambo Mwari unoti, ‘Ngesure kwazvo ndinozopa Zedhekia mambo waJudha, nevaranda vake, nevanhu vedhorobha iri, avo vakapona nhenda, kushoti nenzara, munyara yaNebhukhadhineza mambo weBhabhuroni, munyara yemagaa avo, munyara yaavo vanotsvaka kuvauraya. Unozovabaya ngokupinza kweshoti; aazovakunguriri, nokuti kuvaponesa, nokuti kuvaitira nyasha.’ ”

Jer. 8:12

Vakatseruka here, apo vakaita zvinyangadzo? Haiwa, avazi kutsveruka napadoko, avana kuzia kutsveruka. Ndizvo vanozowa pakati peavo vanowa; ngomukuwo wokuhambirwa kwavo vanozorigwa pashi,” unoronza Mambo Mwari.

Ezek. 3:20

“Zve, kudai munhu wakarurama echikunukuka kubva mukururama kwake nokuita zvinonyangadza, neni ndikaisa chipumhuniso pamberi pake, iye unozofa; ngokuti iwewe wakarekera kumupanga, unozofa mukushaisha kwake, nokururama kwake kwaakaita akuchazokarakadzwi; asi ndinozobvunza ngazi yake panyara yako.

Ezek. 5:10

Ndizvo vabereki vanozodya vana vavo pakati penyu, nevana vanozodya vabereki vavo, neni ndinozotonga padera penyu, nevanosara venyu ndinozovaparadzira kumadutu eshe.

Revhi 26:37

Vanozowa umwe padera poumweni, kudai ngevanotiza shoti, vasikazi kurumbirirwa. Amuzoa nesimba rokuema pamberi pemagaa enyu.

Varoma 11:9

Dhavhidha unoti, “Tafura ravo ngariite murau nechirimbana, ngavawe nokuunzidzirwa kwavo;

Varoma 9:33

kudai ngezvakanyorwa kuti, “Ringirai, ndinoradzika buwe muZioni rokupumhuna, ruware runozovaita kuti vawe, nouwo unotenda kwaari aazotsverudzwi.”

1 Pet. 2:8

zve, “Ibuwe rinoita kuti vapumhunwe, nebuwe rinoita kuti vawe.” Vanopumhunwa ngokuti avapurutani izwi, kudai ngezvevakaemeserwa kuita.