Jer. 6:19 - Bhaibheri Rakachena muChindau

¹⁹ Izwa, O nyika; ringira, ndinozounza kuparadzwa padera paava vanhu, michero yemipinimidzo yavo, ngokuti avazi kupurutana mazwi angu, nokuti mipango yangu vairamba.

Jer. 6:19 Iomraidhean Croise

Mazwi 15:26

Urongwa hwakashata chinyangadzo kunaMambo Mwari, asi mazwi enyasha akaperera.

Mazwi 28:9

Kudai umwe echifuratira nzee yake kuti asazwa mupango, nomukumbiro wake unoita chinyangadzo.

Isa. 1:2

Izwai, A matenga, upurutane, A nyika, ngokuti Mambo Mwari waereketa: “Ndakakudza nokurera vana, asi vandimukira.

Isa. 5:24

Ndizvo zvino, kudai ngomurazvu womuriro unodya matsotso, nokudai ngomurazvu unopisha matsengwe akaoma, ndizvo nzinde dzawo dzinoita dzakaora neruwa ravo rinozopwititika kudai ngebukuta; ngokuti varamba kupanga kwaMambo Mwari wehondo, nokushoora izwi roUwo Wakachena waIsuraeri.

Isa. 59:7

Tsoka dzavo dzinorumbirira zvakashata, navo vanokasira kuparadza ngazi isina ndaa; mipinimidzo yavo mipinimidzo yokushaisha; kushakera nokuparadza zviri munjira dzavo.

Isa. 66:18

“Ngokuti ndinozia mishando yavo nemirangariro yavo, ndinouya koounganidza madzinza eshe nendimi dzeshe; navo vanozouya, vaone uthende hwangu,

Jer. 11:11

Ndizvo izvi, ndizvo zvinoronza Mambo Mwari, ‘Ringira, ndinozounza kushata padera pavo ukwo kwevasikazokoni kutiza; kunyazwi vanozodaidzira kwendiri, andizovapurutani.

Jer. 15:6

Mambo Mwari wakati, “Iwewe wandirasha, uri kuhwirira sure; ndizvo ndatambanudza nyara yangu kwouri nokukuparadza; ndaremba ngokumukungurira.

Jer. 17:10

Inini Mambo Mwari ndinoringisisa mwoyo, ndinoedza zviri mukati kuti ndipe kumunhu umwe ngaumwe kudai ngenjira dzake nokudai ngemichero yezviito zvake. ”

Jer. 19:15

“Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza padera pedhorobha iri, nepadera pemaguta aro eshe, kushata kweshe kwendakaronza kweriri, ngokuti vakakonzisa mitsipa yavo, kuramba kuti vasazwa mazwi angu.”

Jer. 19:3

Unozoti, ‘Izwai izwi raMambo Mwari, O madzimambo aJudha neimwimwi vagari veJerusarema. Izvi ndizvo zvinoronza Mambo Mwari wehondo, Mwari waIsuraeri: Ringira, ndinounza kushata padera pendau iyi, ukwo kunoti, kunyazwi ndiani unokuzwa, nzee dzake dzinozozhararika.

Jer. 21:14

Asi ndinozomuorora kudai ngemichero yezviito zvenyu, unoronza Mambo Mwari. Ndinozobasa muriro mugwasha mwaro, nawo unozopisha izvo zveshe zvinoritendenedza.”

Jer. 22:29

O nyika, nyika, nyika, izwai izwi raMambo Mwari.

Jer. 29:19

ngokuti avazi kupurutana mazwi angu,’ unoronza Mambo Mwari, ‘Apo pendakaangira kutumira kwemuri varanda vangu vaprofeti, asi amuzi kupurutana,’ unoronza Mambo Mwari.

Jer. 4:14

O Jerusarema, shambidza mwoyo wako uchene kubva kunezvakashata, kuti uponeswe. Mipinimidzo yako youpenzi inozogara mukati mwako mukuwo wakadini?

Jer. 4:16

“Ronzerai madzinza, ‘Aya ari pano!’ Ringirai, daidzirai kuneJerusarema kuti magaa anouya anobva munyika irikuretu, anoridza mhere kurwisana nemadhorobha aJudha.

Jer. 4:4

Dzichekerenyi pachenyu kunaMambo Mwari, muduse ganda romwoyo yenyu, O vanhu vaJudha nevagari vomuJerusarema, nokuti ushungu hwangu hungabuda kudai ngomuriro, unopisha pasina naumwe ungaudzima ngendaa yezvakashata zvomunoita.”

Jer. 49:37

Ndinozokarudza vaEramu pamberi pemagaa avo, nepamberi paavo vanotsvaka kuvauraya; ndinozounza kushata padera pavo, ushungu hwangu hunotyisa,” unoronza Mambo Mwari. “Ndinozotumira shoti kuvarumbirira metsa ndivapedze;

Jer. 6:10

“Ndingazoereketa nokunyowedza kunaani, kuti vangazwa? Ringira, nzee dzavo dzakatsiira, avakoni kupurutana. Izwi raMambo Mwari riri chitsverudzo kwevari; avadakari ndiro.

Jer. 6:18

“Ndizvo izwanyi, O madzinza, muzie, O mbungano, chiinyi chinozoitika kwevari.

Jer. 8:5

Zvino ngenyi ava vanhu veJerusarema vechihwirira sure mikuwo yeshe? Vanobatisisa kuchengedzera, vanoramba kupetuka.

Jer. 8:9

Vanhu vakangwara vanozotsverudzwa, vanozopera simba nokutorwa; ringira vakaramba izwi raMambo Mwari; kungwaranyi kuri mukati mwavo?

Dha. 9:11

VaIsuraeri veshe vakagura mupango wako, ngokupauka, vakaramba kuti vasazopurutana izwi rako. Ndizvo chituko chakadururwa padera pedu, nokupika ukwo kwakanyorwa mumipango yaMosi, muranda waMwari, ngokuti takamushaishira.

Hos. 10:13

Mwakarima kushata, mwakacheka zvinonyangadza, mwadya michero yemanyepo. Ngokuti mwagonda simba renyu, nouwandu hwengwazi dzenyu,

Hos. 4:6

Vanhu vangu vanoparadzwa ngendaa yokutama kuzia; ngokuti waramba kuzia, ndizvo ndinokuramba, kuti usaita mupristi kwendiri. Newe wariyarwa mipango yaMwari wako, neniwo ndinozoriyarwa vana vako.

Amo. 2:4

Izvi ndizvo zvinoronza Mambo Mwari: “Ngezvipauko zvitatu zvaJudha nezvirongomuna, andizopetudzi kuororwa; ngokuti vakaramba mipango yaMambo Mwari, navo avazi kungwarira zviemeso zvake, asi vakapauswa ngemanyepo amwewo, awo akateerwa ngemadzibaba avo.

Mik. 1:2

Izwai, imwimwi vanhu mweshe; purutanai, O nyika, nazvo zveshe zvirimwo; Mambo Mwari, Mwari ngaapupure ndimwi.

Mik. 6:2

Izwai, imwimwi mitunhu, ndaa yaMambo Mwari, neimwimwi madzeyo akagwinya enyika; ngokuti Mambo Mwari unendaa nevanhu vake, unozophikisana naIsuraeri.

Johani 12:48

Iye unondiramba asikaashiri mazwi angu unaye unomutonga; izwi iro rendakaereketa ndiro rinozomutonga ngezuva rokupera.

Zvak. 8:22

Ndizvo tenderuka ubve mukushaisha kwako uku, ukumbire kunaMambo, kuti pamweni kungarekererwa kwouri kupinimidza kwomwoyo wako.

Dhuto. 30:19

Ndinodaidza denga nenyika kuti zviite chapupu ndimwi nyamashi, kuti ndaisa pamberi penyu kupona nokufa, zvifumiso nezvituko. Ndizvo tsanangurai kupona, kuti mweshe imwimwi nemibarirwana yenyu mupone,

Dhuto. 32:1

“Izwanyi, imwimwi matenga, neni ndinozoereketa; nyika ngaizwe mazwi omuromo wangu.

Dhuto. 4:26

ndinodaidza denga nenyika kuti zviite zvapupu kwomuri nyamashi, kuti ngokukasira munozopera mweshe kubva kunyika yomunoambuka Jorodhani kooigara; amuzowanzi mazuva enyu mukati mwayo, asi munozopera yaamho kuparadzwa.

1 Sam. 15:23

Ngokuti kumukira kwakadai ngechishaishi chouroyi, nokusikazwa kwakadai ngokushaisha kwokudira miedzaniso. Ngokuti iwewe wakaramba izwi raMambo Mwari, iye wakakurambawo kuti usachaita mambo.”

1 Sam. 15:26

Samueri wakati kunaSauri, “Andizopetuki newe, ngokuti iwewe wakaramba izwi raMambo Mwari, naMambo Mwari wakakuramba kuti usachaita mambo padera paIsuraeri.”