Jer. 6:16 - Bhaibheri Rakachena muChindau

¹⁶ Izvi ndizvo zvinoronza Mambo Mwari, “Emai pamhararano penjira, muringire, mubvunzise ngenjira dzekare, paiya nenjira yakanaka, muhambe mweiri, nemwi muone zororo kumweya yenyu.” Asi vakati, “Atizohambi mweiri.”

Jer. 6:16 Iomraidhean Croise

1 Madzi. 8:36

zvino izwa uri mudenga, ukungurire kushaisha kwevaranda vako, vanhu vako Isuraeri, apo woovadzidzisa njira yakanaka inosisira kuti vahambe ndiyo, unayise mvura padera penyika yako yowakapa kuvanhu vako kuita nhaka yavo.

2 MaKro. 19:11

Ringirai, Amaria mupristi mukuru uri padera penyu mundaa dzeshe dzaMambo Mwari; naZebhadhia mukororo waIshumaeri mutongi wemhatso yaJudha mundaa dzeshe dzamambo; nevaRevhi vanozomushandira kudai ngevakuru pamberi penyu. Itai ngokushinga naMambo Mwari ngaave nevakarurama!”

Nduyo 116:7

Petuka, A mweya wangu, kunokuzorora kwako, ngokuti Mambo Mwari wakakuitira zvakapinda kunaka.

Isa. 2:5

A mhatso yaJakobe, uyai, ngatihambe mukujeka kwaMambo Mwari!

Isa. 28:12

kwevari kwaakati, “Ndikwo kuzorora; ipa kuzorora kuneavo vakaremba; nouku ndikwo kuzorora;” asi vakaramba kuzwa.

Isa. 30:21

Naapo munokunukukira kumudyo nokuti kumuoshwe nzee dzenyu dzinozozwa izwi ngesure kwenyu rechiti, “Iyi ndiyo njira, hambai ndiyo.”

Isa. 46:9

Karakadzai zviro zvokutanga zvekaretu; ngokuti ndini Mwari, akuna umweni; ndini Mwari, akuna umweni wakadai ndini,

Isa. 57:2

vanopinda mukunyarara avo vanohamba mukururama kwavo. Vanozozorora mumibhedhi yavo.

Isa. 8:20

Kumupango nokuchapupu! Kudai vasikaereketi kudai ngeizwi iri, indaa yokuti akuna kujeka mukati mwavo.

Jer. 12:16

Nazvino, kudai vechizodzidzira njira dzevanhu vangu ngomwoyo yavo yeshe, kupika ngezina rangu kuti, ‘Kudai ngezvaanopona Mambo Mwari,’ kudai ngezvevakadzidzisa vanhu vangu kupika ndiBhaari, zvino vanozogarisika pakati pevanhu vangu.

Jer. 18:12

Asi vanoti, ‘Azvidetseri chiro! Isusu tinozoteera urongwa hwedu, nesu umwe ngaumwe wedu unozoita kudai ngokukonza kwomwoyo wake wakashata.’ ”

Jer. 18:15

Asi vanhu vangu vandiriyarwa, vanopisha mutombo unegwema rakanaka kuzvimwari zvokunyepa, vapumhunwa munjira dzavo, mumapato ekare nokuhamba munjira dzimweni, haiwa mumapato makuru,

Jer. 2:25

Rambidza rutsoka rwako kuti rusahamba rusina gwada, nemukuro wako kubva kunenyota; asi unoti, ‘Azvidetseri, ngokuti ndakada vapara, neni ndinozovateera.’ ”

Jer. 22:21

Ndakaereketa kwouri ngomukuwo wokubudirira kwako, asi iwewe wakati, “Andizopurutani.” Uyu ndiwo muitiro wako wokusikapurutana izwi rangu, kubvira muudoko hwako.

Jer. 31:21

Emesa zvioniso zvepato pachako, udziitire pachako sika dzechioniso mupato; ukarakadze zvakanaka mapato makuru, pato iro rowakahamba ndiro. Petuka, O mhandwe Isuraeri, petuka kumadhorobha ako aya.

Jer. 42:3

Mambo Mwari, Mwari wako, ngaationese kwetinosisira kuenda nezvetinosisira kuita.”

Jer. 44:16

“Ngendaa yeizwi iro rewaereketa kwetiri muzina raMambo Mwari, atizokupurutani.

Jer. 50:5

Vanozobvunza njira yeZioni nehope dzakaringireyo, vanozouya vechidzibatanidza pachavo munaMambo Mwari ngechitenderano chemhera nariini chisikazoriyarikanwi.

Jer. 7:23

Asi mupango uyu ndakavapanga ndechiti, ‘Purutanai izwi rangu, neni ndinozoita Mwari wenyu, nemwi munozoita vanhu vangu; muhambe kwega munjira yendinomupanga ndiyo, kuti zvimunakire.’

Jer. 7:24

Asi avazi kupurutana nokuti kukotamisa nzee dzavo, asi vakahamba mukuona kwemipinimidzo yemwoyo yavo yakashata, vakahwirira sure, avazi kuenda mberi.

Jer. 7:3

Mambo Mwari wehondo, Mwari waIsuraeri, unoronza izvi, ‘Nasirisai njira dzenyu nezviito zvenyu, neni ndinozomuita kuti mugare pandau iyi.’

Mar. 4:4

“Karakadzai kudzidzisa kwaMosi muranda wangu, zviemeso nezvitongero zvendakamupanga muHorebhi kunevaIsuraeri veshe.

Ruka 16:29

Asi Abrahama wakati, ‘Vanaye Mosi nevaprofeti; ngavavapurutane.’

Johani 12:35

Jesu wakati kwavari, “Inguva doko kujeka kuchipo pakati penyu. Hambai muchinokujeka, kuti chidima chisamubata; nouwo unohamba muchidima aatongozii paanoenda.

Johani 13:17

Kudai mwechizia izvi zviro, munomuchena kudai mwechizviita.

Johani 5:39

Munotsvakisisa zvinyorwa, ngokuti imwimwi munopinimidza kuti mukati mwazvo munokupona kusikaperi; neizvo ndizvo zvinopupura ndini.

Zvak. 17:11

Zvino vaJudha ava vaiya vakarurama kupinda veThesaronika ngokuti vakaashira izwi ngomwoyo weshe, vechitsvakisisa zvinyorwa mazuva eshe kuti vaone kuti izvi zvakadaro here.

Varoma 4:12

nokuti aite baba vevakachekwa haiwa vevakachekwa vega asi veavozve vanohamba muzvitsiko zvokugonda kwavaiya vanakwo baba edu Abrahama apo vaiya vasati vachekwa.

Dhuto. 32:7

Cherechedzai mazuva ekare, pinimidzai ngemakore emibarirwana mizhinji; bvunzai madzibaba enyu, navo vanozomuronzera, nevakuru venyu, navo vanozomuronzera.

Vakorose 2:6

Ndizvo kudai ngezvemwakaashira Kristu Jesu Mambo, angirai kupona mukati mwake,

Vahebheru 11:2

Ngegwinyiso ngokugonda madzibaba makuru edu vakapupurirwa zvakanaka.

Vahebheru 6:12

kuti musaita nungo, asi vaedzereri veavo vanogara nhaka yezvigondiso kubudikidza ngokugonda nokusengerera.

Vato. 2:17

Asi avazi kupurutana vatongi vavo, asi vakaita umhombo kuteera zvimwari zvimweni, vakadzikotamisa kwezviri. Vakakasira kupauka kubva munjira yevakahamba ndiyo madzibaba avo, vechipurutana mipango yaMambo Mwari; asi ivo avazi kuteera chionero chavo.