Jer. 6:14 - Bhaibheri Rakachena muChindau

¹⁴ Vakaporesa ronda revanhu vangu vasikapinimidzi vechiti, ‘Kunyarara, kunyarara,’ apo pasina kunyarara.

Jer. 6:14 Iomraidhean Croise

2 Sam. 17:3

neni ndinozopetudza vanhu veshe kwouri kudai ngomuroorwa wapetudzwa kumwamuna wake. Iwewe unotsvaka kupona kwomunhu umwe ega; ndizvo vanhu veshe vanozoa nokunyarara.”

Isa. 1:6

Kubvira pashi petsoka kuguma kusoro, apana chakagwinya mukati mwawo; asi makwengwa, maronda nezvironda zvinobuda ngazi; azvizi kusvinwa, nokuti kusungwa, nokuti kupfaiswa ngemafuta.

Isa. 30:10

avo vanoronza kuvaoni kuti, “Musaona;” nokuvaprofeti kuti, “Musaprofeta kwetiri zvegwinyiso, ereketai kwetiri zviro zvakaserera, profetai zvokuchengedzera.

Isa. 30:26

Zve, kujeka kwomwedzi kunozodai ngokujeka kwezuva, nokujeka kwezuva kunozopetwa kanomwe, kudai ngokujeka kwamazuva manomwe pamwepo, pazuva iro Mambo Mwari paanosunga maronda evanhu vake, nokuporesa zvironda zvaakavaponda.

Jer. 14:13

Zvino ndakati, “A Mambo Mwari, Mwari! Ringira, vaprofeti vanoti kwevari, ‘Amuzooni shoti, nokuti nzara; asi ndinozomupa kunyarara kwegwinyiso kundau iyi.’ ”

Jer. 14:17

Unozoronza kwevari iri izwi: “Madziso angu ngaaerere masodzi usiku nemasikati, usatendera kuti arekere, ngokuti mhandara, vanhu vangu, waremadzwa kakurutu, ngokuchaiwa kunotyisa vane chironda chakakura.

Jer. 23:17

Vanoangira vechiti kwevari vanoshoora izwi raMambo Mwari, ‘Zvinozomunakira;’ vanoti kunoumwe ngaumwe unohamba mukukarakadza kwomwoyo wake wemene, ‘Apana chakashata chinozokugumira.’

Jer. 28:3

Mumakore mairi ndinozopetudza kundau iyi zvidziyo zveshe zvemhatso yaMambo Mwari, zvaakatora Nebhukhadhineza mambo weBhabhuroni, aakaenda nazvo Bhabhuroni kubva kundau iyi.

Jer. 4:10

Zvino ndakati, “A Mambo Mwari, Mwari! Ngechokwadi kuchengedzeranyi kwakakura kudai kwewakaitira vanhu ava neJerusarema wechiti, ‘Zvinozomunakira’ kunyazwi shoti apo yaiswa pahuro.”

Jer. 5:12

Vakaereketa manyepo ndiMambo Mwari vechiti, “Aazoiti chiro. Kushata akuzouyi padera pedu, atizooni shoti nokuti nzara.”

Chi. 2:14

Vaprofeti vako vakuonera zvioniso zvokunyepa nezvinopaukisa zvisina shwiro nezvoupenzi; avazi kubudisa kushaisha kwako, kuti vabvise uhloko hwako; asi vakuonera zvioniso zvokunyepa nezvokupaukisa.

Ezek. 13:10

Ngokuti, mugwinyiso vakapaukisa vanhu vangu vechiti, ‘Kunyarara,’ apo paiya pasina kunyarara; ngokuti apo vanhu vaaka rukumbati rusikazi kugwinya ava vaprofeti vanoruseta ngesuko,

Ezek. 13:16

vaprofeti vaIsuraeri avo vakaprofeta ngendaa yeJerusarema, nokuona zvioniso zvokunyarara kwaro, apo paiya pasina kunyarara,’ ” unoronza Mambo Mwari, Mwari.

Ezek. 13:22

Ngokuti mwatsamwisa mwoyo wewakarurama ngemanyepo enyu, kunyazwi andizi kumutsamwisa; nemwi mwagwinyisa nyara dzewakashata, kuti asakunukuka kubva kunjira yake yakashata nokuponeswa,

Ezek. 14:9

“Kudai muprofeti echizochengedzerwa nokuereketa izwi, inini Mambo Mwari ndini ndachengedzera uwo muprofeti, neni ndinozotambanudza nyara yangu kurwa naye, ndinozomuparadza kubva pakati pevanhu vangu Isuraeri.

Mik. 2:11

Kudai munhu aizohambahamba echiereketa manyepo asina shwiro echiti, “Ndinozochumaira kwomuri ngevhini nezvokumwa zvinoradzisa;” ndiye unozoita muchumairi wevanhu ava.

Mik. 3:5

Izvi ndizvo zvinoronza Mambo Mwari ngendaa yevaprofeti vanopausa vanhu vangu avo vanodaidzira kuti, “Kunyarara,” apo vanacho chokudya, asi vanonasirira kurwa hondo naavo vasina chevanoisa pamiromo yavo.

1 VaTes. 5:3

Naapo vanozoti, “Kuripo kunyarara nokungwaririka,” zvino ngokukasira kuparadzwa kuchauya padera pavo, kudai ngokurwadziwa kunouya padera pomudzimai wosununguka, apana unozopokonyoka!

2 Pet. 2:1

Asi vaprofeti vokunyepa vakabudapo pakati pevanhu, kudai ngezvevanozoapo vadzidzisi vokunyepa pakati penyu, vanozopotedza ngokufishika zvidzidziso zvinoparadza. Vanozoramba Mambo emene wakavatenga, vechidziunzira padera pavo kuparadzwa kunokasira.