Jer. 6:13 - Bhaibheri Rakachena muChindau

¹³ “Ngokuti kubvira pamudoko kuguma pane wakakurisa wavo, veshe vanokarira kuuyirwa ngezvisina shwiro; nokubvira pamuprofeti nepamupristi, umwe ngaumwe unoita ngokuchengedzera.

Jer. 6:13 Iomraidhean Croise

Isa. 28:7

Avowo vanokweiwa ngokumwa vhini, vanothethereka ngezvokumwa zvinoradzisa; mupristi nomuprofeti vanokweiwa ngokumwa zvinoradzisa, vanokangaidzwa ngevhini, vanothethereka ngokumwa zvinoradzisa; vanokorera muchioniso, vanopumhunwa mukugura ndaa.

Isa. 57:17

Ngendaa yokushaisha kwokuemura kwake ndakamutsenekera; ndikamuchaya, ndakahwara ndakatseneka; asi wakaangira kupetuka sure munjira yokuda kwomwoyo wake.

Jer. 14:18

Dai ndechibuda kuenda kurubaya, ringira, varipo vaya vakaurawa ngeshoti! Dai ndechipotera mudhorobha, ringira, varipo vaya vanorwara ngenzara! Ngokuti veshe vaprofeti nevapristi vanohambahamba munyika vasikazii.”

Jer. 17:11

Kudai ngechikware chinofungatira mazanda echisikazi kubara ndizvo zvakaita uwo unounganidza upfumi ngenjira isikazi kururama, unozohusiya achipakati pemazuva ake nepakupera kwake unozoita benzi.

Jer. 2:26

“Kudai ngembavha inotsverudzwa apo yabatwa, ndizvo mhatso yaIsuraeri inotsverudzwa; ivo, madzimambo avo, vatongi vavo, vapristi vavo nevaprofeti vavo,

Jer. 2:29

Ngenyi mwechindigunun'unira? Imwimwi mweshe mwakandimukira, unoronza Mambo Mwari.

Jer. 2:8

Vapristi avazikubvunza kuti, ‘Uri pari Mambo Mwari?’ Naavo vanobata mipango avazi kundizia; vaushi vakapauka kubva kwendiri, vaprofeti vakaprofeta ndiBhaari, vakateera zviro zvisikadetseri chiro.

Jer. 22:17

Asi madziso ako nomwoyo wako azvioni chimweni kwega kuemura nokuparadza ngazi isina ndaa, nokuita kutambudza nokupamba.

Jer. 23:10

Ngokuti nyika yazara ngavaombi; ngendaa yechituko, nyika inobonda, mafuro akanaka omushango aoma. Kuhamba kwavo kwakashata, nesimba ravo arizi kunaka.

Jer. 23:11

“Veshe vaprofeti nevapristi avadi Mwari; kunyazwi mumhatso mwangu, ndaona kushata kwavo,” unoronza Mambo Mwari.

Jer. 27:15

‘Andizi kuvatuma,’ unoronza Mambo Mwari, ‘Asi vanoprofeta manyepo ngezina rangu; nokugumisira kwazvo ndinozomudzingamwo, nemwi munozoparadzwa, imwimwi nevaprofeti vanoprofeta kwomuri.’ ”

Jer. 32:32

ngendaa yokushata kweshe kwevanhu vaIsuraeri nekwevanhu vaJudha, kwevakaita kumusa kutseneka kwangu, ivo namadzibaba avo, vatongi vavo, vapristi vavo nevaprofeti vavo, vanhu vaJudha, naavo vanogara muJerusarema.

Jer. 42:1

Zvino nduna dzeshe dzehondo, naJohanani mukororo waKarea, naJezania mukororo waHoshaia, nevanhu veshe kubvira pamudoko kuguma kumukuru, vakauya pasinde,

Jer. 5:31

Vaprofeti vanoprofeta manyepo nevapristi vanotonga vechipangwa ngevaprofeti; navanhu vangu vanoda kuti zvidaro; asi munozoitenyi kumagumo azvo?”

Jer. 8:10

Ndizvo ndinozopa vakadzi vavo kunevamweni, neminda yavo kune vanyisi, ngokuti umwe ngaumwe kubvira kumudoko metsa kunomukuru vakadzipira mukuemura; kubvira kumuprofeti metsa kumupristi, umwe ngaumwe unoita ngokuchengedzera.

Chi. 4:13

Indaa yezvishaishi zvavaprofeti varo, nokushata kwevapristi varo, vakaparadza ngazi yevakarurama mukati mwaro.

Ezek. 22:12

Mukati mwako vanoashira zvitengero kuti vaparadze ngazi; iwewe unoashira zveshe kuuyirwa kuchazouya nezvinowanziswa, wakaashira kuuyirwa kusikazi kunaka kubva kumuakirwana wako, newe wandiriyarwa, unoronza Mambo Mwari, Mwari.’

Ezek. 33:31

Vanouya kwouri kudai ngokuuya kunoita vanhu, navo vanogara pamberi pako kudai ngezvinoita vanhu vangu, vanozwa mazwi ako, asi avazoapurutani. Ngokuti ngomuromo wavo vanoonisa rudo, asi mwoyo wavo unokara ngokuda kuuyirwa ngezvakawanda.

Mik. 3:11

Vakuru varo vanotonga ngokutengerwa, vapristi varo vanodzidzisa ngomusharo, vaprofeti varo vanoprofeta ngokuona mare; asi vanotseama kunaMambo Mwari vechiti, “Ngegwinyiso Mambo Mwari unesu! Akuna kushata kungatigumira.”

Mik. 3:5

Izvi ndizvo zvinoronza Mambo Mwari ngendaa yevaprofeti vanopausa vanhu vangu avo vanodaidzira kuti, “Kunyarara,” apo vanacho chokudya, asi vanonasirira kurwa hondo naavo vasina chevanoisa pamiromo yavo.

Ruka 16:14

VaFarisi, avo vaida mare, vakazwa zveshe izvi, navo vakamusvereredza.

1 Tim. 3:3

haiwa chidhakwa, usikaambani, asi wakapfaa, usikaiti hasha, usikadisisi mare.

2 Pet. 2:1

Asi vaprofeti vokunyepa vakabudapo pakati pevanhu, kudai ngezvevanozoapo vadzidzisi vokunyepa pakati penyu, vanozopotedza ngokufishika zvidzidziso zvinoparadza. Vanozoramba Mambo emene wakavatenga, vechidziunzira padera pavo kuparadzwa kunokasira.

2 Pet. 2:3

Mukuemura kwavo vanozomuchengedzera ngemazwi okudziitisa. Kutongwa kwavo kwakaronzwa kubvira karetu akunonoki nokurashwa kwavo akuati.