Jer. 6:11 - Bhaibheri Rakachena muChindau

¹¹ Asi ndakazara ngoushungu hwaMambo Mwari; ndaremba ngokunyararira.” “Udurure padera pevana vari mumapato omudhorobha, nepadera pembungano yemajaha, ari pamwepo; veshe mwamuna nomukadzi vanozotorwa, musharuka pamwepo neharahwa.

Jer. 6:11 Iomraidhean Croise

Isa. 40:30

Kunyazwi majaha anozodemera nokuremba, nevamuna vatsva vanozowa pashi ngokuremba.

Jer. 15:17

Andizi kugara pakati nokuti kudakara mumushongano wevanosheka; ndakagara ndega pashi peuremu wenyara yako, ngokuti waiya wandizadza ngoushungu.

Jer. 15:6

Mambo Mwari wakati, “Iwewe wandirasha, uri kuhwirira sure; ndizvo ndatambanudza nyara yangu kwouri nokukuparadza; ndaremba ngokumukungurira.

Jer. 18:21

Ndizvo pinzai vana vavo munzara, vapirenyi kusimba reshoti; vakadzi vavo ngavafirwe ngavana vavo nevamuna vavo. Vamuna vavo ngavaurawe ngenhenda; majaha avo ngavaurawe ngeshoti muhondo.

Jer. 20:9

Kuti ndikati, “Andichazoereketi ndiye, nokuti kuereketa ngezina rake mhera nariini,” zvino mukati mwangu chirimwo chinopisha kudai ngomuriro unobaka, wakakonyerwa mumagodo angu, neni ndaremba ngokushingirira, ndakorera.

Jer. 5:9

Andizovaorori ngeizvi here?” Unoronza Mambo Mwari. “Mweya wangu auzounzidziri here kudzinza rakadai ngeiri?

Jer. 7:20

Ndizvo izvi zvinoronza Mambo Mwari, Mwari kuti, “Ringirirai, kunyangadzwa kwangu noushungu hwangu zvinozodururwa padera peiyi ndau, padera pevanhu nepadera pemhuka, padera pemiti yomushango napadera pemichero yemavhu; hunozobaka, auzodzimwi.”

Jer. 9:20

“Izwai, O madzimai, izwi raMambo Mwari, nzee dzenyu ngadzizwe izwi romuromo wake; mudzidzise vanasikana venyu kubonda, neumwe ngaumwe ngaadzidzise muakirwana wake chiriro.

Jer. 9:21

Rufu rwauya kumafasitera edu, kwapinda mungome dzedu, kugura vana kubva mumapato, nemajaha kubva kumadariro.

Chi. 1:15

Mambo Mwari waramba dzeshe ngwazi dzangu dziri mukati mwangu; wakandidaidzira nguva yokurwa neni kuuraya majaha angu; Mambo Mwari watsikatsika pashi kudai ngounosvina mavhini mhandwe mwanasikana Judha.

Chi. 2:21

Vadoko nevakuru vanoata pamavhu mumapato; mhandwe dzangu nemajaha angu awa ngeshoti; pazuva roushungu hwako wavauraya, kuuraya usikakunguriri.

Ezek. 24:21

‘Ereketa kunemhatso yaIsuraeri, izvi ndizvo zvinoronza Mambo Mwari, Mwari: Ringira, ndinozosvipisa ugaro hwangu hwakachena, kudzikudza kwesimba renyu, chidakadziso chemadziso enyu, nechidisiso chomweya yenyu; vakororo venyu nevanasikana venyu vemwakasiya sure vanozourawa ngeshoti.

Ezek. 3:14

Mweya wakandimirudza padera, ukanditwara, ukaenda neni ndakanyangadzwa; ndakaenda ndiri mukupisha mumweya wangu, nyara yaMambo Mwari yaiya nesimba padera pangu.

Ezek. 3:3

Wakati kwendiri, “Mukororo womunhu, idya bhuku rinopetwa rendinokupa, uzadze ndani yako ndiro.” Zvino ndakaridya; nomukanwa mwangu raitapira kudai ngouchi.

Ezek. 9:6

Muuraye vanhu vakuru nevadoko, veshe vasikana nevana vadoko, nevakadzi, asi musakwedzera pasinde pomunhu nokuti ngouri waiswa chioniso. Mutangire pandau yangu yakachena.” Ndizvo vakatanga ngevasharuka vaiya pamberi pemhatso.

Mik. 3:8

Asi ndini ndakazara ngesimba noMweya waMambo Mwari, nokutonga kwakanaka nokugwinya, kuziisa kunaJakobe kupauka kwake, nokunaIsuraeri kushaisha kwake.

Ruka 17:34

Ndinoti kwomuri, ngouwo usiku vairi vanozoapo pamubhedhi umwewo; umwe unozotorwa noumweni unozosiiwa.

Zvak. 17:16

Zvino Phauri achavagarira muAtenesi, mweya wake wakatambudzika yaamho, echiona dhorobha rakazara ngemiedzaniso yokudira.

Zvak. 18:5

Asi apo Sirasi naThimothi vaiya vauya vechibva Masedhonia, Phauri akabatika ngeizwi, wakapupura kuvaJudha kuti Jesu ndiye Kristu.

Zvak. 4:20

ngokuti isusu atikoni kurekera kuereketa ngeizvo zviro zvetakaona nezvetakazwa.”

Chakapangijihwa 16:1

Zvino ndakazwa izwi guru rechibva mutemperi rechironzera ngirosi nomwe rechiti, “Endai, mwodururira munyika mikheyo minomwe youshungu hwaMwari.”