Jer. 52:8 - Bhaibheri Rakachena muChindau

⁸ Asi hondo yevaKharadhea yakarumbirira mambo, ikabata Zedhekia murubaya rweJerikho; nehondo yake yeshe yakaparadzwa ikamutiza kubva kwaari.

Jer. 52:8 Iomraidhean Croise

Jer. 21:7

Mambo Mwari unoti, ‘Ngesure kwazvo ndinozopa Zedhekia mambo waJudha, nevaranda vake, nevanhu vedhorobha iri, avo vakapona nhenda, kushoti nenzara, munyara yaNebhukhadhineza mambo weBhabhuroni, munyara yemagaa avo, munyara yaavo vanotsvaka kuvauraya. Unozovabaya ngokupinza kweshoti; aazovakunguriri, nokuti kuvaponesa, nokuti kuvaitira nyasha.’ ”

Jer. 32:4

Zedhekia mambo waJudha aazopokonyoki kubva kunyara yevaKharadhea, asi ngegwinyiso unozopirwa munyara yamambo weBhabhuroni, echizoereketa naye hope kuhope, nokumuona dziso kudziso;

Jer. 34:21

Ndinozopira Zedhekia mambo waJudha nevatongi vake munyara dzemagaa avo nomunyara dzaavo vanotsvaka kuvauraya, nomunyara dzehondo yamambo weBhabhuroni, avo vabva kwomuri.

Jer. 37:17

Zvino Zedhekia mambo wakatumira izwi kuti abudiswe nokumuashira. Mambo wakamubvunza ngokufishika mumhatso echiti, “Riripo here izwi rabva kunaMambo Mwari?” Jeremia wakati, “Riripo.” Zvino wakati, “Unozopirwa munyara yamambo weBhabhuroni.”

Jer. 37:18

Jeremia wakatiwo kunamambo Zedhekia, “Chiinyi chendakakushaishira iwewe nokuti varanda vako, nokuti ava vanhu kuti undikonyere mutirongo?

Jer. 38:23

Vakadzi vako veshe navana vako vanozotungamirirwa kuenda kuvaKharadhea, newe auzobudi kubva munyara dzavo, asi unozobatwa ngenyara dzamambo weBhabhuroni, nedhorobha iri rinozopishwa ngomuriro.”

Jer. 39:5

Asi hondo yevaKharadhea yakavarumbirira, ikabata Zedhekia murubaya rweJerikho; naapo vamubata vakamuunza kunaNebhukhadhineza mambo weBhabhuroni paRibra, munyika yeHamathi, naye wakamutonga.