Jer. 52:3 - Bhaibheri Rakachena muChindau

³ Ngegwinyiso Jerusarema naJudha vakanyangadza Mambo Mwari, ndizvo zvakaita kuti avadzinge kubva pamberi pake. Zedhekia wakamukira mambo weBhabhuroni.

Jer. 52:3 Iomraidhean Croise

Gen. 4:14

Penya, wandidzinga nyamashi kubva panyika; ndinozofishika kubva kuhope yako; ndinozoita usina kanyi nomupepesheki munyika; kunozoitika kuti kunyazwi ndiani unozondiona, unozondiuraya.”

Gen. 4:16

Naapo Kheni wakabuda kubva pamberi paMambo Mwari, akagara munyika yeNodhi, ngokumabvazuva kweEdheni.

2 Sam. 24:1

Noushungu hwaMambo Mwari hwakabakazve kunevaIsuraeri, wakamusa Dhavhidha kuti ati kwevari, “Endai, muerenge Isuraeri naJudha.”

1 Madzi. 10:9

Ngaabongwe Mambo Mwari, Mwari wako, uwo unodakara ndiwe, nokukugadza padendemaro raIsuraeri! Ngokuti Mambo Mwari wakada Isuraeri mhera nariini, ndizvo wakakuemesa kuita mambo, kuti uite kutonga kwakanaka nokwakarurama.”

2 Madzi. 17:18

Ndizvo Mambo Mwari wakanyangadzirwa vaIsuraeri, akavadusa kubva pamberi pehope yake; akuna wakasara, kwega dzinza raJudha.

2 Madzi. 17:20

Mambo Mwari wakaramba mibarirwana yeshe yaIsuraeri; wakavatambudza, akavapa munyara dzevachakati, metsa avarasha kubva pamberi pehope yake.

2 Madzi. 17:23

metsa Mambo Mwari adusa vaIsuraeri kubva pamberi pake, kudai ngezvaakaronza kubudikidza ngevaranda vake veshe vaprofeti. Ndizvo vaIsuraeri vakaitwa vatorwa kubva kunyika yavo kuenda Asiria metsa nyamashi.

2 Madzi. 24:20

Ngegwinyiso Jerusarema naJudha vakanyangadza Mambo Mwari, metsa wakavadzinga kubva pamberi pake. Zedhekia wakamukira mambo weBhabhuroni.

2 MaKro. 36:13

Nayezve wakamukira mambo Nebhukhadhineza, uwo wakamupikisa mhiko ndiMwari; asi wakakukutarisa mutsipa wake, akakonzisa mwoyo wake kuti asatenderukira kunaMambo Mwari, Mwari waIsuraeri.

Ezura 4:15

kuti kutsvakisiswe kubva mubhuku rendaa dzemadzibaba ako. Munozoona mubhuku rendaa dzemadzibaba enyu kuti iri dhorobha idhorobha rokumukira, rinoshaishira madzimambo nenyika, nokumusa kumukira mukati mwaro kubvira ngemazuva ekaretu. Ngendaa yeizvi dhorobha iri rakaparadzwa.

Mazwi 28:2

Naapo nyika yaane kumukira, yaane vatongi vazhinji; asi inomutongi wakangwara, inogara mukunyarara mhera nariini.

Muchu. 10:16

Ihehe iwewe, A nyika, apo mambo wako achiri mwana, nenduna dzako dzechidya dhiri mangwanani!

Isa. 19:4

Ndinozopira vaEgipite munyara yamambo unoushungu; mambo unotyisa unozotonga padera pavo,” unoronza Mambo Mwari wehondo.

Isa. 3:1

Ngokuti, ringira, Mambo Mwari, Mambo Mwari wehondo, unotora sika nomudondoro kubva Jerusarema neJudha: zveshe zvinopa ndaramo, chingwa nemvura,

Isa. 36:5

Unopinimidza kuti mazwi ega ndiyo njira nesimba rokurwa hondo here? Unogonda anani, kuti urwisane neni?

Jer. 15:1

Zvino Mambo Mwari wakati kwendiri, “Kunyazwi Mosi naSamueri vakaema pamberi pangu, asi mwoyo wangu aungakunukukiri kunevanhu ava. Vabvise pamberi pehope yangu, ngavaende.

Jer. 7:15

Neni ndinozomurasha kubva mukuona kwangu, kudai ngezvendakarasha hama dzenyu dzeshe, kunoti, mibarirwana yeshe yeEfuremu.