Jer. 51:9 - Bhaibheri Rakachena muChindau

⁹ Takaedza kuponesa Bhabhuroni, asi aripori. Rirekerenyi, mutiendere umwe ngaumwe wedu aende kunenyika yake; ngokuti kutongwa kwaro kunoguma mudenga, nakwo kwamirudzwa kuguma mudenga mumakore.

Jer. 51:9 Iomraidhean Croise

2 MaKro. 28:9

Asi muprofeti waMambo Mwari waiyamwo, zina rake ndiOdhedhi; naye wakabuda kooshongana nehondo yakaguma Samaria, wakati kwevari, “Ringirai, ngokuti Mambo Mwari, Mwari wemadzibaba enyu wakamunyangadzirwa Judha, akavapira munyara dzenyu, nemwi mwakavauraya mukunyangadzwa kukurutu ukwo kwakaguma mudenga.

Ezura 9:6

Ndakati, “A Mwari wangu, ndatsveruka kakurutu nokutsveruka kuti ndimirudze hope yangu kwouri, Mwari wangu, ngokuti zvishaishi zvedu zvakwira kudarika padera pemasoro edu, nokushaisha kwedu kwakura kuguma kumatenga.

Isa. 13:14

Kudai ngeshoma inorumbirirwa, nokuti kudai ngemakwai asina unoaunganidza, veshe vanozohwirira kuvanhu vavo, veshe vanozotizira kunyika dzavo.

Isa. 47:15

Ava vanhu vakadai kwouri ngevewakashanda navo, avo vewakatengerana navo kubvira muutsva hwako; vanonzerereka umwe ngaumwe munjira mwake; apana naumwe unozokuponesa.

Jer. 46:16

Wakaita kuti vazhinji vako vapumhunwe vawe, umwe wakawira padera poumweni; navo vakati, ‘Uyai, ngatipetuke kuvanhu vedu, nokunyika yedu yechibarirwe, ngendaa yeshoti inoparadza.’

Jer. 46:21

Kunyazwi varwiri varo vari pakati paro vakadai ngamakonyana akakodzwa muchibaya; navowo vakapetuka, vakatiza veshe pamwepo; avazi kuema, ngokuti zuva rokuororwa kwavo kukuru ravagumira; mukuwo wokuororwa kwavo.

Jer. 50:16

Gurai mukushi kubva muBhabhuroni, nouwo unoshandisa sikeyo panguva yokucheka; ngendaa yokutya shoti inoparadza veshe umwe ngaumwe unozopetuka kuvanhu vake, umwe ngaumwe unozotizira kunyika yake.

Jer. 8:20

“Kukukura kwapinda, zienza rapera, nesu atizi kuponeswa.”

Hos. 7:13

“Ihehe kwevari, ngokuti vakatiza kubva kwendiri! Kuparadzwa ngakua kwevari, ngokuti vakamukira kurwa neni! Ndaizovanunura, asi vanoereketa manyepo ndini.

Chakapangijihwa 18:4

Ndakazwa izwi rimweni rechibva mudenga rechiti, “Budai kubva kwaari, vanhu vangu, kuti musakoanisana naye muzvishaishi zvake, zve, kuti musazoashidzana naye madambudziko ake;

Chakapangijihwa 18:5

ngokuti zvishaishi zvake zvakaita murwi zvinoguma mudenga, naMwari wakakarakadza ngezvakashata zvake.