Jer. 51:6 - Bhaibheri Rakachena muChindau

⁶ Tizai mubude kubva pakati peBhabhuroni, nomunhu weshe ngaadziponese! Musaparadzwa ngendaa yokushata kwaro, ngokuti uyu mukuwo wokuunzidzira waMambo Mwari; unoriunzidzira zverakaita.

Jer. 51:6 Iomraidhean Croise

Nduyo 94:1

A Mambo Mwari, iwewe Mwari wokuunzidzira, iwewe Mwari wokuunzidzira, jeka!

Mazwi 13:20

Kunyazwi ndiani unohamba nevanhu vakangwara unongwara, asi unozwanana nemapenzi unoremadzwa.

Isa. 48:20

Budai kubva Bhabhuroni, tizai kubva kuvaKharadhea, daidzirai izvi ngeizwi rokudakara, daidzirai, tumirai nokumagumo enyika; ronzai kuti, “Mambo Mwari waripira muranda wake Jakobe.”

Isa. 63:4

Ngokuti zuva rokuunzidzira raiya mumwoyo mwangu, negore romushando wangu wokuripira raguma.

Jer. 25:14

Ngokuti madzinza akawanda nemadzimambo makuru anozovasunga muuhloko, neni ndinozovaunzidzira kudai ngezviito zvavo, nokudai ngemishando yenyara dzavo.”

Jer. 25:16

Vanozomwa nokuthethereka nokupenga, ngendaa yeshoti yendinozotumira pakati pavo.”

Jer. 27:7

Madzinza eshe anozomushandira nomukororo wake, nomukororo womukororo wake, metsa mukuwo wenyika yake ugume; zvino madzinza akawanda nemadzimambo makuru anozomuita hloko yavo.’

Jer. 46:10

Zuva iro izuva raMambo Mwari, Mwari wehondo, zuva rokuunzidzira, rokuti adziunzidzire magaa ake. Shoti inozodya, inozoguta nokuradza ngengazi yavo. Ngokuti Mambo Mwari, Mwari wehondo, unemudiro wokubaira ngedera parwizi runozwi Yufratesi.

Jer. 48:6

‘Tizai! Mudziponese; mudai ngepfiba riri murubaya.’

Jer. 50:15

Daidzirai kurwa naro kubva kumarutii eshe kuti, ‘Radzipira; matsikiro aro awa, marukumbati aro apwanyirwa pashi.’ Ngokuti uku ndikwo kuunzidzira kwaMambo Mwari: riunzidzirenyi; kudai ngezverakaita itai kudaro kweriri.

Jer. 50:28

“Izwai! Vanotiza nokupokonyoka kubva munyika yeBhabhuroni, kuuya koodaidzira mhere muZioni, yokuunzidzira kwaMambo Mwari, Mwari wedu, kuunzidzira temperi rake.

Jer. 50:31

“Ringirai, ndinorwisana newe, O unodzikudza,” unoronza Mambo Mwari, Mwari wehondo; “Ngokuti zuva rako raguma, nguva yendinozokuorora.

Jer. 50:8

Tizai kubva muBhabhuroni, mubude kubva munyika yevaKharadhea, mudai ngemagotokoto anotungamirira mitanga.

Jer. 51:11

“Rodzerai misee! Zadzai chikomwe! Mambo Mwari wamusa mweya wemadzimambo evaMedhe, ngokuti biningidzo rezano rake ngeBhabhuroni kuriparadza; ngokuti ndikwo kuunzidzira kwaMambo Mwari kuunzidzira ngendaa yetemperi rake.

Jer. 51:36

Ndizvo izvi zvinoronza Mambo Mwari: “Ringira, ndichakuereketera ndaa yako, nokukuunzidzira. Ndinozoomesa ruandhle rwake, nokuita kuti zvinyuka zvake zviome.

Jer. 51:45

Budai kubva mukati mwaro, vanhu vangu. Mudziponese kubva kuushungu hunotyisa hwaMambo Mwari umwe ngaumwe wenyu.

Jer. 51:50

“Imwimwi mwakapona shoti, endai, musazungaira! Karakadzai Mambo Mwari muri munyika kuretu, Jerusarema ngariuye kumikarakadzo yenyu.

Jer. 51:56

Ngokuti muparadzi waguma kurwa naro, kurwa neBhabhuroni; ngwazi dzaro dzatorwa, uta hwadzo hweshe hwagurwa; ngokuti Mambo Mwari ndiMwari wokuunzidzira, ngegwinyiso unozounzidzira.

Jer. 51:9

Takaedza kuponesa Bhabhuroni, asi aripori. Rirekerenyi, mutiendere umwe ngaumwe wedu aende kunenyika yake; ngokuti kutongwa kwaro kunoguma mudenga, nakwo kwamirudzwa kuguma mudenga mumakore.

Chi. 3:64

Vaunzidzire, O Mambo Mwari, kudai ngomushando wenyara dzavo!

Zvi. 16:26

Naye wakaereketa kunombungano echiti, “Ibvai, ndinomupota, mukati mwematende eava vanhu vakashata, musagwama chiro nachimwe chavo, kuti musazopedzwa muzvishaishi zvavo zveshe.”

Dhuto. 32:25

Kubanze mumapato shoti richavauraya, nokutyisa kuri mukati mwemhatso, nazvo zvinozopedza veshe majaha, nemhandara, nevachaamwa pamwepo nevakuru vachena imvi.”

Dhuto. 32:41

naapo ndechizorodzera shoti yangu inon'anikira, nenyara yangu yechibatirira mukutonga; ndinozounzidzira kumagaa angu, ndinozounzidzira avo vanondizonda.

Dhuto. 32:43

Kudzai, imwimwi matenga, vanhu vake mudirei nemwi mweshe zvimwari! Ngokuti iye unozounzidzira ngazi yevana vake, naye unozopa kuunzidzira kumagaa ake, naye unozochenesa nyika ngendaa yevanhu vake.”

1 Tim. 5:22

Usakasira kuisa nyara padera pomunhu, usaashidzana nevanhu vamweni zvishaishi zvavo; dzingwarire kuti ugare wakasukika.

Chakapangijihwa 16:19

Nedhorobha guru rakagurwa kuita marupande matatu, nemadhorobha evemadzinza akawa. Mwari wakakarakadza Bhabhuroni guru, kuti ripuwe tsani yevhini rokutyisa kwoushungu hwake.