Jer. 51:51 - Bhaibheri Rakachena muChindau

⁵¹ Tatsveruka, ngokuti tazwa zvituko; kutsverudzwa kwafukidza hope dzedu, ngokuti vapara vaguma kundau dzakacheneswa dzemhatso yaMambo Mwari.

Jer. 51:51 Iomraidhean Croise

Nduyo 109:29

Magaa angu ngaapfekeswe ngokureruswa; ngavadziputire mukutsveruka kwavo kudai ngechokufuka.

Nduyo 71:13

Ngavatsverudzwe vapetudzwe, avo vanoitira ndaa mweya wangu; avo vanotsvaka kundiremadza ngavafukidzwe ngechituko nokutsverudzwa.

Nduyo 79:1

A Mwari, vemadzinza vapotera munhaka yako; vasvipisa temperi rako rakachena; vakaparadza Jerusarema kuita matongo.

Nduyo 79:12

Unzidzira kuvaakirwana vedu mikuwo minomwe paditi pavo kutsverudza kwavo kwevakakutsverudza ndikwo, A Mambo Mwari.

Nduyo 79:4

Taita chitsverudzo kunevaakirwana vedu, kushoorwa nokushekwa ngeavo vanotitendenedza.

Nduyo 89:46

A Mambo Mwari, metsa riini? Unozodzifisha mhera nariini? Ushungu hwako hunozobaka kudai ngomuriro mukuwo wakaitawani?

Isa. 13:1

Izwi guru ngendaa yeBhabhuroni raakaona Isaya mukororo waAmozi.

Isa. 14:1

Asi Mambo Mwari unozoitira Jakobe nyasha, uchazotsanangurazve Isuraeri, nokuvaisa munyika mwavo; nevapara vanozobatana navo, vanozodzibatanidza pachavo kumhatso yaJakobe.

Isa. 21:1

Izwi guru ngendaa yorubaya rworuandhle. Kudai ngezvipupuri zvokubani zvinotsvaira, zvinouya zvechibva murubaya kubva kunyika inotyisa.

Isa. 47:1

Dzaka pashi, ugare mubukuta, iwewe mhandwe, mwanasikana weBhabhuroni! Gara pashi pamavhu pasina dendemaro, mwanasikana wevaKharadhea! Ngokuti auchazodaidzwi kuti wakapfaa nousikabatiki.

Jer. 14:3

Vakuru varo vanotuma varanda vavo koochera mvura; vanoguma kuzvinyuka, asi avaoni mvura; vanohwirira nezvidziyo zvisina mvura. Vanotsveruka nokukangaidzwa nokufukidza masoro avo.

Jer. 25:26

madzimambo eshe enyika dzedera, dzokuretu nedzepasinde, imweni neimweni, noumambo hweshe hwenyika huri padera pehope yenyika. Nesure kwavo mambo weSheshakhi unozomwa.

Jer. 31:19

Ngesure apo ndapauka, ndakatenderuka; ngesure apo ndaonwa, ndakachaya chizva changu; ndakatsveruka, ndakapera simba ngokuti ndakatwara kutsverudzwa kwoutsva hwangu.’

Jer. 52:13

Wakapisha mhatso yaMambo Mwari, mhatso yamambo, nemhatso dzeshe dzeJerusarema; nemhatso dzeshe dzavakuru wakadzipisha.

Chi. 1:10

Gaa rakatambanudza nyara dzaro padera pezviro zvaro zveshe zvinomutengo mukurutu; ratoona madzinza echipotera mundau dzaro dzakacheneswa, avo vewakaereketa ndivo kuti vasapotera mumishongano yako.

Chi. 2:20

Ringira, O Mambo Mwari, ukarakadze. Ngokunaani kwewaita izvi? Madzimai vangadya mibarirwana yavo here, vana vevabara? Mupristi nomuprofeti vangaurawa here mundau yakacheneswa yaMambo Mwari?

Chi. 5:1

Karakadza, O Mambo Mwari, izvo zvatigumira; ringira, uone kutsveruka kwedu.

Ezek. 24:21

‘Ereketa kunemhatso yaIsuraeri, izvi ndizvo zvinoronza Mambo Mwari, Mwari: Ringira, ndinozosvipisa ugaro hwangu hwakachena, kudzikudza kwesimba renyu, chidakadziso chemadziso enyu, nechidisiso chomweya yenyu; vakororo venyu nevanasikana venyu vemwakasiya sure vanozourawa ngeshoti.

Ezek. 36:30

Ndinozowandisa michero yemiti nokuwandisa zvinomeriswa mumunda, kuti muchatambudzwazve mukutsverudzwa ngendaa yenzara pakati pemadzinza.

Ezek. 7:18

Vanozodzisimidza ngemachira emasaka, kutyisa kukuru kunozovafukidza. Kutsveruka kunozoa padera pehope dzeshe, mhanza dzinozoa padera pemasoro eshe.

Ezek. 9:7

Zvino wakati kwevari, “Svipisai mhatso yaMwari, muzadze muruwanze ngevakaurawa. Endai!” Ndizvo vakabuda kuenda, vakauraya mudhorobha.

Dha. 11:31

Hondo inotumwa ndiye inozogara nokuzosvipisa ndau yakacheneswa norusvingo. Vanozodusa mibairo yokupishwa yezuva rimwe ngarimwe, vanozoemesa chinyangadzo chinoparadzanisa.

Amo. 7:9

Ndau dzakakwirira dzaIsaka dzinozoita shango, nendau dzakacheneswa dzaIsuraeri dzinozoparadzwa; neni ndinozomiruka kurwa nemhatso yaJerobhoamu ngeshoti.”

Mik. 6:16

Ngokuti wakangwarira zviemeso zvaOmuri, nemishando yeshe yemhatso yaAhabhi, newe wateera mipango yavo. Ndizvo ndinozokuita matongo, nevagari vemwo kuti vaite vashoorwi; ndizvo unozotwara chimene chevanhu vangu.”

Mik. 7:10

Zvino gaa rangu rinozoona, nokutsveruka kunozomufukidza uwo wakati kwendiri, “Uripari Mambo Mwari, Mwari wako?” Madziso angu anozomuona pakuwa kwake; zvino unozotsikwatsikwa pashi kudai ngemadhaka emapato.